.jpg)
3.jpg)
खेड ( प्रतिनिधी) - दापोली शहरातील मुख्य एसटी बसस्थानक परिसरात सोमवारी दुपारी साडेतीन ते चार वाजण्याच्या सुमारास तिहेरी अपघाताची घटना घडली. भरधाव वेगाने येणाऱ्या कारने रस्त्याच्या कडेला उभ्या असलेल्या दुचाकीला जोरदार धडक दिल्यानंतर दुचाकी पुढे जाऊन रिक्षावर आदळल्याने हा अपघात घडला. या दुर्घटनेत रिक्षाचालक जखमी झाला असून त्याच्यावर उपचार सुरू आहेत. मिळालेल्या माहितीनुसार, खेडकडून दापोलीच्या दिशेने येणारी कार भरधाव वेगात होती. एसटी बसस्थानकाजवळ आल्यानंतर चालकाचे वाहनावरील नियंत्रण सुटल्याने कारने प्रथम रस्त्याच्या कडेला उभ्या असलेल्या दुचाकीला पाठीमागून जोरदार धडक दिली. धडकेचा वेग इतका प्रचंड होता की दुचाकी अनेक फूट पुढे फेकली जाऊन समोर उभ्या असलेल्या रिक्षावर जाऊन आदळली.
यावेळी संबंधित रिक्षाचालक आपल्या रिक्षाच्या पाठीमागे उभा होता. अचानक घडलेल्या या घटनेत दुचाकी रिक्षावर आदळल्याने रिक्षाचालकही अपघाताच्या कचाट्यात सापडला. त्याच्या गुडघ्याला गंभीर दुखापत झाली असून स्थानिक नागरिकांनी तातडीने त्याला उपचारासाठी जवळच्या रुग्णालयात दाखल केले. अपघातात दुचाकी आणि रिक्षाचे मोठ्या प्रमाणात नुकसान झाले आहे. घटनेनंतर बसस्थानक परिसरात नागरिकांची मोठी गर्दी झाली होती. स्थानिकांनी तत्काळ घटनास्थळी धाव घेत जखमीला मदत केली तसेच वाहतूक सुरळीत करण्यासाठी प्रयत्न केले.
दापोली शहरातील वर्दळीच्या भागात झालेल्या या अपघातामुळे काही काळ वाहतुकीची कोंडी निर्माण झाली होती. पोलिसांनी घटनास्थळी भेट देऊन परिस्थिती नियंत्रणात आणली. अपघाताचे नेमके कारण आणि कार चालकाची जबाबदारी याबाबत अधिक तपास सुरू असल्याची माहिती मिळाली आहे. या घटनेमुळे शहरातील गर्दीच्या ठिकाणी वाहनचालकांनी वेगावर नियंत्रण ठेवण्याची आणि वाहतुकीचे नियम पाळण्याची गरज पुन्हा अधोरेखित झाली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.