खेड तालुक्यात १३ गावांतील २८ वाड्यांत भीषण पाणीटंचाई

Breaking News

टाइम्स स्पेशल: शेगाव ते पंढरपूर - संत गजानन महाराजांच्या पालखीचे संपूर्ण वेळापत्रक, वाचा मार्ग व मुक्काम कुठे?
टाइम्स स्पेशल: मनसे अध्यक्ष राजसाहेब ठाकरे यांच्या वाढदिवसानिमित्त मनसे गुहागर तालुका तर्फे वक्तृत्व स्पर्धा उत्साहात संपन्न
टाइम्स स्पेशल: एक अफवा ठरली जीवघेणी ठरली ! ट्रेनमधून उड्या मारणाऱ्या 4 प्रवाशांचा निष्पाप मृत्यू
टाइम्स स्पेशल: चिपळूण पोलिसां तर्फे गोवळकोट येथील गोविंद गडावर स्वच्छता मोहीम
टाइम्स स्पेशल: महाराष्ट्र नगरोथान महाअभियान अंतर्गत उभारण्यात आलेल्या आधुनिक रिक्षा स्टँडचे उत्साहपूर्ण वातावरणात लोकार्पण
टाइम्स स्पेशल: रोहित पवार यांची मुलगी बाबांना पाहून रडली आणि सार्‍यांचे डोळे पाणावले
टाइम्स स्पेशल: हर्णे बाजारपेठेत वाहतूक कोंडी; वाहनांच्या लांब रांगा
टाइम्स स्पेशल: महामार्गावर मृत्यूचा सापळा, गावमळा ते कुरधुंडा दरम्यान ठेकेदाराकडून घातक ’आर.एम.सी.’ रस्त्यावरच सांडले; वाहनचालक आणि शेतीला रासायनिक धुळीचा विळखा
टाइम्स स्पेशल: सरकारने NEET परीक्षा कायम बंद करून विद्यार्थ्यांचा छळ थांबवावा-रफिक मोडक
टाइम्स स्पेशल: राज ठाकरे यांच्या वाढदिवसानिमित्त मनसे खेड तालुका अध्यक्ष संदीप फडकले यांच्या माध्यमातून दोन शाळा डिजिटल
टाइम्स स्पेशल: गुहागर किनार्‍यावर ‘ब्राऊन बुबी’ नवीन पाहुण्याचा मुक्काम
टाइम्स स्पेशल: आंबोली मुख्य धबधबा परिसरात कोसळले भलेमोठे दगड
टाइम्स स्पेशल: रत्नागिरी शहरातील विविध विकासकामांची पालकमंत्र्यांकडून प्रत्यक्ष पहाणी
टाइम्स स्पेशल: आरेकर इन्स्टिटय़ूट ऑफ मॅनेजमेंटला शैक्षणिक क्षेत्रात उल्लेखनीय कामगिरी बद्दल सह्याद्रीरत्न पुरस्कार प्रदान
टाइम्स स्पेशल: जैतापूर अणुऊर्जा प्रकल्पावरून रत्नागिरीत भाजप-शिवसेनेत वादाची ठिणगी; आमदार प्रमोद जठारांच्या भूमिकेने महायुतीत धुसफूस
टाइम्स स्पेशल: पीएमश्री मराठी प्राथमिक शाळा म्हसळा शाळेच्या पहिल्या दिवशी विद्यार्थ्यांच्या स्वागताची जय्यत तयारी
टाइम्स स्पेशल: मनसे अध्यक्ष राज ठाकरे यांच्या वाढदिवसानिमित्त कर्जत तालुक्यात 'महाआरोग्य शिबिर' संपन्न
टाइम्स स्पेशल: हर्णे गावातील गावातर्गंत रस्त्यांच्या दुरवस्थेमुळे वाहतूकीस होतोय अडथळा
टाइम्स स्पेशल: मनसे अध्यक्ष राज ठाकरे यांच्या वाढदिवसानिमित्त गुहागर तालुक्यात वृक्ष लागवड मोहिमेस प्रारंभ
टाइम्स स्पेशल: दोडामार्ग शहरातील बंद सीसीटीव्ही कॅमेरे तातडीने सुरू करा, नगराध्यक्ष व्यापारी संघ यांचे पोलीस निरीक्षक याना निवेदन

Breaking News

खेड तालुक्यात १३ गावांतील २८ वाड्यांत भीषण पाणीटंचाई

टाईम्स स्पेशल

2026-06-03 00:00:00

टाइम्स स्पेशल

खेड (प्रतिनिधी) - तालुक्यातील १३ गावांमधील २८ वाड्यांमध्ये सध्या भीषण पाणीटंचाई निर्माण झाली असून पिण्याच्या पाण्यासाठी ग्रामस्थांना मोठ्या हालअपेष्टा सहन कराव्या लागत आहेत. प्रशासनाकडून पाणीपुरवठ्यासाठी उपलब्ध असलेला एकमेव शासकीय टँकर मंगळवारी नादुरुस्त अवस्थेत आढळल्याने टंचाईग्रस्त भागातील नागरिकांच्या अडचणींमध्ये भर पडली आहे. पंचायत समिती खेडच्या अहवालानुसार तालुक्यातील विविध गावांतील २८ वाड्यांना शासकीय टँकरद्वारे पाणीपुरवठा केला जात आहे. मात्र मंगळवारी दिवसभरात या टँकरने एकही फेरी मारली नसल्याने अनेक गावांतील नागरिकांना पिण्याच्या पाण्यासाठी वणवण भटकावे लागले. अनेक ठिकाणी महिलांना व ज्येष्ठ नागरिकांना लांब अंतरावरून पाणी आणण्याची वेळ आली आहे.

https://ratnagiritimes.in//assets/images/2020/add/2020/sky22.jpg

सह्याद्रीच्या दुर्गम डोंगररांगांमध्ये वसलेल्या धनगरवाड्यांमध्ये परिस्थिती अधिकच गंभीर बनली आहे. नैसर्गिक जलस्रोत आटल्याने या भागातील ग्रामस्थांची संपूर्ण भिस्त टँकरवर आहे. मात्र टँकरच बंद पडल्याने अनेक कुटुंबांसमोर पिण्याच्या पाण्याचा गंभीर प्रश्न निर्माण झाला आहे. दुर्गम भागातील नागरिकांनी शासनाने तातडीने पर्यायी टँकरची व्यवस्था करावी, अशी मागणी केली आहे. दरम्यान, जून महिना सुरू होऊनही पावसाची कोणतीही ठोस चाहूल लागत नसल्याने नागरिकांमध्ये चिंतेचे वातावरण आहे. हवामान खात्याने कोकणात मान्सून सुमारे १२ जूनपर्यंत दाखल होण्याचा अंदाज व्यक्त केला असल्याने पाणीटंचाईची झळ बसलेल्या भागांतील ग्रामस्थ अधिकच धास्तावले आहेत. पुढील काही दिवस पाऊस लांबल्यास परिस्थिती आणखी गंभीर होण्याची शक्यता व्यक्त केली जात आहे.

टाईम्स स्पेशल

टंचाईग्रस्त भागांतील नागरिकांनी प्रशासन आणि लोकप्रतिनिधींनी या प्रश्नाकडे गांभीर्याने लक्ष देऊन अतिरिक्त टँकर उपलब्ध करून द्यावेत, नादुरुस्त शासकीय टँकर तातडीने दुरुस्त करावा तसेच दुर्गम धनगरवाड्यांमध्ये नियमित पाणीपुरवठा सुरू ठेवण्यासाठी विशेष उपाययोजना कराव्यात, अशी मागणी केली आहे. या पाणीसंकटामुळे ग्रामीण भागातील जनजीवन विस्कळीत झाले असून प्रशासनाने तातडीने हस्तक्षेप करून कायमस्वरूपी उपाययोजना करण्याची गरज निर्माण झाली आहे.