दापोली (चंद्रशेखर जोशी) : दापोली तालुका हा पर्यटनदृष्ट्या अतिशय महत्त्वाचा तालुका मानला जातो. दरवर्षी हजारो पर्यटक दापोलीतील समुद्रकिनारे, पर्यटनस्थळे तसेच स्थानिक व्यवसायांचा आनंद घेण्यासाठी येथे येत असतात. मात्र गेल्या काही दिवसांपासून महावितरण कंपनीकडून वारंवार विद्युत पुरवठा खंडित होत असल्याने नागरिक, व्यावसायिक तसेच पर्यटकांना मोठ्या प्रमाणात त्रास सहन करावा लागत आहे.
सततच्या वीज खंडित होण्यामुळे हॉटेल व्यवसाय, पर्यटन व्यवसाय, फळ प्रक्रिया उद्योग, दुकानदार तसेच सर्वसामान्य नागरिकांचे दैनंदिन जीवन विस्कळीत होत आहे. विशेषतः पर्यटन हंगामात अशा प्रकारच्या समस्येमुळे दापोलीच्या पर्यटन प्रतिमेलाही धक्का बसत असल्याची भावना नागरिकांमधून व्यक्त होत आहे. याच पार्श्वभूमीवर दापोली तालुक्यातील सर्व पर्यटन व्यावसायिक, व्यापारी, उद्योजक तसेच नागरिकांनी एकत्र येत महावितरण कार्यालय, दापोली येथे निवेदन देण्याचा निर्णय घेतला आहे.
आपल्या मागण्या आणि समस्या प्रशासनापर्यंत पोहोचवण्यासाठी शुक्रवार दिनांक २९ मे २०२६ रोजी सकाळी १० वाजता महावितरण कार्यालय, दापोली येथे मोठ्या संख्येने उपस्थित राहण्याचे आवाहन करण्यात आले आहे. आपल्या हक्कासाठी, आपल्या भविष्यांसाठी या घोषवाक्यासह नागरिकांनी एकजुटीने उपस्थित राहून प्रशासनाला जाब विचारण्याची भूमिका घेतली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.