.jpg)
.jpg)
.jpg)
बारामती: उपमुख्यमंत्री अजित पवार यांच्या दुर्दैवी निधनानंतर संपूर्ण महाराष्ट्र शोकमग्न असताना, शिवसेना (उद्धव बाळासाहेब ठाकरे गट) पक्षप्रमुख उद्धव ठाकरे यांनी आज बारामती येथे पवार कुटुंबीयांची भेट घेतली. अजित पवार यांच्या निवासस्थानी जाऊन उद्धव ठाकरे यांनी कुटुंबीयांचे सांत्वन केले आणि या दु:खातून सावरण्याची शक्ती देण्यासाठी देवाकडे प्रार्थना केली.
उद्धव ठाकरे सकाळी बारामतीत दाखल झाले. थेट अजित पवार यांच्या निवासस्थानी पोहोचून त्यांनी कुटुंबीयांची भेट घेतली. यावेळी त्यांनी अजित पवार यांच्या प्रतिमेस पुष्पहार अर्पण करून श्रद्धांजली वाहिली. काही काळ त्यांनी कुटुंबीयांशी एकांतात संवाद साधत त्यांच्या दु:खात सहभागी होत धीर दिला. यावेळी उद्धव ठाकरे भावूक झाल्याचे पाहायला मिळाले. “महाराष्ट्राने आज एक आक्रमक, कर्तृत्ववान आणि जनतेशी नाळ जोडणारा नेता गमावला आहे. अजित पवार यांचे जाणे ही राज्यासाठी कधीही न भरून न येणारी हानी आहे,” अशा शब्दांत त्यांनी आपल्या भावना व्यक्त केल्या.
पवार कुटुंबीयांच्या भेटीनंतर उद्धव ठाकरे यांनी उपस्थित कार्यकर्त्यांशीही संवाद साधला. बारामतीतील निवासस्थानी दिवसभर विविध पक्षांचे नेते, मंत्री, आमदार, खासदार, सामाजिक संघटनांचे प्रतिनिधी आणि सर्वसामान्य नागरिक मोठ्या संख्येने दाखल होत असून, अजित पवार यांना अखेरचा निरोप देण्यासाठी आणि कुटुंबीयांचे सांत्वन करण्यासाठी भावनिक वातावरण निर्माण झाले आहे. दरम्यान, अजित पवार यांच्या निधनाने राजकीय मतभेद विसरून सर्वच पक्षांचे नेते बारामतीत येत आहेत. उद्धव ठाकरे यांची ही भेट केवळ औपचारिक नव्हे, तर महाराष्ट्राच्या राजकारणातील एका मोठ्या नेतृत्वाच्या जाण्याने निर्माण झालेल्या पोकळीची जाणीव करून देणारी ठरली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.