.jpg)
1.jpg)
2.jpg)
.jpg)
1.jpg)
बारामती - बारामती विधानसभा पोटनिवडणुकीत सुनेत्रा पवार यांनी अभूतपूर्व आणि विक्रमी विजय संपादन करत बारामतीच्या राजकीय इतिहासात नवा अध्याय लिहिला आहे. तब्बल 2 लाख 18 हजार मतांच्या प्रचंड आघाडीने विजय मिळवत त्यांनी नवा विक्रम प्रस्थापित केला आहे. या विजयामुळे बारामतीसह राज्याच्या राजकारणात मोठी खळबळ उडाली असून पवार कुटुंबाच्या राजकीय बालेकिल्ल्यात सुनेत्रा पवारांनी आपले निर्विवाद वर्चस्व सिद्ध केले आहे. मतमोजणीच्या सुरुवातीपासूनच सुनेत्रा पवार यांनी आघाडी घेतली होती. प्रत्येक फेरीनंतर त्यांची मतांची आघाडी वाढत गेली आणि अखेर अंतिम निकालात त्यांनी तब्बल 2 लाख 18 हजार मतांची विक्रमी आघाडी नोंदवत प्रतिस्पर्ध्यांचा धुव्वा उडवला. या निकालाने यापूर्वीचे सर्व विजयाचे विक्रम मागे पडले आहेत.
बारामतीतील वखार महामंडळाच्या गोडाऊनमध्ये कडेकोट पोलिस बंदोबस्तात मतमोजणी पार पडली. निकाल स्पष्ट होताच मतमोजणी केंद्राबाहेर सुनेत्रा पवार समर्थकांनी जल्लोषाला सुरुवात केली. फटाक्यांची आतषबाजी, ढोल-ताशांचा गजर आणि घोषणाबाजीने परिसर दणाणून गेला. समर्थकांनी एकमेकांना मिठाई भरवत आनंदोत्सव साजरा केला. राजकीय विश्लेषकांच्या मते, हा विजय केवळ बारामतीपुरता मर्यादित नसून राज्याच्या राजकारणातील आगामी समीकरणांवर दूरगामी परिणाम करणारा ठरू शकतो. बारामतीसारख्या अत्यंत प्रतिष्ठेच्या मतदारसंघात इतक्या मोठ्या फरकाने मिळालेला विजय हा सुनेत्रा पवार यांच्या राजकीय कारकिर्दीतील मोठा टप्पा मानला जात आहे. या विजयानंतर सुनेत्रा पवार यांनी मतदारांचे आभार मानत, “हा विजय बारामतीकरांच्या विश्वासाचा आहे. मतदारांनी दाखवलेल्या विश्वासाला न्याय देण्यासाठी विकासकामांना अधिक गती देणार,” अशी प्रतिक्रिया दिली.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.