सर्वकाही मिळाले तरी .....,असो ! शिवसेना UBT आता धक्काप्रूफ झाली

2026-07-01 00:00:00

टाइम्स स्पेशल

मुंबई. शिवसेना (उद्धव बाळासाहेब ठाकरे) पक्ष आता वारंवार होणाऱ्या पक्षांतरांच्या धक्क्यांमधून सावरला असून “शिवसेना (UBT) आता धक्काप्रूफ झाली आहे,” असा दावा खासदार संजय राऊत यांनी केला. पक्षातील नेत्यांच्या जाण्याच्या पार्श्वभूमीवर त्यांनी आत्मपरीक्षणाची गरजही मान्य केली.संजय राऊत म्हणाले की, सचिन अहिर यांना शिवसेनेने सर्व काही दिले होते. पक्षाने त्यांना मोठ्या जबाबदाऱ्या दिल्या, तसेच ते युवा नेते आदित्य ठाकरे यांच्या अत्यंत जवळचे मानले जात होते. मात्र, एवढे सर्व मिळाल्यानंतरही त्यांनी पक्ष सोडण्याचा निर्णय घेतला. त्यामुळे केवळ पदे किंवा संधी देऊन कार्यकर्ते आणि नेते कायम पक्षात राहतील, असे नसते, असे सूचक वक्तव्य त्यांनी केले.

https://ratnagiritimes.in//assets/images/2020/add/2020/sky22.jpg

राऊत यांनी स्पष्टपणे सांगितले की, “सर्व काही मिळाल्यानंतरही काही लोक पक्ष सोडून जातात. त्यामुळे आम्हा सर्वांना आत्मचिंतन करण्याची गरज आहे.” पक्ष संघटना अधिक सक्षम कशी होईल, कार्यकर्त्यांशी संवाद अधिक प्रभावी कसा राहील आणि पक्षाशी भावनिक नाते अधिक दृढ कसे करता येईल, यावर विचार करण्याची वेळ आली असल्याचे त्यांनी सांगितले.

टाइम्स स्पेशल

त्याचवेळी त्यांनी पक्षाच्या ताकदीवर विश्वास व्यक्त करत, गेल्या काही वर्षांत शिवसेनेला अनेक मोठे राजकीय धक्के बसले, अनेक नेत्यांनी पक्षाची साथ सोडली, तरीही पक्ष संघटना उभी राहिली आणि कार्यकर्त्यांनी साथ सोडली नाही, असे सांगितले. त्यामुळे आता पक्ष अशा धक्क्यांना तोंड देण्याइतका सक्षम झाला असून “शिवसेना (UBT) धक्काप्रूफ झाली आहे,” असा विश्वास त्यांनी व्यक्त केला. राऊत यांच्या या वक्तव्याकडे राज्याच्या राजकीय वर्तुळात महत्त्वाचे संकेत म्हणून पाहिले जात आहे. एका बाजूला त्यांनी पक्षाच्या बळकटपणाचा दावा केला, तर दुसऱ्या बाजूला आत्मपरीक्षणाची आवश्यकता मान्य करत पक्षांतर्गत संघटनात्मक सुधारणा आणि कार्यकर्त्यांशी संवाद अधिक मजबूत करण्यावर भर दिला. त्यामुळे त्यांच्या वक्तव्यातून पक्षाची पुढील रणनीती आणि संघटनात्मक बदलांची दिशा स्पष्ट होत असल्याची चर्चा सुरू आहे.