.jpg)
3.jpg)
रत्नागिरी - रत्नागिरीच्या कलाक्षेत्रासाठी अभिमानाची बाब ठरणारी एक आनंदाची बातमी म्हणजे रत्नागिरीचा युवा सहाय्यक दिग्दर्शक आणि कलाकार सानिकेत सायली संजय भुवड याने आगामी मराठी चित्रपट मामाच्या गोव्याला जाऊया मध्ये महत्त्वाची जबाबदारी सांभाळली आहे. या चित्रपटात त्याने सहाय्यक दिग्दर्शक म्हणून काम करतानाच एक छोटासा अभिनयही साकारला आहे. कोकणातील रत्नागिरीसारख्या सांस्कृतिक भूमीतून अनेक कलाकार मराठी चित्रपटसृष्टीत आपली ओळख निर्माण करत आहेत. त्याच पावलावर पाऊल ठेवत सानिकेत भुवड याने मेहनत, सातत्य आणि सिनेमावरील प्रेमाच्या जोरावर मराठी चित्रपटसृष्टीत स्वतःची वेगळी वाट तयार केली आहे.
या चित्रपटामध्ये मराठी सिनेसृष्टीतील लोकप्रिय कलाकारांची दमदार फौज पाहायला मिळणार आहे. अभिनेता अंकुश चौधरी, अभिजीत चव्हाण, संतोष जुवेकर आणि कुशल बद्रिके यांसारखे नावाजलेले कलाकार या चित्रपटात महत्त्वाच्या भूमिकांमध्ये झळकणार आहेत. अशा दिग्गज कलाकारांसोबत काम करण्याची संधी सानिकेतसाठी त्याच्या अनुभवाच्या प्रवासात एक मोठी आणि अभिमानास्पद भर ठरली आहे. या चित्रपटाचे दिग्दर्शन प्रसिद्ध दिग्दर्शक विजू माने यांनी केले आहे. वास्तववादी मांडणी, मनोरंजनासोबत सामाजिक आशय आणि प्रेक्षकांच्या मनाला भिडणारी शैली यासाठी विजू माने ओळखले जातात. त्यांच्या दिग्दर्शनाखाली काम करताना सानिकेतला दर्जेदार चित्रनिर्मितीची नवी दृष्टी आणि समृद्ध अनुभव मिळाला असून, त्याच्या कलात्मक प्रवासातील हा एक महत्त्वाचा टप्पा मानला जात आहे.
मामाच्या गोव्याला जाऊया हा चित्रपट येत्या 31 जुलै रोजी संपूर्ण महाराष्ट्रात प्रदर्शित होणार असून प्रेक्षकांमध्ये चित्रपटाबद्दल उत्सुकता निर्माण झाली आहे. रत्नागिरीच्या मातीतून आलेल्या सानिकेत भुवडच्या या यशामुळे जिल्ह्याच्या कलाक्षेत्राला नवी प्रेरणा मिळत असून भविष्यातही तो मराठी चित्रपटसृष्टीत उल्लेखनीय कामगिरी करेल, अशी अपेक्षा व्यक्त होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.