.jpg)
3.jpg)
खेड : तालुक्यातील मुरडे गोठलवाडी येथे एका पडीक जागेत अज्ञात व्यक्तीने निष्काळजीपणे ठेवलेल्या गावठी बॉम्बचा स्फोट होऊन १३ वर्षांचा मुलगा गंभीर जखमी झाल्याची धक्कादायक घटना घडली आहे. या भयंकर घटनेमुळे संपूर्ण परिसरात प्रचंड खळबळ उडाली असून खेड पोलीस ठाण्यात अज्ञात आरोपीविरुद्ध स्फोटक पदार्थांच्या बाबतीत हयगयीचे वर्तन केल्याप्रकरणी विविध कलमांन्वये गुन्हा दाखल करण्यात आला आहे. २७ मे २०२६ रोजी सायंकाळी 6.15 वाजेच्या सुमारास मुरडे गोठलवाडी येथील सचिन शिर्के यांच्या घराशेजारी असलेल्या पडीक जागेत हा थरार घडला.
पोलीस सूत्रांकडून मिळालेल्या माहितीनुसार, पालघर जिल्ह्यातील वसई (बारुडा नगर, फुलपाडा रोड) येथे राहणाऱ्या पल्लवी प्रताप येसरे (वय ३५) या आपल्या मुलाबाळांसह खेडमधील मुरडे गोठलवाडी या आपल्या मूळ गावी आल्या होत्या. त्यांच्या सासऱ्यांचे वर्षश्राद्ध असल्याने त्या गावी आल्या असता, त्यांचा १३ वर्षीय मुलगा प्रणव प्रताप येसरे आणि मुलगी हे दोघे आपल्या काकांच्या ताब्यातील बकऱ्या चरवण्यासाठी गावातील एका पडीक जागेत गेले होते. बकऱ्या चरत असताना, त्या ठिकाणी कोण्यातरी अज्ञात व्यक्तीने अनधिकृतपणे आणि हयगयीने गावठी बॉम्ब ठेवला होता. हा संशयास्पद पदार्थ खेळण्याच्या नादात प्रणव याने उचलला आणि पुढे फेकून दिला. तो खाली पडताच त्याचा मोठा स्फोट झाला.
या भीषण स्फोटात प्रणव हा बालके अत्यंत गंभीररीत्या जखमी झाला. स्फोटाच्या तीव्रतेमुळे त्याच्या ओठातून रक्ताच्या धारा वाहू लागल्या, तसेच त्याच्या चेहऱ्यावर, डोळ्यांवर बारीक आणि गंभीर जखमा झाल्या. स्फोटकांचे कण उडाल्याने त्याचे डोळे लाल झाले असून दोन्ही हात, पोट आणि छातीवरही किरकोळ व मध्यम स्वरूपाच्या जखमा झाल्या आहेत. जखमी प्रणवला तात्काळ उपचारासाठी कळंबणी येथील उपजिल्ह रुग्णालयात दाखल करण्यात आले. रुग्णालयात उपचार सुरू असताना पल्लवी येसरे यांनी दिलेल्या आधारे खेड पोलिसांनी गुन्हा रजि. नंबर १५६/२०२६ नुसार अज्ञात आरोपीविरोधात भारतीय न्यायसंहित. (BNS) २०२३ चे कलम १२५ (अ), १२५ (ब), २८८ तसेच भारतीय स्फोटक पदार्थ अधिनियम (बारीपदार्थ अधिनियम) १९०८ चे कलम ३, ४, ५ प्रमाणे गुन्हा दाखल केला आहे. या गंभीर घटनेचा पुढील तपास खेड पोलीस करत असून, मानवी जीवाला धोका निर्माण होईल अशा पद्धतीने स्फोटक लावून ठेवणाऱ्या त्या अज्ञात आरोपीचा शोध युद्धपातळीवर सुरू आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.