.jpg)
3.jpg)
दापोली (सागर गोवळे) - निसर्गातील प्रत्येक जीव वाचवणे ही काळाची गरज आहे, हेच दापोली तालुक्यातील कोळथरे येथील काही संवेदनशील तरुणांनी दाखवून दिले आहे. रात्रीच्या वेळी विद्युत खांबावरून खाली पडलेल्या एका घुबडाला मृत्यूच्या दाढेतून ओढून काढत, या तरुणांनी माणुसकीचे उत्तम उदाहरण पेश केले आहे. कोळथरे येथील प्रतीक जाधव यांच्या घरासमोरील विद्युत खांबावर रात्री ११:३० च्या सुमारास एक घुबड अचानक खाली कोसळले. घुबड जमिनीवर पडताच तिथे उपस्थित असलेल्या कुत्र्याने त्या असहाय्य पक्षावर झेप घेत हल्ला करण्याचा प्रयत्न केला. यावेळी तिथे उपस्थित असलेले प्रवीण तोडणकर, प्रतीक जाधव, प्रशांत जाधव आणि युवराज तोडणकर या तरुणांनी तत्काळ प्रसंगावधान राखले.
घुबडासारख्या पक्ष्याला हात लावणे सुरुवातीला कठीण आणि भीतीदायक होते. मात्र, परिस्थितीचे गांभीर्य ओळखून या तरुणांनी कोणतीही भीती न बाळगता कुत्र्याला दूर सारले आणि जखमी घुबडाला सुरक्षित स्थळी हलवले. जखमी अवस्थेत असलेल्या त्या घुबडावर या तरुणांनी प्राथमिक उपचार केले आणि त्याला योग्य औषध-पाणी दिले. काही काळ केलेल्या देखभालीमुळे घुबडाची प्रकृती सुधारली आणि त्याला पुन्हा मुक्तपणे आकाशात झेप घेण्यायोग्य बळ मिळाले. या तरुणांच्या धाडसी आणि संवेदनशील प्रयत्नांमुळे एका मुक्या जिवाला नवजीवन मिळाले आहे. त्यांच्या या कृतीचे परिसरातून कौतुक होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.