.jpg)
3.jpg)
रत्नागिरी: रत्नागिरी येथील 'स्वयंवर मंगल कार्यालय' येथे आज रत्नागिरी जिल्हा (दक्षिण) शिवसेना बीएलए (BLA) पदाधिकारी व लोकप्रतिनिधींची एक महत्त्वपूर्ण आढावा बैठक उत्साहात पार पडली. आगामी काळातील संघटनात्मक बांधणी अधिक मजबूत करणे आणि लोकप्रतिनिधींनी केलेल्या कामांचा सविस्तर आढावा घेणे हा या बैठकीचा मुख्य उद्देश होता. या बैठकीत उपस्थितांना मार्गदर्शन करताना राज्याचे उद्योग व रत्नागिरीचे पालकमंत्री उदय सामंत यांनी कार्यकर्त्यांमध्ये नवा उत्साह भरला. ते म्हणाले की, रत्नागिरी दक्षिण भागात शिवसेनेचे काम नेहमीच अतिशय भक्कम आणि कौतुकास्पद राहिले आहे.
मात्र, आगामी काळात यश मिळवण्यासाठी बीएलए पदाधिकाऱ्यांनी केवळ कार्यालयात न थांबता प्रत्येक बूथवर जाऊन नागरिकांशी थेट संपर्क वाढवला पाहिजे. तुमचा हाच जिव्हाळ्याचा संपर्क पक्षाला अधिक मजबूत आणि गतिमान करेल. लोकप्रतिनिधींनी मतदारसंघात केलेल्या विकासकामांची पावती जनतेपर्यंत प्रामाणिकपणे पोहोचवणे हे प्रत्येक शिवसैनिकाचे आणि कार्यकर्त्याचे आद्य कर्तव्य आहे. सध्याच्या सरकारने महिला, तरुण, शेतकरी आणि कष्टकरी बांधवांसाठी अनेक क्रांतिकारी आणि कल्याणकारी योजना सुरू केल्या आहेत. या सर्व योजना समाजातील शेवटच्या माणसाच्या घरापर्यंत कशा पोहोचतील, यासाठी सर्व आजी-माजी लोकप्रतिनिधींनी पुढाकार घेऊन आणि सर्वसामान्यांच्या सुखादुःखात सामील होऊन कार्य करावे, असे आवाहन त्यांनी आपल्या भाषणात केले.
या महत्त्वाच्या बैठकीला आमदार किरण सामंत, माजी आमदार राजन साळवी, जिल्हाप्रमुख राहुल पंडित, महेश म्हाप, राजन शेट्ये, नगराध्यक्षा शिल्पाताई सुर्वे, प्रदीप साळवी, शहरप्रमुख बिपीन बंदरकर, दीपक नागले, अश्फाक, रोहन बने, सावली कुरुप, सुदेश मयेकर आणि स्मितल पावसकर यांच्यासह स्थानिक स्वराज्य संस्थांचे आजी-माजी लोकप्रतिनिधी, विविध आघाड्यांचे प्रमुख आणि शिवसेना पदाधिकारी मोठ्या संख्येने उपस्थित होते. या बैठकीमुळे रत्नागिरी दक्षिण भागातील शिवसेना कार्यकर्त्यांना आगामी निवडणुकांच्या पार्श्वभूमीवर एक नवी दिशा आणि ऊर्जा मिळाली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.