1.jpg)
8.jpg)
.jpg)
7.jpg)
6.jpg)
5.jpg)
4.jpg)
.jpg)
1.jpg)
.jpg)
.jpg)
1.jpg)
3.jpg)
2.jpg)
.jpg)
रत्नागिरी: रत्नागिरी जिल्ह्याच्या विकासाचा रथ अधिक वेगाने पुढे नेण्यासाठी राज्याचे उद्योग व पालकमंत्री उदय सामंत आणि लांजा-राजापूर-साखरपा विधानसभा मतदारसंघाचे आमदार किरण सामंत यांनी मंत्रालयातून मोठा निधी आणण्यात यश मिळवले आहे. या दोन्ही नेत्यांच्या सातत्यपूर्ण आणि आक्रमक पाठपुराव्यामुळे रत्नागिरी आणि राजापूर नगरपरिषदांसाठी नगर विकास विभागाकडून तब्बल २४.७० कोटी रुपयांचा भरीव निधी मंजूर करण्यात आला आहे. १० जुलै २०२६ रोजी राज्य शासनाने यासंबंधीचे अधिकृत आदेश जारी केले असून, या ऐतिहासिक निधीमुळे दोन्ही शहरांमधील प्रलंबित विकासकामांना आता प्रचंड गती मिळणार आहे.
या मंजूर निधीतील सिंहाचा वाटा राजापूर नगरपरिषदेला मिळाला असून, वैशिष्ट्यपूर्ण विकास कामांतर्गत एकूण १९ कोटी रुपयांचा निधी उपलब्ध झाला आहे. आमदार किरण सामंत आणि पालकमंत्री उदय सामंत यांनी स्थानिक जनतेच्या गरजा ओळखून हा निधी मंजूर करून आणला आहे. या निधीतून राजापूर नगरपरिषदेची भव्य प्रशासकीय इमारत बांधण्यासाठी ५ कोटी रुपये, जलशुद्धीकरण केंद्र व पाणीपुरवठा योजना कार्यान्वित करण्यासाठी ५.५ कोटी रुपये, बहुउद्देशीय सभागृहाच्या बांधकामासाठी ३ कोटी रुपये, शाळांची दुरुस्ती व सुंदर उद्यान विकसित करण्यासाठी ३ कोटी रुपये आणि आधुनिक मच्छी व मटण मार्केटसाठी २.५ कोटी रुपये खर्च केले जाणार आहेत. या सर्व सर्वसमावेशक कामांमुळे राजापूर शहराचा चेहरामोहरा पूर्णपणे बदलणार आहे.
दुसरीकडे, या दोन्ही नेत्यांच्या संयुक्त प्रयत्नांमुळे रत्नागिरी नगरपरिषदेसाठी देखील ५.७० कोटी रुपयांचा निधी रस्ता अनुदानाच्या माध्यमातून मंजूर झाला आहे. रत्नागिरी शहरातील प्रभाग क्रमांक १ ते १६ मधील महत्त्वाचे पूल आणि रस्त्यालगतचे नाले विकसित करण्यासाठी हा निधी वापरण्यात येणार आहे, ज्यामुळे पावसाळ्यात शहरात निर्माण होणार्या पाणी साचण्याच्या समस्येपासून नागरिकांना मोठा दिलासा मिळणार आहे. पालकमंत्री उदय सामंत यांचे मंत्रालयातील वजन आणि आमदार किरण सामंत यांची मतदारसंघातील विकासकामे करण्याची धडाडी, यामुळेच हा कोट्यवधींचा निधी रत्नागिरी जिल्ह्याला मिळाला आहे. या दोन्ही नेत्यांच्या विकासाच्या सामूहिक संकल्पामुळे रत्नागिरी आणि राजापूरमधील नागरी सुविधांचा दर्जा कमालीचा सुधारणार असून, सर्वसामान्यांकडून त्यांच्या या अभूतपूर्व प्रयत्नांचे जोरदार स्वागत होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.