शिवतर दत्तात्रयवाडी येथे श्री दत्तजयंती उत्सव सोहळा

2025-11-28 00:00:00

सामाजिक

खेड (वार्ताहर) -तालुक्यातील शिवतर दत्तात्रयवाडी येथील मुंबईकर ग्रामस्थ व महिला मंडळाच्यावतीने गुरुवार दि. ४ ते शनिवार दि. ६ डिसेंबर २०२५ पर्यंत शिवतर दत्तात्रयवाडी येथे श्री दत्तजयंती उत्सव सोहळा साजरा करण्यात येणार आहे. यानिमित्ताने गुरुवार दि. ४ डिसेंबर २०२५ रोजी सकाळी ९ ते १२ - स्थापना,अभिषेक, होमहवन पूजा व आरती, दुपारी १२- स्थानिक सुस्वर भजन, सायं. ५:३० श्रीदत्त चरित्र पठण, सायं ६ - श्री दत्तजन्म सोहळा, सायं. ७ श्री दत्त भंडारा (अन्नप्रसाद), सायं. ७ :३० हरिपाठ, रात्रौ ९ - चिपळूण तालुक्यातील खडपोली येथील किर्तनकार ह.भ.प. सतीश सावंत यांचे सुमधुर किर्तन, रात्रौ १२- गावातील भजनी मंडळाचे भजन व हरिनाम जागर, शुक्रवार दि. ५ डिसेंबर २०२५ रोजी सकाळी ५:३० - भव्य काकड आरती, सकाळी ९:३० ते दुपारी १- महाप्रसाद, दुपारी १२:३०- श्रीसत्यनारायण महापूजा, दुपारी ३ ते रात्रौ १०:३०- तीर्थप्रसाद, दुपारी ३ - श्रीदत्त पादुकांची पालखी मिरवणूक सोहळा टाळ मृदुंगाच्या गजरात, सनईच्या सुरात, फटाक्यांच्या आतीषबाजीत व श्रीदत्त नामाच्या जयघोषात श्री दत्त मंदिर येथून निघणार आहे. रात्रौ १०- स्थानिक स्वर भजनांचा कार्यक्रम.

https://ratnagiritimes.in//assets/images/2020/add/2020/sky22.jpg

शनिवार दि. ६ डिसेंबर २०२५ रोजी सकाळी ९:३० ते दुपारी १ - शिवतर दत्तात्रयवाडी विकास मंडळ आयोजित अंडरआर्म बॉक्सटाईप क्रिकेट स्पर्धा, दुपारी १:३०- टाटा मेमोरियल हॉस्पिटलच्या सौजन्याने गावातील सर्व महिलांसाठी आरोग्य विषयक माहिती, दुपारी महिलांसाठी हळदीकुंकू समारंभ, दुपारी ३:३० - महिला व लहान मुलांसाठी विविध स्पर्धा, रात्रौ ९ - गुणवंत विद्यार्थी बक्षीस समारंभ व मान्यवरांचा सत्कार समारंभ व उत्सव सोहळ्याची सांगता रात्रौ १० वाजता कोकणचा साज संगमेश्वरी बाज या करमणुकीच्या कार्यक्रमाने होणार आहे. तरी सर्व दत्त भाविकांनी उत्सव सोहळ्याचा लाभ घ्यावा, असे आवाहन आयोजकांच्यावतीने करण्यात आले आहे.