कोंडयेत बिबट्याशी झुंजणाऱ्या त्या निष्पाप वानराची प्राणज्योत मालवली; फौजी जवानासह ग्रामस्थ उपचारासाठी धावले, लाल वस्त्रात लपेटून अश्रूपूर्ण नयनांनी अखेरचा निरोप

Breaking News

टाइम्स स्पेशल: जैतापुरचा राजा सार्वजनिक गणेशोत्सव मंडळाने राबविली आम्बोळगड किल्ले साफसफाई मोहिम
टाइम्स स्पेशल: शरद पवारांनी पंतप्रधानांची लांज्यातील ‘फणसकिंग ’ मिथिलेश देसाईंची घडवली भेट , मोदींना दिली कोंकणची वास्तुरूपी प्रीत
टाइम्स स्पेशल: टेनन्सी प्रकरणांत उलटतपासणीला परवानगी द्यावी; रत्नागिरी बार असोसिएशनची जिल्हाधिकाऱ्यांकडे मागणी
टाइम्स स्पेशल: शाळेसाठी जीव धोक्यात..! कळझोंडी-वरवडे 6 वर्षांपासून बससेवा बंद आहे तरी सारे गप्प , विद्यार्थी हवालदिल , ठाकरे युवासेना जिल्हाप्रमुख प्रसाद सावंत यांनी घातले लक्ष
टाइम्स स्पेशल: महामार्गाच्या शेजारी उभारण्यात आलेल्या ढाबा हॉटेल किंवा तत्सम व्यवसायावर कारवाई होणार , जिल्हाधिकारी यांना निर्देश
टाइम्स स्पेशल: एसटीच्या जागांवर उभ्या राहणाऱ्या स्थानकांच्या इमारती ‘आयकॉनिक’ असाव्यात , उपमुख्यमंत्री एकनाथ शिंदे यांचे निर्देश
टाइम्स स्पेशल: टिके कांबळेवाडीच्या मुलांनी घडवला इतिहास!
टाइम्स स्पेशल: शास्त्रीपूल डिंगणी फाट्यावर रस्ते अपघातात गाईचा मृत्यू; स्थानिक पदाधिकार्‍यांकडून सन्मानपूर्वक दफनविधी
टाइम्स स्पेशल: अमेरिका येथील मायामी युनिर्व्हसिटीमधील विद्यार्थी व प्राध्यापकांनाही आवडला गोठे खलाटी धबधबा
टाइम्स स्पेशल: रायगडमध्ये युरियाचा तुटवडा; शिवसेना जिल्हाप्रमुख राजा केणींचा कृषी विभागाला थेट इशारा
टाइम्स स्पेशल: माध्यमिक शिष्यवृत्ती परीक्षेत शेठ म. ग. हायस्कूल देवगडचे यश; चार विद्यार्थ्यांनी मिळवले तालुका व जिल्हास्तरीय उल्लेखनीय यश
टाइम्स स्पेशल: विजयदुर्ग किल्ल्यावर १८ ऑगस्टला जागतिक हेलियम दिनाचे आयोजन
टाइम्स स्पेशल: लांजात आमदार किरण सामंत यांच्या हस्ते मसाले पीक रोपांचे वाटप
टाइम्स स्पेशल: भाजपा प्रणित नवभारतीय शिव वाहतुक संघटना भाजपा ट्रान्सपोर्ट सेल महाराष्ट्र राज्य सेनेच्या वाहतुक सेलच्या कोकण विभाग प्रमुख संघटक पदी ‘संतोष नलावडे’ यांची नियुक्ती
टाइम्स स्पेशल: शिष्यवृत्ती परीक्षेत न्यू इंग्लिश स्कूलचे घवघवीत यश २३ विद्यार्थी पात्र; गुणवत्ता यादीतही विद्यार्थ्यांची उल्लेखनीय कामगिरी
टाइम्स स्पेशल: रोटरी स्कूलच्या आर्या खेडेकर हिचे वक्तृत्व स्पर्धेत उल्लेखनीय यश
टाइम्स स्पेशल: नामदार योगेशदादा कदम याच्याशी मंत्रालयात खेड तालुक्यातील विविध प्रलंबित व प्रस्तावित विकासकामांबाबत सविस्तर चर्चा
टाइम्स स्पेशल: शिष्यवृत्ती परीक्षेत रोटरी स्कूलचे 31 विद्यार्थी उत्तीर्ण, 4 विद्यार्थ्यांचा गुणवत्ता यादीत समावेश
टाइम्स स्पेशल: सिब्बल यांनी निवडणुक आयोगाच्या निर्णयाची पिसे काढलीः खासदार संजय राऊत
टाइम्स स्पेशल: इयत्ता चौथी शिष्यवृत्ती परीक्षेत कृ. चिं. आगाशे विद्यामंदिरचे २२ विद्यार्थी जिल्हा गुणवत्ता यादीत

Breaking News

कोंडयेत बिबट्याशी झुंजणाऱ्या त्या निष्पाप वानराची प्राणज्योत मालवली; फौजी जवानासह ग्रामस्थ उपचारासाठी धावले, लाल वस्त्रात लपेटून अश्रूपूर्ण नयनांनी अखेरचा निरोप

टाइम्स स्पेशल

2026-07-30 00:00:00

टाइम्स स्पेशल

संगमेश्वर / वहाब दळवी : संगमेश्वर कोंडये देऊळवाडी येथे बुधवारी रात्री स्वतःचा जीव धोक्यात घालून बिबट्याच्या जबड्यातून वानराची सुटका करणाऱ्या त्या शूर फौजी जवानाने आणि ग्रामस्थांनी गुरुवारीही मानवतेचा एक अनोखा वस्तुपाठ घालून दिला. बिबट्याच्या हल्ल्यात गंभीर जखमी झालेल्या त्या निष्पाप वानराची मृत्यूशी सुरू असलेली झुंज अखेर अपयशी ठरली. गुरुवारी दुपारी ते वानर निपचित पडलेल्या अवस्थेत आढळून आल्यानंतर, त्याला वाचवण्यासाठी त्या सैनिकाने आणि गावकऱ्यांनी उपचाराची शर्थ केली; मात्र नियतीला काही वेगळेच मान्य होते. अखेर त्या निष्पाप वानराचा करुण अंत झाला.

https://ratnagiritimes.in//assets/images/2020/add/2020/sky22.jpg

गुरुवारी दुपारी कोंडये देऊळवाडी येथील माजी सरपंच सुरेश दसम हे नेहमीप्रमाणे परिसरातून जात असताना, त्यांना काल रात्री ज्या खोपटीवर हल्ला झाला होता, त्याच परिसराजवळ ते वानर निपचित पडलेले दिसून आले. वानर अजूनही जिवंत असावे आणि त्याला वेळेवर वैद्यकीय मदत मिळावी, या आशेने माजी सरपंच सुरेश दसम आणि काल रात्री बिबट्याला पळवून लावणारे भारतीय सैन्यातील जवान सुभाष येसणे यांनी कसलाही विलंब न करता तात्काळ गावातील तरुणांना सोबत घेतले.बिबट्याच्या हल्ल्यात जखमी झालेल्या त्या मुक्या प्राण्याला वेदनेतून मुक्त करण्यासाठी आणि त्याच्या जखमांवर औषधोपचार करण्याच्या दृष्टीने जवान सुभाष येसणे, माजी सरपंच सुरेश दसम आणि कोंडये देऊळवाडी येथील तरुण स्वतः पुढे सरसावले. तातडीने पशुवैद्यकीय डॉक्टरांना बोलावण्याची तयारीही त्यांनी सुरू केली होती.मात्र, जेव्हा जवान येसणे, सुरेश दसम आणि ते तरुण त्या वानराजवळ पोहोचले, तेव्हा डॉक्टरांचे उपचार मिळण्यापूर्वीच त्या मुक्या जीवाची प्राणज्योत मालवली असल्याचे त्यांच्या लक्षात आले. बिबट्याचे तीक्ष्ण सुळे आणि पंजे शरीरात खोलवर रुतल्यामुळे झालेल्या अतिरक्तस्रावाने आणि गंभीर दुखापतींमुळे या वानराचा आधीच अंत झाला होता. *"रानटी प्राणी असला तरी त्यालाही वेदना अन् जीव असतोच!"- वानर मृत झाल्याचे समजताच परिसरात प्रचंड हळहळ व्यक्त झाली. "रानटी प्राणी असला तरी तोही एक जीव आहे, मुका प्राणी असला म्हणून काय झाले, त्यालाही आपल्यासारख्याच वेदना होतात," अशी अत्यंत संवेदनशील आणि भावूक प्रतिक्रिया उपस्थितांमधून उमटली. प्राण्यांप्रती दाखवलेल्या या अथांग दयेने आणि मानवी संवेदनेने सर्वांचेच मन हेलावून टाकले.या मुक्या प्राण्याबद्दल वाटणाऱ्या आदरापोटी आणि भावुकतेतून, माजी सरपंच सुरेश दसम यांनी त्या मृत वानराला सन्मानाने दफन करण्याचे ठरवले. त्यांनी आणि जवान सुभाष येसणे यांनी त्या मृत वानराला अत्यंत प्रेमाने एका लाल कपड्यात लपेटले.

टाइम्स स्पेशल

-गावकऱ्यांनी खोदला खड्डा; सैनिकाच्या हाताने सन्मानपूर्वक दफन* सुरेश दसम यांच्या निर्णयानंतर निलेश मुंडेकर, संतोष दसम, सागर शितप, मधुकर दसम आणि सुभाष बाल्ये यांनी पुढे होत तात्काळ खड्डा खोदला. त्यानंतर देशाचे रक्षण करणाऱ्या त्याच फौजी जवानाने स्वतःच्या हाताने त्या वानराला अत्यंत भावपूर्ण वातावरणात दफन केले. काल रात्री बिबट्याशी दोन हात करून जीवदान देणारा सैनिकच आज त्या प्राण्याला लाल कपड्यात लपेटून निरोप देत असल्याचे दृश्य पाहून उपस्थितांचे डोळे पाणावले.काल रात्री बिबट्याच्या हल्ल्यातून सुटल्यानंतर हे वानर उपचाराने जगेल, अशी आशा सर्वांना होती. मात्र, त्याच्या मृत्यूची बातमी वाऱ्यासारखी पसरताच संपूर्ण कोंडये देऊळवाडीत हळहळ आणि दुःखाचे सावट पसरले.एका बाजूला या निष्पाप प्राण्याच्या मृत्यूचे दुःख आणि दुसरीकडे मानवी वस्तीत छतावर चढून थेट शिकार करणाऱ्या हिंस्त्र बिबट्याची दहशत यामुळे कोंडये देऊळवाडी व मधली वाडी येथील नागरिक प्रचंड घाबरलेले आहेत. वन विभागाने आता तरी या घटनेची अत्यंत गांभीर्याने दखल घेऊन या हिंस्त्र बिबट्याचा तातडीने बंदोबस्त करावा आणि पिंजरा लावून त्याला जेरबंद करावे, अशी आक्रमक मागणी ग्रामस्थांकडून केली जात आहे.