"जयंती म्हणजे केवळ उत्सव नव्हे, तर महापुरुषांच्या विचारांचा जागर करण्याचा दिवस"

Breaking News

टाइम्स स्पेशल: जैतापुरचा राजा सार्वजनिक गणेशोत्सव मंडळाने राबविली आम्बोळगड किल्ले साफसफाई मोहिम
टाइम्स स्पेशल: शरद पवारांनी पंतप्रधानांची लांज्यातील ‘फणसकिंग ’ मिथिलेश देसाईंची घडवली भेट , मोदींना दिली कोंकणची वास्तुरूपी प्रीत
टाइम्स स्पेशल: टेनन्सी प्रकरणांत उलटतपासणीला परवानगी द्यावी; रत्नागिरी बार असोसिएशनची जिल्हाधिकाऱ्यांकडे मागणी
टाइम्स स्पेशल: शाळेसाठी जीव धोक्यात..! कळझोंडी-वरवडे 6 वर्षांपासून बससेवा बंद आहे तरी सारे गप्प , विद्यार्थी हवालदिल , ठाकरे युवासेना जिल्हाप्रमुख प्रसाद सावंत यांनी घातले लक्ष
टाइम्स स्पेशल: महामार्गाच्या शेजारी उभारण्यात आलेल्या ढाबा हॉटेल किंवा तत्सम व्यवसायावर कारवाई होणार , जिल्हाधिकारी यांना निर्देश
टाइम्स स्पेशल: एसटीच्या जागांवर उभ्या राहणाऱ्या स्थानकांच्या इमारती ‘आयकॉनिक’ असाव्यात , उपमुख्यमंत्री एकनाथ शिंदे यांचे निर्देश
टाइम्स स्पेशल: टिके कांबळेवाडीच्या मुलांनी घडवला इतिहास!
टाइम्स स्पेशल: शास्त्रीपूल डिंगणी फाट्यावर रस्ते अपघातात गाईचा मृत्यू; स्थानिक पदाधिकार्‍यांकडून सन्मानपूर्वक दफनविधी
टाइम्स स्पेशल: अमेरिका येथील मायामी युनिर्व्हसिटीमधील विद्यार्थी व प्राध्यापकांनाही आवडला गोठे खलाटी धबधबा
टाइम्स स्पेशल: रायगडमध्ये युरियाचा तुटवडा; शिवसेना जिल्हाप्रमुख राजा केणींचा कृषी विभागाला थेट इशारा
टाइम्स स्पेशल: माध्यमिक शिष्यवृत्ती परीक्षेत शेठ म. ग. हायस्कूल देवगडचे यश; चार विद्यार्थ्यांनी मिळवले तालुका व जिल्हास्तरीय उल्लेखनीय यश
टाइम्स स्पेशल: विजयदुर्ग किल्ल्यावर १८ ऑगस्टला जागतिक हेलियम दिनाचे आयोजन
टाइम्स स्पेशल: लांजात आमदार किरण सामंत यांच्या हस्ते मसाले पीक रोपांचे वाटप
टाइम्स स्पेशल: भाजपा प्रणित नवभारतीय शिव वाहतुक संघटना भाजपा ट्रान्सपोर्ट सेल महाराष्ट्र राज्य सेनेच्या वाहतुक सेलच्या कोकण विभाग प्रमुख संघटक पदी ‘संतोष नलावडे’ यांची नियुक्ती
टाइम्स स्पेशल: शिष्यवृत्ती परीक्षेत न्यू इंग्लिश स्कूलचे घवघवीत यश २३ विद्यार्थी पात्र; गुणवत्ता यादीतही विद्यार्थ्यांची उल्लेखनीय कामगिरी
टाइम्स स्पेशल: रोटरी स्कूलच्या आर्या खेडेकर हिचे वक्तृत्व स्पर्धेत उल्लेखनीय यश
टाइम्स स्पेशल: नामदार योगेशदादा कदम याच्याशी मंत्रालयात खेड तालुक्यातील विविध प्रलंबित व प्रस्तावित विकासकामांबाबत सविस्तर चर्चा
टाइम्स स्पेशल: शिष्यवृत्ती परीक्षेत रोटरी स्कूलचे 31 विद्यार्थी उत्तीर्ण, 4 विद्यार्थ्यांचा गुणवत्ता यादीत समावेश
टाइम्स स्पेशल: सिब्बल यांनी निवडणुक आयोगाच्या निर्णयाची पिसे काढलीः खासदार संजय राऊत
टाइम्स स्पेशल: इयत्ता चौथी शिष्यवृत्ती परीक्षेत कृ. चिं. आगाशे विद्यामंदिरचे २२ विद्यार्थी जिल्हा गुणवत्ता यादीत

Breaking News

"जयंती म्हणजे केवळ उत्सव नव्हे, तर महापुरुषांच्या विचारांचा जागर करण्याचा दिवस" - महापौर नितीन पाटील

टाईम्स स्पेशल

2026-08-02 00:00:00

टाइम्स स्पेशल

पनवेल :- पनवेल महानगरपालिकेच्या इतिहासात प्रथमच लोकशाहीर अण्णाभाऊ साठे यांची जयंती शासकीय स्तरावर अत्यंत दिमाखात साजरी करण्यात आली. आद्य क्रांतिवीर वासुदेव बळवंत फडके नाट्यगृहात आयोजित या भव्य सोहळ्याची संकल्पना सभागृह नेते अँड. प्रकाश बिनेदार यांनी मांडली होती. त्यांच्या या प्रस्तावाला महापौर नितीन पाटील यांची तत्काळ मान्यता मिळाली, तर आमदार प्रशांत ठाकूर व माजी सभागृह नेते परेश ठाकूर यांनी कार्यक्रमाचे नियोजन तातडीने ,सुंदर करण्याच्या सूचना प्रशासनाला दिल्यानंतर हा ऐतिहासिक उपक्रम साकार झाला. कार्यक्रमात राष्ट्रीय स्तरावरील कलाकारांनी पोवाडे, शाहिरी, गीत आणि नाट्यमय सादरीकरणातून लोकशाहीर अण्णाभाऊ साठे यांच्या प्रेरणादायी जीवनप्रवासाचे प्रभावी चित्रण केले. त्यांच्या कार्याचा, साहित्याचा, संयुक्त महाराष्ट्र चळवळीतील योगदानाचा, कामगार चळवळीतील सहभागाचा आणि सामाजिक परिवर्तनासाठी केलेल्या संघर्षाचा प्रभावी उलगडा करण्यात आला. कार्यक्रमादरम्यान शाहिरी गीतांच्या तालावर उपस्थित अनुयायी आणि रसिकांनी उत्स्फूर्तपणे नृत्य करत जल्लोष केला.

https://ratnagiritimes.in//assets/images/2020/add/2020/sky22.jpg

यावेळी बोलताना महापौर नितीन पाटील म्हणाले, "जयंती म्हणजे केवळ जन्मदिन साजरा करणे नव्हे, तर त्या महामानवांनी समाजाला दिलेल्या विचारांचा जागर करण्याचा दिवस आहे." अण्णाभाऊ साठे यांनी अवघ्या दीड दिवसांच्या औपचारिक शिक्षणाच्या बळावर २७ भाषांमध्ये साहित्य निर्माण करून भारताचे नाव जागतिक स्तरावर उज्ज्वल केले. अशी व्यक्तिमत्त्वे निर्माण होत नसतात, तर नियती त्यांना समाजाच्या कल्याणासाठी घडवत असते, असे गौरवोद्गार त्यांनी काढले. तसेच ही जयंती तहयात दरवर्षी अधिक व्यापक स्वरूपात साजरी केली जाईल, अशी ग्वाहीही त्यांनी दिली. सभागृह नेते अँड. प्रकाश बिनेदार यांनी आपल्या मनोगतात सांगितले की, समाजाच्या उन्नतीसाठी आयुष्य वेचणाऱ्या लोकशाहीर अण्णाभाऊ साठे यांच्या विचारांचा वारसा पुढील पिढ्यांपर्यंत पोहोचणे ही काळाची गरज आहे. म्हणूनच पनवेल महानगरपालिकेच्या इतिहासात प्रथमच शासकीय स्तरावर त्यांची जयंती साजरी करण्याचा निर्णय आमदार प्रशांत ठाकूर, महापौर नितीन पाटील व आयुक्त तसेच माजी सभागृह नेते परेश ठाकूर यांच्या मार्गदर्शनाखाली घेण्यात आला. या वर्षी प्रथमच आयोजित केलेल्या कार्यक्रमाची माहिती सर्वांपर्यंत पोहोचू शकली नाही, याबद्दल त्यांनी दिलगिरी व्यक्त केली. मात्र, पुढील काळात सर्व महामानवांच्या विचारांचा गौरव करणारे असे प्रेरणादायी कार्यक्रम अधिक व्यापक स्वरूपात आयोजित करून पनवेलच्या सांस्कृतिक इतिहासात नवी भर घालण्याचा निर्धार त्यांनी व्यक्त केला. कार्यक्रम यशस्वी करण्यासाठी सहकार्य करणाऱ्या सर्व मान्यवर, कलाकार, अधिकारी, समाजबांधव आणि उपस्थित श्रोत्यांचे त्यांनी आभार मानले.

टाईम्स स्पेशल

यावेळी विविध समाजबांधवांनी आपल्या भावना व्यक्त करताना मातंग समाजाच्या विकासासाठी लोकप्रतिनिधी सकारात्मक भूमिका बजावत असल्याचे सांगितले. आमदार प्रशांत ठाकूर यांच्या विकासाभिमुख नेतृत्वाचा उल्लेख करत महापौर नितीन पाटील यांच्या नेतृत्वाखाली पनवेल शहर योग्य दिशेने वाटचाल करत असल्याचे मत व्यक्त करण्यात आले. तसेच अभ्यासू ,सभागृह नेते अँड. प्रकाश बिनेदार यांनी अनेक वर्षांची समाजाची भावना ओळखून अण्णाभाऊ साठे जयंती शासकीय स्तरावर साजरी करण्याचा घेतलेला पुढाकार ,समाजाभिमुख कार्य अविस्मरणीय ठरेल अशी भावना अनेकांनी व्यक्त केली. कार्यक्रमास महापौर नितीन पाटील, सभागृह नेते अँड. प्रकाश बिनेदार, अतिरिक्त आयुक्त महेशकुमार मेघमाळे, नगरसेवक मनोज भुजबळ, नगरसेवक अजय बहिरा, नगरसेविका प्रिती जॉर्ज, उपायुक्त कैलास गावडे तसेच अनेक मान्यवर, अधिकारी, कलाकार आणि समाजबांधव मोठ्या संख्येने उपस्थित होते. कार्यक्रमाच्या निमित्ताने महानगरपालिकेच्या वतीने उपस्थित मान्यवर, कलाकार आणि समाजातील ज्येष्ठ व्यक्तींचा सत्कार करण्यात आला. तसेच सर्व उपस्थितांसाठी अल्पोपहाराचीही व्यवस्था करण्यात आली.