रोटरी इंग्लिश मिडीयम स्कूल, खेड येथे केंब्रिज इंग्लिश गुणवंत विद्यार्थ्यांचा गौरव व पालकांसाठी मार्गदर्शनपर सेमिनार

Breaking News

टाइम्स स्पेशल: जैतापुरचा राजा सार्वजनिक गणेशोत्सव मंडळाने राबविली आम्बोळगड किल्ले साफसफाई मोहिम
टाइम्स स्पेशल: शरद पवारांनी पंतप्रधानांची लांज्यातील ‘फणसकिंग ’ मिथिलेश देसाईंची घडवली भेट , मोदींना दिली कोंकणची वास्तुरूपी प्रीत
टाइम्स स्पेशल: टेनन्सी प्रकरणांत उलटतपासणीला परवानगी द्यावी; रत्नागिरी बार असोसिएशनची जिल्हाधिकाऱ्यांकडे मागणी
टाइम्स स्पेशल: शाळेसाठी जीव धोक्यात..! कळझोंडी-वरवडे 6 वर्षांपासून बससेवा बंद आहे तरी सारे गप्प , विद्यार्थी हवालदिल , ठाकरे युवासेना जिल्हाप्रमुख प्रसाद सावंत यांनी घातले लक्ष
टाइम्स स्पेशल: महामार्गाच्या शेजारी उभारण्यात आलेल्या ढाबा हॉटेल किंवा तत्सम व्यवसायावर कारवाई होणार , जिल्हाधिकारी यांना निर्देश
टाइम्स स्पेशल: एसटीच्या जागांवर उभ्या राहणाऱ्या स्थानकांच्या इमारती ‘आयकॉनिक’ असाव्यात , उपमुख्यमंत्री एकनाथ शिंदे यांचे निर्देश
टाइम्स स्पेशल: टिके कांबळेवाडीच्या मुलांनी घडवला इतिहास!
टाइम्स स्पेशल: शास्त्रीपूल डिंगणी फाट्यावर रस्ते अपघातात गाईचा मृत्यू; स्थानिक पदाधिकार्‍यांकडून सन्मानपूर्वक दफनविधी
टाइम्स स्पेशल: अमेरिका येथील मायामी युनिर्व्हसिटीमधील विद्यार्थी व प्राध्यापकांनाही आवडला गोठे खलाटी धबधबा
टाइम्स स्पेशल: रायगडमध्ये युरियाचा तुटवडा; शिवसेना जिल्हाप्रमुख राजा केणींचा कृषी विभागाला थेट इशारा
टाइम्स स्पेशल: माध्यमिक शिष्यवृत्ती परीक्षेत शेठ म. ग. हायस्कूल देवगडचे यश; चार विद्यार्थ्यांनी मिळवले तालुका व जिल्हास्तरीय उल्लेखनीय यश
टाइम्स स्पेशल: विजयदुर्ग किल्ल्यावर १८ ऑगस्टला जागतिक हेलियम दिनाचे आयोजन
टाइम्स स्पेशल: लांजात आमदार किरण सामंत यांच्या हस्ते मसाले पीक रोपांचे वाटप
टाइम्स स्पेशल: भाजपा प्रणित नवभारतीय शिव वाहतुक संघटना भाजपा ट्रान्सपोर्ट सेल महाराष्ट्र राज्य सेनेच्या वाहतुक सेलच्या कोकण विभाग प्रमुख संघटक पदी ‘संतोष नलावडे’ यांची नियुक्ती
टाइम्स स्पेशल: शिष्यवृत्ती परीक्षेत न्यू इंग्लिश स्कूलचे घवघवीत यश २३ विद्यार्थी पात्र; गुणवत्ता यादीतही विद्यार्थ्यांची उल्लेखनीय कामगिरी
टाइम्स स्पेशल: रोटरी स्कूलच्या आर्या खेडेकर हिचे वक्तृत्व स्पर्धेत उल्लेखनीय यश
टाइम्स स्पेशल: नामदार योगेशदादा कदम याच्याशी मंत्रालयात खेड तालुक्यातील विविध प्रलंबित व प्रस्तावित विकासकामांबाबत सविस्तर चर्चा
टाइम्स स्पेशल: शिष्यवृत्ती परीक्षेत रोटरी स्कूलचे 31 विद्यार्थी उत्तीर्ण, 4 विद्यार्थ्यांचा गुणवत्ता यादीत समावेश
टाइम्स स्पेशल: सिब्बल यांनी निवडणुक आयोगाच्या निर्णयाची पिसे काढलीः खासदार संजय राऊत
टाइम्स स्पेशल: इयत्ता चौथी शिष्यवृत्ती परीक्षेत कृ. चिं. आगाशे विद्यामंदिरचे २२ विद्यार्थी जिल्हा गुणवत्ता यादीत

Breaking News

रोटरी इंग्लिश मिडीयम स्कूल, खेड येथे केंब्रिज इंग्लिश गुणवंत विद्यार्थ्यांचा गौरव व पालकांसाठी मार्गदर्शनपर सेमिनार

टाईम्स स्पेशल

2026-08-01 00:00:00

टाइम्स स्पेशल

खेड : (प्रतिनिधी) - रोटरी प्रतिष्ठान संचलित रोटरी इंग्लिश मिडीयम स्कूल, खेड येथे केंब्रिज इंग्लिश फेलिसिटेशन व पालक मार्गदर्शन सेमिनार उत्साहपूर्ण वातावरणात संपन्न झाला. यावेळी केंब्रिज इंग्लिश परीक्षेत उल्लेखनीय यश संपादन करणाऱ्या विद्यार्थ्यांचा गौरव करण्यात आला तसेच पालकांसाठी मार्गदर्शनपर सेमिनार आयोजित करण्यात आला. कार्यक्रमाच्या अध्यक्षस्थानी शालेय व्यवस्थापन समितीचे अध्यक्ष डॉ. अनिल जोशी तसेच रो. संकेत बुटाला, शाळेच्या मुख्याध्यापिका भूमिता पटेल, प्रमुख मार्गदर्शक म्हणून केंब्रिज युनिव्हर्सिटी प्रेस अँड असेसमेंटचे वेस्ट, सेंट्रल इंडिया आणि बांगलादेश विभागाचे व्यवस्थापक धनंजय कदम उपस्थित होते.

https://ratnagiritimes.in//assets/images/2020/add/2020/sky22.jpg

प्रास्ताविकात केंब्रिज इंग्लिश पात्रतेचे जागतिक महत्त्व, विद्यार्थ्यांच्या भाषा कौशल्य विकासातील भूमिका आणि आंतरराष्ट्रीय स्तरावरील संधी याविषयी माहिती देण्यात आली. त्यानंतर Starters, Movers, Flyers, A2 Key आणि B1 Key या विविध स्तरांवर उल्लेखनीय यश मिळवलेल्या विद्यार्थ्यांना मान्यवरांच्या हस्ते प्रमाणपत्रे प्रदान करून गौरविण्यात आले. यावेळी धनंजय कदम यांनी पालकांना मार्गदर्शन करताना केंब्रिज इंग्लिश पात्रतेचे जागतिक महत्त्व, परीक्षेची रचना, भाषा आत्मसात करण्याच्या प्रभावी पद्धती, विद्यार्थ्यांमध्ये आत्मविश्वास व संवादकौशल्य विकसित करण्यासाठी पालकांची भूमिका आणि भविष्यातील शैक्षणिक संधी याविषयी सविस्तर माहिती दिली. त्यांच्या प्रेरणादायी मार्गदर्शनाचा पालकांनी उत्स्फूर्त प्रतिसाद दिला. कार्यक्रमात केवळ गुणवंत विद्यार्थ्यांचाच नव्हे, तर केंब्रिज इंग्लिश परीक्षा देणाऱ्या सर्व विद्यार्थ्यांच्या प्रयत्नांचेही विशेष कौतुक करण्यात आले.

टाईम्स स्पेशल

तसेच विद्यार्थ्यांना यशस्वी घडविण्यासाठी अथक परिश्रम घेणाऱ्या केंब्रिज इंग्लिश शिक्षकांचे शालेय व्यवस्थापन समितीचे अध्यक्ष डॉ. अनिल जोशी, रो. संकेत बुटाला, शाळेच्या मुख्याध्यापिका भूमिता पटेल, उच्च माध्यमिक विभागप्रमुख राहुल गाडबैल, प्राथमिक विभागप्रमुख तेजश्री कानडे, प्रा. बाळासाहेब राऊत यांच्या हस्ते सन्मान करण्यात आला. विद्यार्थ्यांच्या यशामागे शिक्षकांचे समर्पण, सातत्यपूर्ण मार्गदर्शन आणि मेहनत यांचे मोल अधोरेखित करण्यात आले. यानंतर पालकांनी विविध प्रश्न विचारून आपल्या शंकांचे निरसन करून घेतले. कार्यक्रमाचे सूत्रसंचालन मेहरान मुल्लाजी, पूर्वी सूर्यवंशी, सारा धामणकर, ओजल मोदी यांनी केले. हा उपक्रम विद्यार्थ्यांच्या शैक्षणिक प्रगतीला चालना देणारा आणि पालक-शाळा यांच्यातील समन्वय अधिक दृढ करणारा ठरला. शेवटी उपस्थित मान्यवर, पालक, शिक्षक आणि विद्यार्थ्यांचे आभार मानून कार्यक्रमाची सांगता करण्यात आली.