महसूलमंत्री बावनकुळे यांच्या आढावा बैठकीदरम्यान प्रशासकीय वर्तुळात खळबळ, एका अधिकार्‍यावर तत्काल बडगा

Breaking News

टाइम्स स्पेशल: जैतापुरचा राजा सार्वजनिक गणेशोत्सव मंडळाने राबविली आम्बोळगड किल्ले साफसफाई मोहिम
टाइम्स स्पेशल: शरद पवारांनी पंतप्रधानांची लांज्यातील ‘फणसकिंग ’ मिथिलेश देसाईंची घडवली भेट , मोदींना दिली कोंकणची वास्तुरूपी प्रीत
टाइम्स स्पेशल: टेनन्सी प्रकरणांत उलटतपासणीला परवानगी द्यावी; रत्नागिरी बार असोसिएशनची जिल्हाधिकाऱ्यांकडे मागणी
टाइम्स स्पेशल: शाळेसाठी जीव धोक्यात..! कळझोंडी-वरवडे 6 वर्षांपासून बससेवा बंद आहे तरी सारे गप्प , विद्यार्थी हवालदिल , ठाकरे युवासेना जिल्हाप्रमुख प्रसाद सावंत यांनी घातले लक्ष
टाइम्स स्पेशल: महामार्गाच्या शेजारी उभारण्यात आलेल्या ढाबा हॉटेल किंवा तत्सम व्यवसायावर कारवाई होणार , जिल्हाधिकारी यांना निर्देश
टाइम्स स्पेशल: एसटीच्या जागांवर उभ्या राहणाऱ्या स्थानकांच्या इमारती ‘आयकॉनिक’ असाव्यात , उपमुख्यमंत्री एकनाथ शिंदे यांचे निर्देश
टाइम्स स्पेशल: टिके कांबळेवाडीच्या मुलांनी घडवला इतिहास!
टाइम्स स्पेशल: शास्त्रीपूल डिंगणी फाट्यावर रस्ते अपघातात गाईचा मृत्यू; स्थानिक पदाधिकार्‍यांकडून सन्मानपूर्वक दफनविधी
टाइम्स स्पेशल: अमेरिका येथील मायामी युनिर्व्हसिटीमधील विद्यार्थी व प्राध्यापकांनाही आवडला गोठे खलाटी धबधबा
टाइम्स स्पेशल: रायगडमध्ये युरियाचा तुटवडा; शिवसेना जिल्हाप्रमुख राजा केणींचा कृषी विभागाला थेट इशारा
टाइम्स स्पेशल: माध्यमिक शिष्यवृत्ती परीक्षेत शेठ म. ग. हायस्कूल देवगडचे यश; चार विद्यार्थ्यांनी मिळवले तालुका व जिल्हास्तरीय उल्लेखनीय यश
टाइम्स स्पेशल: विजयदुर्ग किल्ल्यावर १८ ऑगस्टला जागतिक हेलियम दिनाचे आयोजन
टाइम्स स्पेशल: लांजात आमदार किरण सामंत यांच्या हस्ते मसाले पीक रोपांचे वाटप
टाइम्स स्पेशल: भाजपा प्रणित नवभारतीय शिव वाहतुक संघटना भाजपा ट्रान्सपोर्ट सेल महाराष्ट्र राज्य सेनेच्या वाहतुक सेलच्या कोकण विभाग प्रमुख संघटक पदी ‘संतोष नलावडे’ यांची नियुक्ती
टाइम्स स्पेशल: शिष्यवृत्ती परीक्षेत न्यू इंग्लिश स्कूलचे घवघवीत यश २३ विद्यार्थी पात्र; गुणवत्ता यादीतही विद्यार्थ्यांची उल्लेखनीय कामगिरी
टाइम्स स्पेशल: रोटरी स्कूलच्या आर्या खेडेकर हिचे वक्तृत्व स्पर्धेत उल्लेखनीय यश
टाइम्स स्पेशल: नामदार योगेशदादा कदम याच्याशी मंत्रालयात खेड तालुक्यातील विविध प्रलंबित व प्रस्तावित विकासकामांबाबत सविस्तर चर्चा
टाइम्स स्पेशल: शिष्यवृत्ती परीक्षेत रोटरी स्कूलचे 31 विद्यार्थी उत्तीर्ण, 4 विद्यार्थ्यांचा गुणवत्ता यादीत समावेश
टाइम्स स्पेशल: सिब्बल यांनी निवडणुक आयोगाच्या निर्णयाची पिसे काढलीः खासदार संजय राऊत
टाइम्स स्पेशल: इयत्ता चौथी शिष्यवृत्ती परीक्षेत कृ. चिं. आगाशे विद्यामंदिरचे २२ विद्यार्थी जिल्हा गुणवत्ता यादीत

Breaking News

महसूलमंत्री बावनकुळे यांच्या आढावा बैठकीदरम्यान प्रशासकीय वर्तुळात खळबळ, एका अधिकार्‍यावर तत्काल बडगा

टाईम्स स्पेशल

2026-08-03 00:00:00

टाइम्स स्पेशल

रत्नागिरी : रत्नागिरी जिल्हाधिकारी कार्यालयात महसूल मंत्री चंद्रशेखर बावनकुळे यांनी घेतलेली आढावा बैठक प्रशासकीय वर्तुळात प्रचंड खळबळ उडवून देणारी ठरली. बैठकीपूर्वी जनतेची निवेदने स्वीकारत नागरिकांच्या तीव्र तक्रारी ऐकून घेतल्यानंतर, मंत्र्यांनी संबंधित विभागाच्या अधिकार्‍यांना अक्षरशः धारेवर धरले. वर्षानुवर्षे प्रकरणे प्रलंबित ठेवून सर्वसामान्य जनतेला हेलपाटे मारायला लावणार्‍या आणि भ्रष्टाचाराचा शिक्का बसलेल्या अधिकार्‍यांची कसलीही हयगय केली जाणार नाही, असा सज्जड दम त्यांनी भरला. या अत्यंत आक्रमक बैठकीत भूमी अभिलेख विभागाच्या उपअधीक्षक सोनल काळे यांच्या मनमानी कारभारावर तात्काळ बडगा उगारण्यात आला. त्यांच्याविरुद्धच्या तक्रारींची गंभीर दखल घेत महसूल मंत्र्यांनी अप्पर मुख्य सचिव (महसूल) विकास खारगे यांना थेट फोन लावून त्यांची आजच्या आज अमरावतीला बदली करण्याचे आदेश दिले.

https://ratnagiritimes.in//assets/images/2020/add/2020/sky22.jpg

तसेच, जिल्ह्यातील इतर उपविभागीय अधिकारी आणि तहसीलदारांच्या कामकाजाचा अक्षरशः पाढा वाचण्यात आला. शुद्धलेखनाची किंवा टायपिंगची किरकोळ दुरुस्ती करण्यासाठी महिनान् महिने आणि वर्ष-वर्षे खटले किंवा फाईल्स पेंडिंग ठेवणार्‍या अधिकार्‍यांना मंत्र्यांनी चांगलेच खडसावले. तुम्ही काही न्यायालयाचे न्यायाधीश आहात का, जे सुनावणी आणि तारखांचे खेळखंडोबा चालवलेत, अशा शब्दांत त्यांनी अधिकार्‍यांची कानउघाडणी केली. जनतेची आणि शासनाची लूटमार तात्काळ थांबवा, असे स्पष्ट करत बावनकुळे म्हणाले की, एक अधिकारी तयार करण्यासाठी शासनाचा लाखो-कोटी रुपयांचा खर्च होतो, त्यामुळे जनतेचा पैसा आणि विश्वास गमावू नका. सकाळी घरापासून निघताना पिशव्या आणि डबे भरून पैसे गोळा करण्याचे दिवस आता संपले आहेत. हा हरामाचा पैसा कधीच उपयोगी पडत नाही. उद्या निलंबन झाल्यावर बायको-मुलांना आणि आई-वडिलांना काय तोंड दाखवणार? असा सज्जड सवाल त्यांनी अधिकार्‍यांना केला.

टाईम्स स्पेशल

जर भ्रष्टाचारात किंवा माफ़ियांसोबत संगनमत असल्याचे सिद्ध झाले, तर सीबीआय, इन्कम टॅक्स आणि ईडीच्या नजर तुमच्यावर असून कठोर कारवाईला सामोरे जावे लागेल, असा इशारा त्यांनी दिला. वाळू माफियांच्या मुसक्या आवळण्यावर आणि अवैध वाळू उपशावरही या बैठकीत कडक भूमिका घेण्यात आली. यापुढे नैसर्गिक वाळूऐवजी एम-सँडच्या प्रकल्पांना प्रोत्साहन देण्याचे आणि वाळू धोरण पूर्णपणे माफिया-मुक्त करण्याचे निर्देश त्यांनी दिले. अधिकार्‍यांनी केवळ एसी केबिनमध्ये न बसता दररोज दुपारी तीन ते पाच या वेळेत जनतेला भेटलेच पाहिजे आणि आठवड्यातून एकदा गावात जाऊन प्रत्यक्ष लोकांच्या समस्या सोडवाव्यात, असा आदेशही त्यांनी दिला. मंत्र्यांच्या या तडाख्यामुळे रत्नागिरी जिल्ह्यातील महसूल आणि भूमि अभिलेख विभागाच्या अधिकारी-कर्मचार्‍यांचे धाबे दणाणले आहेत.