पाडावेवाडी बससेवा पूर्ववत करण्यासाठी अभाविप आक्रमक, रत्नागिरी आगार व्यवस्थापकांना निवेदन

Breaking News

टाइम्स स्पेशल: जैतापुरचा राजा सार्वजनिक गणेशोत्सव मंडळाने राबविली आम्बोळगड किल्ले साफसफाई मोहिम
टाइम्स स्पेशल: शरद पवारांनी पंतप्रधानांची लांज्यातील ‘फणसकिंग ’ मिथिलेश देसाईंची घडवली भेट , मोदींना दिली कोंकणची वास्तुरूपी प्रीत
टाइम्स स्पेशल: टेनन्सी प्रकरणांत उलटतपासणीला परवानगी द्यावी; रत्नागिरी बार असोसिएशनची जिल्हाधिकाऱ्यांकडे मागणी
टाइम्स स्पेशल: शाळेसाठी जीव धोक्यात..! कळझोंडी-वरवडे 6 वर्षांपासून बससेवा बंद आहे तरी सारे गप्प , विद्यार्थी हवालदिल , ठाकरे युवासेना जिल्हाप्रमुख प्रसाद सावंत यांनी घातले लक्ष
टाइम्स स्पेशल: महामार्गाच्या शेजारी उभारण्यात आलेल्या ढाबा हॉटेल किंवा तत्सम व्यवसायावर कारवाई होणार , जिल्हाधिकारी यांना निर्देश
टाइम्स स्पेशल: एसटीच्या जागांवर उभ्या राहणाऱ्या स्थानकांच्या इमारती ‘आयकॉनिक’ असाव्यात , उपमुख्यमंत्री एकनाथ शिंदे यांचे निर्देश
टाइम्स स्पेशल: टिके कांबळेवाडीच्या मुलांनी घडवला इतिहास!
टाइम्स स्पेशल: शास्त्रीपूल डिंगणी फाट्यावर रस्ते अपघातात गाईचा मृत्यू; स्थानिक पदाधिकार्‍यांकडून सन्मानपूर्वक दफनविधी
टाइम्स स्पेशल: अमेरिका येथील मायामी युनिर्व्हसिटीमधील विद्यार्थी व प्राध्यापकांनाही आवडला गोठे खलाटी धबधबा
टाइम्स स्पेशल: रायगडमध्ये युरियाचा तुटवडा; शिवसेना जिल्हाप्रमुख राजा केणींचा कृषी विभागाला थेट इशारा
टाइम्स स्पेशल: माध्यमिक शिष्यवृत्ती परीक्षेत शेठ म. ग. हायस्कूल देवगडचे यश; चार विद्यार्थ्यांनी मिळवले तालुका व जिल्हास्तरीय उल्लेखनीय यश
टाइम्स स्पेशल: विजयदुर्ग किल्ल्यावर १८ ऑगस्टला जागतिक हेलियम दिनाचे आयोजन
टाइम्स स्पेशल: लांजात आमदार किरण सामंत यांच्या हस्ते मसाले पीक रोपांचे वाटप
टाइम्स स्पेशल: भाजपा प्रणित नवभारतीय शिव वाहतुक संघटना भाजपा ट्रान्सपोर्ट सेल महाराष्ट्र राज्य सेनेच्या वाहतुक सेलच्या कोकण विभाग प्रमुख संघटक पदी ‘संतोष नलावडे’ यांची नियुक्ती
टाइम्स स्पेशल: शिष्यवृत्ती परीक्षेत न्यू इंग्लिश स्कूलचे घवघवीत यश २३ विद्यार्थी पात्र; गुणवत्ता यादीतही विद्यार्थ्यांची उल्लेखनीय कामगिरी
टाइम्स स्पेशल: रोटरी स्कूलच्या आर्या खेडेकर हिचे वक्तृत्व स्पर्धेत उल्लेखनीय यश
टाइम्स स्पेशल: नामदार योगेशदादा कदम याच्याशी मंत्रालयात खेड तालुक्यातील विविध प्रलंबित व प्रस्तावित विकासकामांबाबत सविस्तर चर्चा
टाइम्स स्पेशल: शिष्यवृत्ती परीक्षेत रोटरी स्कूलचे 31 विद्यार्थी उत्तीर्ण, 4 विद्यार्थ्यांचा गुणवत्ता यादीत समावेश
टाइम्स स्पेशल: सिब्बल यांनी निवडणुक आयोगाच्या निर्णयाची पिसे काढलीः खासदार संजय राऊत
टाइम्स स्पेशल: इयत्ता चौथी शिष्यवृत्ती परीक्षेत कृ. चिं. आगाशे विद्यामंदिरचे २२ विद्यार्थी जिल्हा गुणवत्ता यादीत

Breaking News

पाडावेवाडी बससेवा पूर्ववत करण्यासाठी अभाविप आक्रमक, रत्नागिरी आगार व्यवस्थापकांना निवेदन

टाईम्स स्पेशल

2026-08-02 00:00:00

टाइम्स स्पेशल

रत्नागिरी (जमीर खलफे) : शालेय व महाविद्यालयीन विद्यार्थ्यांच्या शैक्षणिक प्रवासात कोणतीही अडचण येऊ नये आणि त्यांना सुरक्षित वाहतूक सुविधा मिळावी या मुख्य उद्देशाने अखिल भारतीय विद्यार्थी परिषद, दक्षिण रत्नागिरीच्या वतीने विद्यार्थ्यांसाठी पुढाकार घेतला आहे. १ ऑगस्ट रोजी अभाविपच्या शिष्टमंडळाने रत्नागिरी आगार व्यवस्थापकांची प्रत्यक्ष भेट घेऊन निवेदन सादर केले. शिर्के प्रशाला येथून सायंकाळी ५.३० वाजता सुटणारी पाडावेवाडी शहर बससेवा गेल्या काही दिवसांपासून बंद असल्याने विद्यार्थ्यांना मोठ्या त्रासाला सामोरे जावे लागत आहे. त्यामुळे ही बससेवा कोणत्याही परिस्थितीत तात्काळ पूर्ववत सुरू करण्यात यावी, अशी ठाम मागणी अभाविपने या निवेदनाद्वारे प्रशासनाकडे केली आहे.

https://ratnagiritimes.in//assets/images/2020/add/2020/sky22.jpg

विद्यार्थ्यांच्या दैनंदिन प्रवासाची ही समस्या अत्यंत गंभीर असून सायंकाळी शाळा सुटल्यानंतर विद्यार्थ्यांना घरी परतण्यासाठी एसटी बस हा एकमेव सुरक्षित आणि परवडणारा पर्याय उपलब्ध असतो. मात्र ही बस बंद पडल्यामुळे दररोज जवळपास ३० ते ४० विद्यार्थ्यांना नाहक मनस्ताप सहन करावा लागत आहे. वेळेवर वाहन न मिळाल्यामुळे विद्यार्थ्यांच्या सुरक्षेचा प्रश्न निर्माण होतोच, शिवाय त्यांच्या वेळेचा अपव्यय होऊन शैक्षणिक नुकसानही सोसावे लागत आहे. ही बससेवा पुन्हा सुरळीत सुरू झाल्यास सर्व विद्यार्थ्यांना सुरक्षित, वेळेवर आणि सुलभ प्रवासाची सुविधा मिळेल आणि त्यांची मोठी शैक्षणिक अडचण दूर होईल, असा विश्वास अभाविपच्या प्रतिनिधींनी व्यक्त केला.

टाईम्स स्पेशल

या प्रसंगी अखिल भारतीय विद्यार्थी परिषद, दक्षिण रत्नागिरीचे कार्यालयमंत्री चारुदत्त भडसावळे आणि शहर सहमंत्री यश काळे यांनी आगाराच्या जबाबदार अधिकाऱ्यांशी सविस्तर चर्चा करून विद्यार्थ्यांची व्यथा त्यांच्यासमोर मांडली. विद्यार्थ्यांचे शैक्षणिक हित लक्षात घेऊन एसटी महामंडळ प्रशासनाने या विषयावर गांभीर्याने आणि सकारात्मक विचार करावा तसेच लवकरात लवकर ही बस पूर्ववत सुरू करून विद्यार्थ्यांना दिलासा द्यावा, असा पुनरुच्चार प्रतिनिधींनी केला. यावर आगार व्यवस्थापकांनी निवेदनाची तात्काळ दखल घेऊन योग्य ती कार्यवाही करण्याचे सकारात्मक आश्वासन दिले आहे.