रत्नागिरी: (जिल्हा प्रतिनिधी) - रत्नागिरी जिल्हा पोलिसांनी केलेल्या विशेष कामगिरीमुळे जिल्ह्यातील १८७ नागरिकांना त्यांचे हरवलेले मोबाईल फोन परत मिळाले आहेत. कोंकण परिक्षेत्राचे विशेष पोलीस महानिरीक्षक संजय दराडे (भा.पो.से) यांच्या शुभ हस्ते आज, दिनांक २४/११/२०२५ रोजी हे सर्व मोबाईल फोन त्यांच्या मूळ मालकांना परत करण्यात आले. मार्च २०२५ ते नोव्हेंबर २०२५ या कालावधीत रत्नागिरी जिल्ह्यातील नागरिकांचे हरवलेले आणि चोरीला गेलेले मोबाईल फोन शोधून काढण्यासाठी रत्नागिरी पोलीस दलाने एक विशेष मोहीम हाती घेतली होती.
पोलीस अधीक्षक, रत्नागिरी नितीश दत्तात्रय बगाटे तसेच अपर पोलीस अधीक्षक, रत्नागिरी बी.बी. महामुनी यांच्या मार्गदर्शनाखाली ही कार्यवाही पार पडली. या मोहिमेची मुख्य जबाबदारी सायबर पोलीस ठाणे, रत्नागिरीच्या पोलीस निरीक्षक स्मिता सुतार, पो.ज./९८८ अजय रेडीज तसेच जिल्ह्यातील विविध पोलीस ठाण्यांमधील पोलीस अंमलदार यांच्या संयुक्त टीमने यशस्वीपणे पार पाडली. या एकत्रित प्रयत्नांमुळे तब्बल १८७ हरवलेल्या मोबाईल फोनचा शोध घेण्यात रत्नागिरी पोलीस दलाला मोठे यश प्राप्त झाले. आज मोबाईल परत करण्याच्या कार्यक्रमासाठी विशेष पोलीस महानिरीक्षक संजय दराडे यांनी उपस्थिती लावली. त्यांच्या हस्ते हे सर्व मोबाईल फोन त्यांच्या मूळ मालकांना वितरित करण्यात आले.
यावेळी बोलताना दराडे यांनी उपस्थित नागरिकांना मार्गदर्शन केले. सायबर क्राईम सारख्या गुन्ह्यांना बळी पडलेल्या व्यक्तीने तात्काळ जवळच्या पोलीस स्टेशनकडे संपर्क साधून तक्रार नोंदवावी, असे आवाहन त्यांनी केले. कार्यक्रमाच्या वेळी पोलीस अधीक्षक नितीन दत्तात्रय बगाटे, अपर पोलीस अधीक्षक बी.बी. महामुनी, उपविभागीय पोलीस अधिकारी, रत्नागिरी निलेश माईणकर, उपविभागीय पोलीस अधिकारी, लांजा सुरेश कदम तसेच पोलीस अधिकारी आणि अंमलदार मोठ्या संख्येने उपस्थित होते. रत्नागिरी पोलिसांनी केलेल्या या उल्लेखनीय कामगिरीमुळे नागरिकांच्या मालमत्तेचे संरक्षण तर झालेच, शिवाय पोलीस दलावरील विश्वास अधिक दृढ झाला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.