जागतिक एड्स दिनानिमित्त दापोलीत पथनाट्यातून 'जनजागृती'चा प्रभावी संदेश

2025-12-01 00:00:00

टाइम्स स्पेशल

संगलट( खेड) (इक्बाल जमादार) - जागतिक एड्स दिन निमित्ताने दापोली शहरात एचआयव्ही/एड्स या गंभीर विषयावर जनजागृती करण्यासाठी एक अत्यंत प्रभावी उपक्रम राबविण्यात आला. दापोली येथील वैद्यकीय महाविद्यालयाचे विद्यार्थी आणि उपजिल्हा रुग्णालय, दापोली येथील डॉक्टरांनी एकत्र येऊन शहरातील प्रमुख ठिकाणी पथनाट्य सादर केले.

https://ratnagiritimes.in//assets/images/2020/add/2020/sky22.jpg

दरवर्षी १ डिसेंबर हा दिवस जगभर एड्स जनजागृतीसाठी पाळला जातो. याच अनुषंगाने, दापोलीतील युवा डॉक्टर्स आणि विद्यार्थी यांनी यावर्षी वेगळा मार्ग निवडला. त्यांनी तयार केलेले पथनाट्य शहरातील बाजारपेठा, बसस्थानक परिसर आणि महाविद्यालयांच्या बाहेर अशा गर्दीच्या ठिकाणी सादर करण्यात आले. या नाटकातून एड्स आणि एचआयव्ही संदर्भात समाजात असलेले गैरसमज, अंधश्रद्धा आणि भीती दूर करण्याचा प्रयत्न करण्यात आला.

टाइम्स स्पेशल

'एड्स हा रोग स्पर्शाने पसरत नाही,' तसेच 'एड्सग्रस्त व्यक्तीला सहानुभूती आणि सामाजिक आधार देणे किती महत्त्वाचे आहे,' यांसारखे महत्त्वाचे संदेश अत्यंत सोप्या आणि थेट पद्धतीने लोकांपर्यंत पोहोचवण्यात आले. वैद्यकीय महाविद्यालयाच्या विद्यार्थ्यांनी त्यांच्या अभिनयातून लोकांचे लक्ष वेधले. तर उपजिल्हा रुग्णालयाचे समुपदेशक पांडुरंग हुबाले यांनी नाटकाच्या शेवटी उपस्थित नागरिकांशी संवाद साधून, एड्स प्रतिबंधासाठी घ्यावयाची काळजी, उपलब्ध उपचार आणि सरकारी योजना याबद्दल माहिती दिली.