बेळगावसह सीमाभागातील ४० लाख मराठी भाषिकांना महाराष्ट्रात सामावून घ्या; रामदास कदमांची पंतप्रधानांकडे मागणी

Breaking News

टाइम्स स्पेशल: राहुल गांधी 22 ऑगस्ट रोजी पुण्यात, "छात्रों की गुंज" या कार्यक्रमाला त्यांची उपस्थिती लाभणार!
टाइम्स स्पेशल: वसतिगृहातील विद्यार्थ्यांना भूतबाधा ? ५00 हून अधिक विद्यार्थ्यांनी वसतिगृह सोडून घर गाठले !
टाइम्स स्पेशल: पोलीस उपमहानिरीक्षक सुरेश मेंगडे यांना भारत सरकारतर्फे स्वातंत्र्य दिननिमित्त 'अतिउत्कृष्ट सेवा पदक' जाहीर , हा रत्नागिरी जिल्ह्याचाही गौरव
टाइम्स स्पेशल: महावितरण शाखा कार्यालय कर्जी व उपकेंद्र रजवेल येथे स्वातंत्र्यदिन मोठ्या उत्साहात
टाइम्स स्पेशल: रामानंदाचार्य नरेंद्राचार्यजींच्या संकल्पनेतून साकारलेल्या ‘ब्लड इन नीड’ रक्तसेवेचा देशभर विस्तार
टाइम्स स्पेशल: रत्नागिरी जिल्हाधिकारी कार्यालयासमोर विविध मागण्यांसाठी अनेक नागरिकांचे उपोषण व आंदोलन
टाइम्स स्पेशल: भाजपा प्रणित रिक्षा चालक- मालक खेड तर्फे जिलेबी वाटप
टाइम्स स्पेशल: लायन्स क्लब ऑफ खेड सिटी आयोजित 'माँ तुझे सलाम' गीत रेकॉर्ड डान्स स्पर्धेचा कार्यक्रम उत्साहात
टाइम्स स्पेशल: न्यू इंग्लिश स्कूल मोहाने ऐनवली देवघर विद्यालयामध्ये स्वातंत्र्य दिन मोठ्या उत्साहात साजरा
टाइम्स स्पेशल: बिजघर नं.१शाळेत स्वातंत्र्यदिनानिमित्त माजी सैनिकांचा सत्कार
टाइम्स स्पेशल: तेरवण गावी स्वातंत्र्यदिन मोठ्या उत्साहात साजरा
टाइम्स स्पेशल: दोडामार्ग-बांदा आयी मार्गावर धोकादायक झाडे तोडायला सुरूवात, राष्ट्रीय काँग्रेस पक्षाचे उपोषण मागे
टाइम्स स्पेशल: हर घर तिरंगा अभियानच्या वक्तृत्व स्पर्धेत स्पृहा दळवी प्रथम
टाइम्स स्पेशल: लांज्यात डम्पिंग ग्राउंड रद्द करण्यासाठी कोत्रेवाडी ग्रामस्थांचे उपोषण सुरु
टाइम्स स्पेशल: लांजा शहरात महामार्गावर पडलेल्या खड्यात उबाठा शिवसेनेची चिखल नांगरणी आंदोलन स्पर्धा यशस्वी, बैलजोडीधारक शेतकरी सन्मानीत
टाइम्स स्पेशल: स्वातंत्र्यदिन उत्साहात, सामाजिक भान जपत एकता रत्नागिरी जिल्हा टू व्हिलर मेकॅनिक असोसिएशनचा विद्यार्थ्यांसाठी स्तुत्य उपक्रम
टाइम्स स्पेशल: गुहागर दिवाणी न्यायालयाचे दिवाणी न्यायाधीश तथा प्रथमवर्ग न्यायदंडाधिकारी प्रतीक कपाडिया यांची दिवाणी न्यायाधीश वरिष्ठ स्तर म्हणून निवड
टाइम्स स्पेशल: स्वातंत्र्यदिनानिमित्त जी.जी.पी.एसमध्ये ट्राय सायकल रॅली
टाइम्स स्पेशल: जि. प. आदर्श शाळा काताळे येथे स्वातंत्र्य दिन उत्साहात साजरा
टाइम्स स्पेशल: मानेज इंटरनॅशनल स्कूल या शाळेमध्ये देशभक्तीपर फॅन्सी ड्रेस स्पर्धेत बालचमूंचे शानदार सादरीकरण

Breaking News

बेळगावसह सीमाभागातील ४० लाख मराठी भाषिकांना महाराष्ट्रात सामावून घ्या; रामदास कदमांची पंतप्रधानांकडे मागणी

टाईम्स स्पेशल

2026-08-15 00:00:00

टाइम्स स्पेशल

खेड (दिलीप देवळेकर) :- बेळगाव, कारवार, धारवाड, हुबळी आणि निपाणी या सीमाभागातील मराठी भाषिकांवर गेल्या अनेक वर्षांपासून अन्याय होत असल्याचा आरोप करत, हा संपूर्ण भाग महाराष्ट्रात समाविष्ट करण्याची मागणी शिवसेना नेते रामदास कदम यांनी केली आहे. सीमाभागातील सुमारे ४० लाख मराठी भाषिकांना न्याय मिळवून देण्यासाठी पंतप्रधान नरेंद्र मोदी यांनी या प्रश्नात वैयक्तिक लक्ष घालावे, अशी मागणी कदम यांनी केली आहे. १९६० मध्ये भाषावार प्रांतरचना झाली, त्यावेळी बेळगावसह कारवार, धारवाड, हुबळी आणि निपाणी परिसरात मोठ्या संख्येने मराठी भाषिक असूनही हा भाग महाराष्ट्रात समाविष्ट करण्यात आला नाही. चुकीच्या पद्धतीने सर्वेक्षण झाल्यामुळे मराठी भाषिकांचा हा भाग महाराष्ट्राबाहेर राहिल्याचा आरोप कदम यांनी केला. तेव्हापासून सीमाभागातील जनता सातत्याने महाराष्ट्रात सामील करण्याची मागणी करत असल्याचे त्यांनी सांगितले. सीमाभागातील मराठी शाळा बंद करणे, मराठी शिक्षकांना हटवणे, मराठी पाट्या काढून टाकणे तसेच बेळगावचे नाव बदलून ‘बेळगावी’ करण्यात आल्याचा आरोपही कदम यांनी केला. मराठी मुलांना कन्नड भाषा सक्तीने शिकावी लागत असून, मराठी भाषिकांच्या भाषिक अधिकारांवर अन्याय होत असल्याचे त्यांनी म्हटले. सीमाप्रश्नावरून शिवसेनाप्रमुख बाळासाहेब ठाकरे यांनी मराठी भाषिकांच्या बाजूने ठाम भूमिका घेतली होती. २००६ मध्ये महाराष्ट्र एकीकरण समितीच्या माध्यमातून बेळगाव येथे आयोजित सभेला आपण उपस्थित राहिलो होतो. या सभेत भाषण केल्यानंतर आपल्यावर गुन्हा दाखल करण्यात आला. मात्र, या गुन्ह्याची माहिती आपल्याला अनेक वर्षे देण्यात आली नाही, असा दावा कदम यांनी केला.

https://ratnagiritimes.in//assets/images/2020/add/2020/sky22.jpg

यानंतर २००९ मध्येही आपण बेळगावला गेलो होतो. मराठी भाषिकांच्या पाठीत खंजीर खुपसणाऱ्यांना हद्दपार करा, असे आपण त्या वेळी भाषणात म्हटले होते. तसेच भाजपकडून मराठी माणसावर अन्याय झाल्यास महाराष्ट्रातील शिवसेना-भाजप युती तोडण्याची वेळ येईल, हा शिवसेनाप्रमुख बाळासाहेब ठाकरे यांचा संदेशही आपण सभेत दिल्याचे कदम यांनी सांगितले. २०१० मध्ये बेळगावच्या काळ्या दिनाच्या कार्यक्रमासाठी गेलो असताना सभेला परवानगी देण्यात आली नव्हती. त्यावेळी टेबलावर उभे राहून भाषण केले, तरीही आपल्याला अटक करण्यात आली नाही किंवा गुन्ह्याची कल्पना देण्यात आली नाही, असे कदम यांनी सांगितले. २००६ मध्ये महाराष्ट्राचे विरोधी पक्षनेते असताना आणि त्यानंतर पर्यावरणमंत्री म्हणून काम करत असतानाही आपल्याला कोणतीही नोटीस देण्यात आली नाही. मात्र, २०११ मध्ये अचानक आपल्या गावातील घरावर ‘वॉन्टेड’ असल्याचे लेबल लावण्यात आले आणि हजर न झाल्यास मालमत्ता जप्त करण्यात येईल, अशी नोटीस देण्यात आल्याचा दावा कदम यांनी केला. या प्रकरणात बेळगाव न्यायालयात हजर झाल्यानंतर १० लाख रुपयांचा जामीन द्यावा लागला. महाराष्ट्र एकीकरण समितीचे नेते यशवंत बिरजे आणि त्यांच्या वडिलांनी आपल्याला जामीन दिल्याचे कदम यांनी सांगितले. २००६ मधील सभेला उपस्थित असलेले नितीन बानगुडे पाटील यांनाही या प्रकरणात वॉन्टेड दाखविण्यात आले होते. तब्बल १३ ते १४ वर्षांनंतर घरावर नोटीस लावल्यानंतर या प्रकरणाची माहिती मिळाल्याचा दावा त्यांनी केला.

टाईम्स स्पेशल

कर्नाटक पोलिसांनी राजकीय हेतूने गुन्हा दाखल केल्याचा आरोप करत, आपल्या भाषणातील शब्दांचा विपर्यास करून प्रक्षोभक भाषणाचा गुन्हा दाखल करण्यात आल्याचे कदम यांनी म्हटले. या प्रकरणात वकील श्यामसुंदर बट्ट्याळ यांनी प्रभावीपणे बाजू मांडली. अनेक साक्षीदारांची उलटतपासणी करण्यात आली तसेच तत्कालीन पोलीस अधीक्षकांचीही उलटतपासणी झाली. अखेर ११ तारखेला न्यायालयाने रामदास कदम आणि नितीन बानगुडे पाटील यांची निर्दोष मुक्तता केली. या निकालाबद्दल कदम यांनी न्यायदेवतेचे मनापासून आभार मानले. सीमाप्रश्न सध्या सर्वोच्च न्यायालयात प्रलंबित असून केंद्र सरकारने मनावर घेतल्यास या प्रश्नावर लवकर निर्णय होऊ शकतो, असा दावा रामदास कदम यांनी केला. केंद्रात शिवसेना-भाजपची सत्ता असल्याने पंतप्रधान नरेंद्र मोदी यांनी या प्रश्नात वैयक्तिक लक्ष घालावे, अशी त्यांनी विनंती केली आहे. भाषावार प्रांतरचनेच्या वेळी मराठी भाषिकांचा मोठा भाग महाराष्ट्राबाहेर राहिला असेल, तर त्यांना वेगळा न्याय का, असा सवालही कदम यांनी उपस्थित केला. बेळगाव, कारवार, धारवाड, हुबळी आणि निपाणी हा भाग महाराष्ट्रात समाविष्ट करण्यासाठी केंद्र सरकारने ठोस निर्णय घ्यावा आणि सीमाभागातील मराठी भाषिकांना न्याय द्यावा, यासाठी पंतप्रधानांना पत्र देणार असल्याचे शिवसेना नेते रामदास कदम यांनी सांगितले.