.jpg)
1.jpg)
2.jpg)
1.jpg)
1.jpg)
.jpg)
.jpg)
.jpg)
_(1).jpg)
.jpg)
_(1).jpg)
1.jpg)
8.jpg)
.jpg)
7.jpg)
6.jpg)
5.jpg)
4.jpg)
.jpg)
रत्नागिरी : श्रावण महिन्याच्या पवित्र आणि अल्हाददायक वातावरणात कोकणात खर्या अर्थाने अक्षरांचा पाऊस कोसळला. कोकण मराठी साहित्य परिषद (कोमसाप) शाखा रत्नागिरीच्या वतीने पटवर्धन हायस्कूलच्या सभागृहात एका अत्यंत देखण्या आणि भावुक काव्यसंमेलनाचे आयोजन करण्यात आले होते. क्षणात येते सरसर शिरवे, क्षणात फिरुनी ऊन पडे या निसर्गाच्या लहरी खेळाप्रमाणेच मनाला थक्क आणि ओथंबून टाकणार्या कवितांनी या कार्यक्रमात एक वेगळीच जादू निर्माण केली. पावसाच्या सरी आणि शब्दांची बरसात यांच्या संगमाने संपूर्ण रसिक मनांना अक्षरशः मंत्रमुग्ध करून सोडले. कार्यक्रमाची सुरुवात कोमसाप शाखा रत्नागिरीचे अध्यक्ष प्रा. चंद्रमोहन देसाई यांच्या प्रास्ताविकाने झाली. त्यांनी आपल्या मनोगतातून मराठी साहित्याची परंपरा आणि कोकणातील कवींच्या सृजनशीलतेला प्रोत्साहन देण्याची भूमिका उपस्थितांसमोर मांडली. या काव्यसंमेलनात रत्नागिरीतील बाल कवींपासून ते तरुण आणि अनुभवी कवींपर्यंत सर्वच स्तरांतील साहित्यिकांनी आपल्या रचना सादर करून उपस्थितांची मने जिंकली.
संमेलनात मानसी मराठे, अपर्णा गोगटे, गुरुदेव नांदगावकर, ईशिका हरचकर, सेजल मेस्त्री, अनुया बाम, वृषाली टाकळे, मालवी होरंबे, स्मिता साळवी, श्रावणी धनावडे, विश्वनाथ गावडे, अथर्व केळुसकर, डॉ. प्रणाली दहिहंडे, साक्षी शितप, श्रावणी शिंदे, तन्वी पटवर्धन, श्रुती फुटक, वसुंधरा जाधव आणि विनायक हातखंबकर या प्रतिभावान कवींनी आपल्या बहारदार कविता सादर केल्या. श्रावणाचे रूप, निसर्गाचे सौंदर्य आणि मानवी भावनांचा कोलाहल या सार्या विषयांवर भाष्य करणार्या रचनांनी उपस्थितांना टाळ्यांचा कडकडाट करण्यास भाग पाडले. या दिमाखदार सोहळ्याला मान्यवरांची विशेष उपस्थिती लाभली. प्रमुख पाहुणे म्हणून प्रसिद्ध साहित्यिक डॉ. चित्रा गोस्वामी उपस्थित होत्या, तर प्रसिद्ध चारोळीकार कवी प्रकाश सावंत यांनी प्रमुख मार्गदर्शक म्हणून कवींना मोलाचे मार्गदर्शन केले. तसेच महाविद्यालयाच्या प्राचार्या लता पाटील, वसुंधरा जाधव, वैजयंती पाटील आणि कोमसाप युवाशक्ती प्रमुख गुरुदेव नांदगावकर यांच्या उपस्थितीने कार्यक्रमाची शोभा वाढवली.
कार्यक्रमाच्या यशस्वीतेसाठी विनायक हातखंबकर, चंद्रमोहन देसाई, गौरी सावंत, गुरुदेव नांदगावकर आणि विद्याधर कांबळे यांनी विशेष परिश्रम घेतले. अत्यंत उत्साहात व खेळीमेळीच्या वातावरणात पार पडलेल्या या कार्यक्रमाचे नेटके सूत्रसंचालन गुरुदेव नांदगावकर यांनी केले, तर आभार प्रदर्शन विद्याधर कांबळे यांनी मानले. या सुंदर काव्यसंमेलनाने रत्नागिरीच्या सांस्कृतिक पटलावर एक सुवर्णकाळ लिहिला असून, उपस्थितांच्या मनात कायम स्मरणात राहील अशी आठवण ठेवूनच हा सोहळा संपन्न झाला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.