1.jpg)
2.jpg)
1.jpg)
1.jpg)
.jpg)
.jpg)
.jpg)
_(1).jpg)
.jpg)
_(1).jpg)
1.jpg)
8.jpg)
.jpg)
7.jpg)
6.jpg)
5.jpg)
4.jpg)
.jpg)
रत्नागिरी : राष्ट्रध्वज, राष्ट्रगीत आणि राष्ट्रसंस्कृती हे कोणत्याही सार्वभौम देशाचे केवळ अस्मितेचे प्रतीक नसून, त्या कोट्यवधी देशप्रेमींच्या भावनांचा जीवনरक्त असतात. मात्र, दुर्दैवाने राजकीय स्वार्थापोटी किंवा वैचारिक दिवाळखोरीमुळे जेव्हा राष्ट्रीय प्रतीकांचाच अवमान केला जातो, तेव्हा लोकशाहीचा पाया हादरल्याशिवाय राहत नाही. असाच एक संतापजनक प्रकार नुकताच उघडकीस आल्यानंतर, भारतीय जनता पार्टी युवा मोर्चाच्या वतीने रत्नागिरीत काँग्रेस नेत्यांच्या निषेधार्थ एकमुखी आणि आक्रमक निदर्शने करण्यात आली.
राष्ट्रगीत 'वंदे मातरम्'च्या झालेल्या कथित अवमानाच्या या गंभीर घटनेविरोधात संपूर्ण शहरात तीव्र पडसाद उमटले आहेत. भारतीय जनता युवा मोर्चाचे जिल्हाध्यक्ष राहुल पवार, जिल्हा भारतीय जनता पार्टी सरचिटणीस संकेत कदम आणि भाजपा शहर अध्यक्ष दादा ढेकणे यांच्या मार्गदर्शनाखाली या आंदोलनाचे नेतृत्व भाजपा युवा मोर्चाचे शहर अध्यक्ष अजिंक्य केसरकर यांनी केले. कार्यक्रमादरम्यान उपस्थितांनी काँग्रेस नेत्यांच्या या विकृत मानसिकतेचा आणि देशविरोधी वृत्तीचा तीव्र शब्दात निषेध केला. "ज्या मातीने आपल्याला ओळख दिली, ज्या राष्ट्रीय गीताने कोट्यवधी देशवासीयांच्या मनात देशप्रेमाची ज्वाला प्रज्वलित केली, त्याच पवित्र गीताचा अवमान करणे म्हणजे देशाशी गद्दार करण्यासारखेच आहे," असा संतप्त सूर यावेळी आंदोलकांनी लावला.
काँग्रेस नेत्यांच्या भूमिकेबद्दल सर्वसामान्य नागरिकांमधूनही प्रचंड संताप व्यक्त होत आहे. राष्ट्रीय गीताचा हा अपमान रत्नागिरीतील जनता कधीही सहन करणार नाही, जोपर्यंत या प्रकरणी दोषी नेते जाहीर माफी मागणार नाहीत, तोपर्यंत हा रोष असाच तीव्र लढा देऊन सुरूच ठेवला जाईल, असा स्पष्ट इशाराही या निमित्ताने देण्यात आला आहे. या प्रसंगी युवा शहरध्यक्ष अजिंक्य केसरकर, शहर, नगरसेवक बाबू सुर्वे, सरचिटणीस निलेश आखाडे, शहर उपाध्यक्ष संतोष सावंत, शैलेश बेर्डे, राजेंद्र फाळके, चैतन्य केळकर, सचिन गांधी, प्रज्ञा टाकळे, युवा यश डांगे, ऐश्वर्या जठार ,मंदार भोळे, युवा विक्रांत वाडकर, युवा आर्यन नारकर, आशिष मोरे आदी. उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.