loader
Breaking News
Breaking News
Foto

डाकघराच्या सेवांची माहिती जनतेपर्यंत पोहोचविण्यासाठी जनजागृती रॅली; काळकाई मंदिरात सहा दिवस विशेष सेवा काउंटर

टाईम्स स्पेशल
2026-10-12 00:00:00
टाइम्स स्पेशल

खेड (प्रतिनिधी) : डाकघराच्या माध्यमातून नागरिकांना उपलब्ध करून दिल्या जाणाऱ्या विविध सेवा आणि सुविधांची माहिती सर्वसामान्यांपर्यंत पोहोचविण्यासाठी खेड पोस्ट विभागाच्या वतीने जनजागृती मोहीम राबविण्यात येत आहे. या मोहिमेचा एक भाग म्हणून भरणे नाका येथील पोस्ट ऑफिसमधून जनजागृती रॅली काढण्यात आली. या रॅलीची श्री देवी काळकाई माता मंदिर परिसरात सांगता झाली. या उपक्रमात खेड तालुक्यातील पोस्ट ऑफिसचे अधिकारी आणि कर्मचारी मोठ्या संख्येने सहभागी झाले होते. डाकघराच्या माध्यमातून केवळ पत्रव्यवहारच नव्हे, तर नागरिकांच्या दैनंदिन गरजांशी संबंधित विविध सेवा उपलब्ध आहेत. मात्र, या सेवांची पुरेशी माहिती अनेक नागरिकांना नसल्याने त्यांच्यापर्यंत ही माहिती पोहोचविणे आवश्यक आहे. याच उद्देशाने पोस्ट विभागाच्या वतीने थेट नागरिकांशी संवाद साधून जनजागृती करण्याचा उपक्रम हाती घेण्यात आला आहे.

https://ratnagiritimes.in//assets/images/2020/add/2020/sky22.jpg

भरणे नाका येथील पोस्ट ऑफिसमधून सुरू झालेल्या या रॅलीदरम्यान भरणे नाका तसेच श्री देवी काळकाई माता मंदिर परिसरातील नागरिकांची भेट घेण्यात आली. नागरिकांना डाकघराच्या विविध सेवांची माहिती देण्यात आली, तसेच माहितीपत्रकांचे वाटप करून या सेवांचा लाभ कसा घेता येईल, याबाबत मार्गदर्शन करण्यात आले. पोस्ट विभागाचे अधिकारी आणि कर्मचाऱ्यांनी नागरिकांशी प्रत्यक्ष संवाद साधत डाकघराच्या सेवांबाबत जागरूकता निर्माण करण्याचा प्रयत्न केला. या जनजागृती उपक्रमांतर्गत पुढील सहा दिवस श्री देवी काळकाई माता मंदिर परिसरात विशेष सेवा काउंटर सुरू राहणार आहे. या काउंटरवर दररोज सकाळी ११ ते सायंकाळी ६ वाजेपर्यंत आधारसह डाकघराच्या विविध सेवा नागरिकांसाठी उपलब्ध करून दिल्या जाणार आहेत. त्यामुळे परिसरातील नागरिकांना संबंधित सेवांची माहिती घेण्याची आणि उपलब्ध सुविधांचा लाभ मिळविण्याची संधी मिळणार आहे. याशिवाय, सायंकाळी ६ ते रात्री १० वाजेपर्यंत इंडिया पोस्ट पेमेंट्स बँक अर्थात आयपीपीबीच्या सेवांबाबत नागरिकांमध्ये जनजागृती केली जाणार आहे. पोस्ट विभागाच्या या उपक्रमामुळे नागरिकांना बँकिंग सेवांची माहिती मिळण्यास मदत होणार असून, डाकघराच्या माध्यमातून उपलब्ध असलेल्या सुविधांचा अधिकाधिक नागरिकांनी लाभ घ्यावा, यासाठी प्रयत्न केले जाणार आहेत.

टाईम्स स्पेशल

या जनजागृती रॅली आणि आगामी सहा दिवसांच्या विशेष सेवा उपक्रमाची माहिती संजीवकुमार सिंग, इन्स्पेक्टर ऑफ पोस्ट, खेड सब डिव्हिजन यांनी दिली. डाकघराच्या विविध सेवा नागरिकांपर्यंत थेट पोहोचविणे, त्यांच्यामध्ये या सेवांबाबत जागरूकता निर्माण करणे आणि उपलब्ध सुविधांचा प्रभावी वापर वाढविणे, हा या मोहिमेचा मुख्य उद्देश असल्याचे त्यांनी सांगितले. डाकघराच्या सेवा नागरिकांच्या दैनंदिन जीवनात अधिक उपयुक्त ठराव्यात आणि ग्रामीण तसेच शहरी भागातील नागरिकांना या सुविधांची माहिती सहज उपलब्ध व्हावी, या दृष्टीने अशा जनजागृती मोहिमांना महत्त्व प्राप्त झाले आहे. श्री देवी काळकाई माता मंदिर परिसरात पुढील सहा दिवस सुरू राहणाऱ्या विशेष सेवा काउंटरच्या माध्यमातून नागरिकांना डाकघराच्या विविध सेवांची माहिती मिळणार आहे. त्यामुळे परिसरातील नागरिकांनी या उपक्रमाला भेट देऊन उपलब्ध सेवांची माहिती घ्यावी आणि त्यांचा लाभ घ्यावा, असे आवाहन पोस्ट विभागाच्या वतीने करण्यात आले आहे.

https://ratnagiritimes.in//assets/images/2020/add/2020/sky23.jpg

रत्नागिरी टाइम्स

tags : टाइम्स स्पेशल
foto
Author: रत्नागिरी टाइम्स
टाईम्स स्पेशल
टाइम्स स्पेशल
2026-10-12 00:00:00

कोकणचे सर्वाधिक खपाचे दैनिक

Previous Next

3 Comments

leave a reply

Recent Posts

रत्नागिरी टाइम्स

https://ratnagiritimes.in//assets/images/2020/add/2020/ad_400x270.jpg

latest # news

रत्नागिरी टाइम्स

https://ratnagiritimes.in//assets/images/2020/add/2020/sky24.jpg
रत्नागिरी टाइम्स
https://ratnagiritimes.in//assets/images/2020/add/2020/sky21.jpg
© 2020, Copyrights रत्नागिरी टाइम्स. All Rights Reserved. Website Design by KP TECHNOSYS