मोठी बातमी: दहावी व बारावी परीक्षांच्या तारखा जाहीर; केव्हा होणार परीक्षा?

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

मोठी बातमी: दहावी व बारावी परीक्षांच्या तारखा जाहीर; केव्हा होणार परीक्षा?

टाइम्स स्पेशल

2026-11-08 00:00:00

टाइम्स स्पेशल

पुणे: महाराष्ट्रातील शालेय विद्यार्थी व पालकांचे लक्ष लागून राहिलेल्या परीक्षांच्या तारखा जाहीर झाल्या आहेत. महाराष्ट्र राज्य माध्यमिक व उच्च माध्यमिक शिक्षण मंडळाने फेब्रुवारी-मार्च 2027 मध्ये होणाऱ्या दहावी आणि बारावीच्या परीक्षांचे अंतिम वेळापत्रक जाहीर केले आहे. त्यामुळे राज्यातील लाखो विद्यार्थ्यांच्या परीक्षेच्या तयारीला आता निश्चित दिशा मिळणार आहे. बारावीची लेखी परीक्षा 6 फेब्रुवारीपासून सुरू होणार असून, दहावीची लेखी परीक्षा 15 फेब्रुवारीपासून सुरू होणार आहे. राज्य मंडळाने लेखी परीक्षांसोबतच प्रात्यक्षिक, तोंडी, श्रेणी आणि अंतर्गत मूल्यमापन परीक्षांचाही कालावधी जाहीर केला आहे.महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण अशा नऊ विभागीय मंडळांमार्फत या परीक्षा आयोजित करण्यात येणार आहेत. राज्य मंडळाचे सचिव डॉ. दीपक माळी यांनी प्रसिद्धिपत्रकाद्वारे याबाबतची माहिती दिली आहे.राज्य मंडळाने जाहीर केलेल्या वेळापत्रकानुसार, इयत्ता बारावीची लेखी परीक्षा 6 फेब्रुवारी ते 18 मार्च 2027 या कालावधीत पार पडणार आहे. तर बारावीच्या विद्यार्थ्यांच्या प्रात्यक्षिक, श्रेणी, तोंडी आणि अंतर्गत मूल्यमापनाच्या परीक्षा 20 जानेवारी ते 6 फेब्रुवारी 2027 या कालावधीत आयोजित करण्यात येणार आहेत.

https://ratnagiritimes.in//assets/images/2020/add/2020/sky22.jpg

त्यामुळे बारावीच्या विद्यार्थ्यांना जानेवारी महिन्यापासूनच प्रात्यक्षिक परीक्षांना सामोरे जावे लागणार आहे. लेखी परीक्षेपूर्वी प्रात्यक्षिक आणि अंतर्गत मूल्यमापनाच्या परीक्षा पूर्ण करण्याचे नियोजन मंडळाने केले आहे.इयत्ता दहावीच्या विद्यार्थ्यांची लेखी परीक्षा 15 फेब्रुवारी ते 15 मार्च 2027 या कालावधीत होणार आहे. तर दहावीच्या प्रात्यक्षिक, श्रेणी, तोंडी आणि अंतर्गत मूल्यमापनाच्या परीक्षा 28 जानेवारी ते 13 फेब्रुवारी 2027 या कालावधीत पार पडणार आहेत.दहावी आणि बारावीच्या परीक्षांचे नियोजन वेळेत करता यावे, तसेच विद्यार्थ्यांना अभ्यासाचे योग्य नियोजन करता यावे, या उद्देशाने मंडळाने परीक्षांचे वेळापत्रक जाहीर केले आहे.दरम्यान, कोणत्या दिवशी कोणत्या विषयाचा पेपर असणार, यासंदर्भातील विषयनिहाय सविस्तर वेळापत्रक 6 डिसेंबरपासून राज्य मंडळाच्या अधिकृत संकेतस्थळावर उपलब्ध करून देण्यात येणार असल्याची माहिती देण्यात आली आहे. विद्यार्थ्यांनी विषयानुसार परीक्षेच्या तारखा तपासून अभ्यासाचे नियोजन करावे.मंडळाने विद्यार्थ्यांना परीक्षेच्या वेळापत्रकाबाबत विशेष सूचना दिल्या आहेत. संकेतस्थळावर उपलब्ध असलेले वेळापत्रक माहितीच्या उद्देशाने असून, शाळा आणि कनिष्ठ महाविद्यालयांमार्फत विद्यार्थ्यांना देण्यात येणारे छापील वेळापत्रक अंतिम राहणार आहे. त्यामुळे समाजमाध्यमांवर किंवा अन्य अनधिकृत संकेतस्थळांवर प्रसारित होणाऱ्या वेळापत्रकावर विश्वास न ठेवता मंडळाच्या अधिकृत सूचनांनाच प्राधान्य द्यावे, असे आवाहन करण्यात आले आहे.