निःस्वार्थ समाजसेवेचा आदर्श! दहिवली बुद्रुकमध्ये घाग बंधूंची १६ वर्षांपासून जलसंवर्धनाची अखंड तपश्चर्या,प्रसिद्धीपेक्षा कर्तृत्वाला प्राधान्य

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

निःस्वार्थ समाजसेवेचा आदर्श! दहिवली बुद्रुकमध्ये घाग बंधूंची १६ वर्षांपासून जलसंवर्धनाची अखंड तपश्चर्या,प्रसिद्धीपेक्षा कर्तृत्वाला प्राधान्य

टाइम्स स्पेशल

2026-11-03 00:00:00

टाइम्स स्पेशल

सावर्डे (विनायक सावंत) : चिपळूण तालुक्यातील दहिवली बुद्रुक येथील श्री. विकास वसंतराव घाग आणि त्यांचे बंधू श्री. महेश वसंतराव घाग यांनी गेल्या सोळा वर्षांपासून जलसंवर्धन आणि पर्यावरण रक्षणाच्या क्षेत्रात सातत्यपूर्ण योगदान देत समाजासमोर निःस्वार्थ सेवेचा एक आदर्श निर्माण केला आहे. कोणत्याही प्रसिद्धीची अपेक्षा न ठेवता, केवळ सामाजिक बांधिलकी आणि गावाच्या हिताची भावना मनात ठेवून दरवर्षी स्वखर्चाने १२ ते १५ वनराई बंधारे उभारण्याचे त्यांचे कार्य परिसरात कौतुकाचा विषय ठरत आहे.

https://ratnagiritimes.in//assets/images/2020/add/2020/sky22.jpg

पावसाळ्यात वाहून जाणारे पाणी अडवून ते जमिनीत मुरावे, भूजलपातळीत वाढ व्हावी, विहिरी व कूपनलिकांना पाण्याचा आधार मिळावा तसेच उन्हाळ्यात पाणीटंचाईची तीव्रता कमी व्हावी, या उद्देशाने घाग बंधू दरवर्षी वनराई बंधाऱ्यांची उभारणी करतात. स्थानिक परिस्थितीचा विचार करून योग्य ठिकाणी बंधारे बांधण्यावर त्यांचा भर असतो. त्यांच्या या सातत्यपूर्ण प्रयत्नांमुळे जलसंधारणाच्या कामाला प्रत्यक्ष कृतीची जोड मिळत आहे. विशेष म्हणजे, हे कार्य केवळ दहिवली बुद्रुक गावापुरते मर्यादित न ठेवता परिसरातील इतर गावांमध्ये तसेच विविध ठिकाणी सुरू असलेल्या रस्त्यांच्या कामांच्या परिसरातही ते सामाजिक जाणिवेतून वनराई बंधारे उभारण्यासाठी पुढाकार घेतात. पावसाचे पाणी अडविणे आणि त्याचा भविष्यातील वापरासाठी साठा निर्माण करणे, ही काळाची गरज ओळखून त्यांनी जलसंवर्धनाचा वसा घेतला आहे.जलसंवर्धनाबरोबरच वन्यजीवांप्रती असलेली त्यांची संवेदनशीलता विशेष उल्लेखनीय आहे. उन्हाळ्याच्या दिवसांत जंगलातील नैसर्गिक जलस्रोत आटल्यामुळे वन्यप्राण्यांना पिण्याच्या पाण्यासाठी भटकंती करावी लागते. ही अडचण लक्षात घेऊन घाग बंधू दुर्गम जंगल परिसरात पाण्याचे डुरे खणून त्यामध्ये पाण्याची उपलब्धता निर्माण करण्यासाठी प्रयत्न करतात. माणसांबरोबरच जंगलातील पशुपक्षी आणि वन्यप्राण्यांची तहान भागावी, ही त्यामागील प्रामाणिक भावना आहे. निसर्गातील प्रत्येक जीवाला जगण्याचा अधिकार आहे, या विचारातून त्यांचे पर्यावरणपूरक कार्य सुरू आहे. समाजसेवेची व्याप्ती केवळ माणसांपुरती मर्यादित न ठेवता निसर्ग आणि मुक्या जीवांपर्यंत पोहोचविण्याचा त्यांचा प्रयत्न निश्चितच प्रेरणादायी आहे.जलसंधारणाचे महत्त्व केवळ स्वतःच्या कामातून दाखवून न थांबता जिल्ह्यातील इतर नागरिकांनाही वनराई बंधाऱ्यांची उभारणी, पाणी अडविण्याचे तंत्र आणि पाण्याचे योग्य नियोजन याबाबत ते मार्गदर्शन करतात. पावसाळ्यात उपलब्ध होणारे पाणी योग्य पद्धतीने अडविले, तर उन्हाळ्यातील पाणीटंचाईवर मात करण्यास मोठी मदत होऊ शकते, हा विचार ते समाजापर्यंत पोहोचवित आहेत. आज पाण्याची वाढती गरज, बदलते हवामान आणि अनियमित पर्जन्यमान लक्षात घेता अशा प्रकारच्या स्थानिक जलसंवर्धन उपक्रमांना विशेष महत्त्व प्राप्त झाले आहे. शासनाच्या विविध योजनांबरोबरच नागरिकांनीही स्वयंस्फूर्तीने पुढाकार घेतल्यास गावागावांत जलसमृद्धी निर्माण होऊ शकते, हे घाग बंधूंच्या कार्यातून अधोरेखित होत आहे.

टाइम्स स्पेशल

विकास घाग यांच्या जलसंवर्धन आणि सामाजिक कार्याची दखल प्रशासकीय स्तरावरही घेण्यात आली आहे. पंचायत समिती चिपळूण, जिल्हा रत्नागिरी यांच्या वतीने सन २०१५-१६ मधील कार्यासाठी त्यांना प्रशस्तीपत्र देऊन गौरविण्यात आले होते. दहिवली येथील दहा बंधारे बांधण्यासाठी त्यांनी केलेले विशेष सहकार्य तसेच उन्हाळ्यात वन्यप्राण्यांना पिण्याचे पाणी उपलब्ध व्हावे यासाठी दुर्गम जंगल परिसरात डुरे खणण्याचे सामाजिक कार्य या योगदानाचा प्रशस्तीपत्रात विशेष उल्लेख करण्यात आला आहे.आजच्या काळात समाजसेवेच्या कार्याला प्रसिद्धी मिळविण्याचे अनेक मार्ग उपलब्ध असताना घाग बंधू मात्र कोणताही गाजावाजा न करता आपले काम सातत्याने सुरू ठेवत आहेत. स्वतःच्या वेळेचा, श्रमाचा आणि आर्थिक साधनांचा उपयोग समाजहितासाठी करून त्यांनी जलसंवर्धनाचा एक आदर्श निर्माण केला आहे. गावातील पाणीप्रश्न, भविष्यातील पाण्याची गरज, पर्यावरणाचे संतुलन आणि वन्यजीवांचे संरक्षण या सर्व बाबींचा विचार करून केलेले त्यांचे कार्य निश्चितच नव्या पिढीसाठी प्रेरणादायी आहे. आज प्रत्येक गावाने जलसंवर्धनाची जबाबदारी स्वीकारण्याची गरज असताना विकास घाग आणि महेश घाग यांच्यासारख्या सेवाभावी व्यक्तींचे योगदान समाजासाठी दिशादर्शक ठरत आहे.दहिवली बुद्रुकच्या मातीतून सुरू झालेली ही जलसंवर्धनाची चळवळ भविष्यात अधिक व्यापक व्हावी आणि इतर गावांनीही या कार्याचा आदर्श घ्यावा, अशी अपेक्षा व्यक्त होत आहे.थेंब थेंब पाणी अडवून भविष्यातील जलसुरक्षेचा पाया मजबूत करणारे हात, उन्हाळ्यात मुक्या जीवांची तहान भागविणारे मन आणि समाजाला जलसंवर्धनाची प्रेरणा देणारे विचार, हेच खऱ्या अर्थाने समाजसेवेचे वैभव आहे.विकास वसंतराव घाग आणि महेश वसंतराव घाग या घाग बंधूंच्या निःस्वार्थ, सातत्यपूर्ण आणि पर्यावरणपूरक कार्याचे सर्व स्तरांतून कौतुक होत असून त्यांच्या पुढील सामाजिक वाटचालीस मनःपूर्वक शुभेच्छा व्यक्त केल्या जात आहेत.