२५० वर्षांच्या वटवृक्षाभोवती मानवी साखळी; जंगलतोडीविरोधात मुणगेत वृक्षप्रेमींचा एल्गार!

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

२५० वर्षांच्या वटवृक्षाभोवती मानवी साखळी; जंगलतोडीविरोधात मुणगेत वृक्षप्रेमींचा एल्गार!

टाईम्स स्पेशल

2026-11-03 00:00:00

टाइम्स स्पेशल

देवगड (प्रतिनिधी) - विकासाच्या नावाखाली सुरू असलेल्या जंगलतोडीविरोधात आणि निसर्गसंपदेच्या संवर्धनासाठी देवगड तालुक्यातील मुणगे-सावंतवाडी येथे वृक्षप्रेमींनी एकजुटीचा आवाज बुलंद केला. गावातील तब्बल २५० वर्षांहून अधिक जुन्या वटवृक्षाभोवती मानवी साखळी तयार करून गोपुरी आश्रमाच्या वतीने जंगलतोडीच्या धोरणाचा तीव्र निषेध करण्यात आला. रायगड जिल्ह्यातील कर्जत तालुक्यात टोरेंट वीज प्रकल्पासाठी सुरू असलेली जंगलतोड तसेच महाराष्ट्रातील विविध भागांत प्रस्तावित वीज प्रकल्पांमुळे उद्भवणाऱ्या पर्यावरणीय संकटाकडे शासनाचे लक्ष वेधण्यासाठी शनिवारी (३१ ऑक्टोबर) या अनोख्या आंदोलनाचे आयोजन करण्यात आले होते. विकासाच्या नावाखाली निसर्गाचा ऱ्हास होत असताना पर्यावरण वाचविण्याची जबाबदारी प्रत्येकाने स्वीकारली पाहिजे, हा संदेश या मानवी साखळीतून देण्यात आला. गावातील सुमारे अडीचशे वर्षांहून अधिक काळ साक्षीदार असलेल्या पुरातन वटवृक्षाभोवती जिल्हाभरातील वृक्षप्रेमी, पर्यावरणप्रेमी, महिला आणि ग्रामस्थांनी हातात हात घालून मानवी साखळी तयार केली.

https://ratnagiritimes.in//assets/images/2020/add/2020/sky22.jpg

या उपक्रमातून केवळ जंगलतोडीचा निषेध करण्यात आला नाही, तर निसर्गाचे अस्तित्व टिकविण्यासाठी सामूहिक जनजागृतीची गरजही अधोरेखित करण्यात आली. या वेळी गोपुरी आश्रमाचे अध्यक्ष प्रा. डॉ. राजेंद्र मुंबरकर, निवृत्त शिक्षणाधिकारी मोहन सावंत, आर्ट ऑफ लिव्हिंगचे उमेश वायंगणकर, नंदू पाटील, सिनेअभिनेते अभय खडपकर, अॅड. मनोज रावराणे, संतोष कांबळे, डॉ. विजयलक्ष्मी चिंडुक, काँग्रेसचे देवगड तालुकाध्यक्ष उमेश कलकर्णी, हिंदळे सरपंच मकरंद शिंदे, मुणगे येथील संयोजक अमित सावंत, अॅड. राखी मालवणकर, प्रमोद सावंत, विद्या सावंत, दिगंबर पेडणेकर, दशरथ मुणगेकर, राजश्री मुणगेकर, दक्षता मुणगेकर, अनिता बागवे, अश्विनी मेस्त्री, रघुनाथ मेस्त्री आदी मान्यवरांसह जिल्हाभरातील वृक्षप्रेमी आणि ग्रामस्थ मोठ्या संख्येने उपस्थित होते. विकासाच्या नावाखाली शासनाकडून विविध प्रकल्प राबविताना मोठ्या प्रमाणात जंगलतोड केली जाते. त्यानंतर वृक्षलागवडीचे संकल्प जाहीर केले जातात. मात्र, प्रत्यक्षात या संकल्पांची प्रभावी अंमलबजावणी होताना दिसत नाही. जंगलांचे अस्तित्व टिकले तरच जैवविविधता टिकू शकते. ही बाब विकास प्रकल्प राबविताना लक्षात घेतली जात नसल्याची खंत गोपुरी आश्रमाचे अध्यक्ष प्रा. डॉ. राजेंद्र मुंबरकर यांनी व्यक्त केली. कोकणासारख्या निसर्गसमृद्ध भागात विकासाच्या नावाखाली होणारी जंगलतोड भविष्यासाठी धोकादायक ठरू शकते, असा इशाराही यावेळी देण्यात आला.

टाईम्स स्पेशल

जंगलतोड, तापमानातील वाढ आणि बदलते हवामान यांचा मानवी आरोग्यासह संपूर्ण निसर्गचक्रावर विपरीत परिणाम होत आहे. त्यामुळे शासनाने जंगलतोडीच्या धोरणाचा गांभीर्याने पुनर्विचार करावा, अशी मागणी बाळू मेस्त्री यांनी केली. पर्यावरणाचा समतोल राखण्यासाठी जंगलांचे संरक्षण करणे ही काळाची गरज असून, विकास करताना निसर्गाचा विनाश होणार नाही याची दक्षता घेणे आवश्यक असल्याचे मत मान्यवरांनी व्यक्त केले. सुंदरलाल बहुगुणा यांच्या चिपको आंदोलनाप्रमाणेच जिल्ह्यातही जंगल वाचविण्यासाठी लोकचळवळ उभी राहिली पाहिजे. जंगलांचे संरक्षण ही केवळ काही पर्यावरणप्रेमींची जबाबदारी नसून प्रत्येक नागरिकाने त्यासाठी पुढाकार घेण्याची गरज आहे. सर्वांनी एकजुटीने जंगलांचे संवर्धन करून जैवविविधता टिकविण्यासाठी प्रयत्न करावेत, असे आवाहन यावेळी करण्यात आले. कार्यक्रमाच्या शेवटी उपस्थितांनी वृक्षसंवर्धन आणि पर्यावरण रक्षणाची सामूहिक प्रतिज्ञा घेतली. पुरातन वटवृक्षाला साक्षी ठेवून जंगल वाचविण्याचा आणि निसर्गाचा समतोल राखण्याचा निर्धार व्यक्त करण्यात आला. मुणगेतील या मानवी साखळीतून विकासापेक्षा निसर्गाचे अस्तित्व महत्त्वाचे असल्याचा ठाम संदेश देण्यात आला.