इंग्लंडच्या क्रिकेट मैदानावर रत्नागिरीच्या अविराज गावडेचा जलवा!

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

इंग्लंडच्या क्रिकेट मैदानावर रत्नागिरीच्या अविराज गावडेचा जलवा!

टाईम्स स्पेशल

2026-10-27 00:00:00

टाइम्स स्पेशल

रत्नागिरी - इंग्लंडमधील मिडलसेक्स काऊंटी क्रिकेट लीगमध्ये आपल्या अष्टपैलू खेळाने ठसा उमटवत रत्नागिरीचा सुपुत्र अविराज अनिल गावडे याने क्रिकेटविश्वाचे लक्ष वेधून घेतले आहे. गेल्या दोन हंगामांत अविराजने फलंदाजीमध्ये १,४१७ धावा, तर लेगस्पिन गोलंदाजीच्या जोरावर तब्बल ११७ विकेट्स मिळवण्याची उल्लेखनीय कामगिरी केली आहे. फलंदाजीतील आक्रमकता, गोलंदाजीतील अचूकता आणि क्षेत्ररक्षणातील चपळता या तिन्ही आघाड्यांवर त्याने आपली गुणवत्ता सिद्ध केली आहे. इंग्लंडमधील क्रिकेट वातावरणात सातत्यपूर्ण कामगिरी करणे हे कोणत्याही खेळाडूसाठी आव्हानात्मक असते. अशा परिस्थितीत अविराजने आपल्या खेळाच्या जोरावर दोन हंगामांत मिळवलेले यश विशेष कौतुकास्पद ठरले आहे. विशेष म्हणजे, जलदगती गोलंदाजीला अनुकूल मानल्या जाणार्‍या इंग्लंडमधील खेळपट्ट्यांवर लेगस्पिन गोलंदाजी करताना त्याने ११७ फलंदाजांना माघारी धाडले. अविराजने २०२५ मध्ये मिडलसेक्स काऊंटी क्रिकेट लीगमध्ये खेळताना आपल्या अष्टपैलू क्षमतेची चुणूक दाखवली. या हंगामात त्याने २० सामन्यांत १९ डाव खेळताना ९८ च्या स्ट्राईक रेटने ५३६ धावा केल्या. यामध्ये नाबाद ११० धावांच्या शानदार खेळीचा समावेश होता. फलंदाजीसोबतच गोलंदाजीतही त्याने प्रभावी कामगिरी केली. संपूर्ण हंगामात ४८ विकेट्स मिळवताना एका सामन्यात अवघ्या २७ धावा देऊन सात विकेट्स घेण्याचा पराक्रम त्याने केला. प्रतिस्पर्धी संघाच्या फलंदाजीला खिंडार पाडणारी ही कामगिरी त्याच्या गोलंदाजीतील कौशल्याची साक्ष देणारी ठरली.

https://ratnagiritimes.in//assets/images/2020/add/2020/sky22.jpg

२०२५ मधील यशानंतर अविराजने २०२६ च्या हंगामातही आपली चमक कायम ठेवली. या हंगामात २२ सामन्यांत त्याने १०८ च्या स्ट्राईक रेटने ८८१ धावा फटकावल्या. यामध्ये नाबाद ११६ धावांच्या मॅचविनिंग खेळीचाही समावेश आहे. गोलंदाजीतही त्याने प्रतिस्पर्धी फलंदाजांना सळो की पळो करून सोडले. २२ सामन्यांत तब्बल ६९ विकेट्स घेत त्याने संघाच्या यशात महत्त्वपूर्ण योगदान दिले. एका सामन्यात ३० धावा देऊन सहा विकेट्स मिळवणे ही त्याची या हंगामातील सर्वोत्तम गोलंदाजी ठरली. दोन हंगामांतील आकडेवारी पाहता, २०२५ मध्ये ५३६ आणि २०२६ मध्ये ८८१ अशा एकूण १,४१७ धावा त्याच्या नावावर जमा झाल्या आहेत. त्याचप्रमाणे दोन्ही हंगामांत मिळून त्याने ११७ विकेट्स घेतल्या आहेत. फलंदाजी आणि गोलंदाजी या दोन्ही विभागांत चमकदार कामगिरी करणार्‍या अविराजने क्षेत्ररक्षणातही आपले कौशल्य दाखवून दिले आहे. दोन्ही हंगामांत त्याने २७ झेल टिपले, तर सहा खेळाडूंना धावबाद करण्यात योगदान दिले. त्यामुळे त्याची अष्टपैलू कामगिरी केवळ धावा आणि विकेट्सपुरती मर्यादित न राहता क्षेत्ररक्षणातही प्रभावी ठरली आहे. इंग्लंडमधील क्रिकेट प्रवासात अविराजला काही अविस्मरणीय अनुभवही मिळाले. भारताचा विश्वविख्यात क्रिकेटपटू रोहित शर्मा याच्याशी संवाद साधण्याची संधी त्याला लाभली. क्रिकेटमध्ये पुढे जाण्यासाठी रोहित शर्माने मराठी भाषेतून केलेले मार्गदर्शन हा अविराजच्या आयुष्यातील महत्त्वाचा आणि प्रेरणादायी क्षण ठरला.

टाईम्स स्पेशल

याशिवाय आंतरराष्ट्रीय स्तरावर आपल्या देशाचे प्रतिनिधित्व केलेल्या अनेक नामवंत क्रिकेटपटूंसोबत सराव करण्याची आणि खेळण्याची संधीही अविराजला मिळाली. यामध्ये वेस्ट इंडिजचा शमार स्प्रिंगर, श्रीलंकेचा माजी आंतरराष्ट्रीय क्रिकेटपटू अँजेलो मॅथ्यूज, ऑस्ट्रेलिया ’अ’ संघाचा ख्रिश्चन जॅडलीन, तसेच पाकिस्तानचे माजी आंतरराष्ट्रीय खेळाडू झाहिद अली आणि मोहम्मद वाहिद यांचा समावेश आहे. या अनुभवी खेळाडूंसोबत खेळण्यामुळे अविराजला आंतरराष्ट्रीय क्रिकेटमधील अनुभव, खेळातील बारकावे आणि उच्च दर्जाच्या क्रिकेटची शैली जवळून जाणून घेण्याची संधी मिळाली. इंग्लंडमधील मिडलसेक्स काऊंटी क्रिकेट लीगमध्ये दोन हंगामांत सातत्यपूर्ण कामगिरी करत अविराज अनिल गावडे याने रत्नागिरीच्या क्रीडा क्षेत्राचा नावलौकिक वाढवला आहे. १,४१७ धावा, ११७ विकेट्स, २७ झेल आणि सहा धावबाद अशा कामगिरीसह त्याने आपली अष्टपैलू गुणवत्ता सिद्ध केली आहे. परदेशातील क्रिकेट स्पर्धेत स्वतःच्या कौशल्याच्या जोरावर छाप पाडणार्‍या अविराजच्या या यशामुळे रत्नागिरीतील क्रिकेटप्रेमींमध्ये आनंदाचे वातावरण आहे. आंतरराष्ट्रीय खेळाडूंच्या सहवासातून मिळालेला अनुभव आणि सातत्यपूर्ण कामगिरीची ही शिदोरी त्याच्या भविष्यातील क्रिकेट कारकिर्दीसाठी निश्चितच मोलाची ठरणार आहे.