आनंदीबाई रावराणे महाविद्यालयाचे प्राध्यापक डॉ. अजित दिघे यांची 'दिल्ली वॉरियर टीम लीडर

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

आनंदीबाई रावराणे महाविद्यालयाचे प्राध्यापक डॉ. अजित दिघे यांची 'दिल्ली वॉरियर टीम लीडर – 2026' म्हणून निवड

टाईम्स स्पेशल

2026-11-03 00:00:00

टाइम्स स्पेशल

वैभववाडी (प्रतिनिधी) - महाराष्ट्र शासनाच्या उच्च व तंत्रशिक्षण विभागाच्या मार्गदर्शनाखाली महाराष्ट्र माहिती तंत्रज्ञान सहाय्यता केंद्रामार्फत राबविण्यात येणाऱ्या 'करिअर कट्टा' या महत्त्वाकांक्षी उपक्रमांतर्गत आनंदीबाई रावराणे कला, वाणिज्य व विज्ञान महाविद्यालय, वैभववाडी येथील प्राणीशास्त्र विभागाचे प्राध्यापक डॉ. अजित दिघे यांची 'दिल्ली वॉरियर टीम लीडर - 2026' म्हणून निवड करण्यात आली आहे. त्यांच्या या निवडीमुळे सिंधुदुर्ग जिल्ह्याच्या शैक्षणिक क्षेत्रात आनंदाचे वातावरण निर्माण झाले आहे. नजरेत राष्ट्र व हृदयात महाराष्ट्र' हे ब्रीदवाक्य घेऊन कार्यरत असलेल्या या उपक्रमांतर्गत महाराष्ट्रातून दरवर्षी एका पुरुष प्राध्यापकाची आणि एका महिला प्राध्यापकाची निवड केली जाते. या निवड प्रक्रियेतून डॉ. दिघे यांना महाराष्ट्राचे प्रतिनिधित्व करण्याची बहुमानाची संधी मिळाली आहे. या दिल्ली दौऱ्यामध्ये विविध राष्ट्रीय स्तरावरील शैक्षणिक, प्रशासकीय, औद्योगिक आणि उद्योजकीय उपक्रमांचा प्रत्यक्ष अनुभव घेण्याची संधी मिळणार आहे. या दौऱ्यात स्टार्टअप उपक्रमांचे परीक्षण करून नवउद्योजकांच्या संकल्पना, व्यवसाय विकासाच्या संधी, नावीन्यपूर्ण संशोधन, तंत्रज्ञानाचा वापर आणि उद्योजकतेच्या विविध मॉडेल्सचा अभ्यास करण्यात येणार आहे. तसेच स्टार्टअप क्षेत्रातील तज्ज्ञ, उद्योजक आणि मार्गदर्शक यांच्याशी संवाद साधून विद्यार्थ्यांमध्ये उद्योजकतेची मानसिकता विकसित करण्यासाठी उपयुक्त माहिती मिळविण्यावर भर राहणार आहे.

https://ratnagiritimes.in//assets/images/2020/add/2020/sky22.jpg

याशिवाय दिल्ली विधान भवनाला भेट देऊन विधिमंडळाची कार्यपद्धती, लोकशाही व्यवस्था, कायदे निर्मितीची प्रक्रिया आणि लोकप्रतिनिधींच्या जबाबदाऱ्यांचा अभ्यास करण्याची संधी मिळणार आहे. सर्वोच्च न्यायालयाच्या भेटीद्वारे भारतीय न्यायव्यवस्था, संविधानिक मूल्ये, न्यायदान प्रक्रिया आणि न्यायपालिकेची भूमिका समजून घेता येणार आहे. राष्ट्रपती भवनाच्या भेटीतून देशाची सर्वोच्च घटनात्मक संस्था, राष्ट्रपतींचे अधिकार व कार्यपद्धती तसेच भारतीय लोकशाहीच्या गौरवशाली परंपरेची माहिती मिळणार आहे. 25 नोव्हेंबर ते 30 नोव्हेंबर 2026 या कालावधीमध्ये होणाऱ्या या दौऱ्याच्या माध्यमातून राष्ट्रीय नेतृत्व, प्रशासकीय कार्यक्षमता, निर्णयक्षमता, संघटन कौशल्य, संवादकौशल्य आणि सामाजिक बांधिलकी या गुणांचा विकास करण्यावर विशेष भर असेल. तसेच देशाच्या विविध क्षेत्रांत उल्लेखनीय कार्य करणाऱ्या व्यक्तींचे अनुभव जाणून घेणे, महाराष्ट्रातील शैक्षणिक व उद्योजकीय संधींची राष्ट्रीय स्तरावर ओळख निर्माण करणे आणि विद्यार्थ्यांसाठी नवीन उपक्रम राबविण्याच्या दृष्टीने मार्गदर्शन मिळविणे, हे या दौऱ्याचे महत्त्वपूर्ण उद्दिष्ट आहे.

टाईम्स स्पेशल

डॉ. दिघे यांनी महाविद्यालयात अध्यापनाबरोबरच संशोधन, विद्यार्थी विकास, करिअर मार्गदर्शन, उद्योजकता आणि सिंधुदुर्ग जिल्हा समन्वयक व राज्यस्तरीय करिअर संसद समिती सदस्य आणि महाराष्ट्र शासनाचा मधुरक्रांती या आणि अशा अनेक उपक्रमांमध्ये सक्रिय सहभाग घेतला आहे. त्यांच्या या निवडीमुळे वैभववाडी तालुक्यासह संपूर्ण सिंधुदुर्ग जिल्ह्याच्या शैक्षणिक क्षेत्राची मान उंचावली आहे. दिल्ली दौऱ्यात मिळणारा अनुभव ते भविष्यात महाविद्यालयातील विद्यार्थी आणि युवकांच्या सर्वांगीण विकासासाठी उपयोगात आणतील, असा विश्वास व्यक्त केला जात आहे. डॉ. अजित दिघे यांच्या या उल्लेखनीय निवडीबद्दल महाविद्यालयाचे प्राचार्य काशिनाथ चव्हाण सर्व प्राध्यापक, शिक्षकेतर कर्मचारी, विद्यार्थी तसेच महाराणा प्रतापसिंह शिक्षण संस्थेच्या पदाधिकाऱ्यांकडून त्यांचे अभिनंदन करण्यात येत आहे.