अनाम प्रेम परिवारातर्फे परिचारिकांचा सन्मान

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

अनाम प्रेम परिवारातर्फे परिचारिकांचा सन्मान

टाईम्स स्पेशल

2026-10-14 00:00:00

टाइम्स स्पेशल

रत्नागिरी : नवरात्रीचे औचित्य साधून अनाम प्रेम परिवाराच्या वतीने जिल्हा शासकीय रुग्णालय, रत्नागिरी येथील अधिसेविका आणि परिचारिकांचा सन्मान करण्यात आला. सौ. स्वरूपा सामंत यांच्या मार्गदर्शनाखाली मंगळवार, दि. १३ ऑक्टोबर २०२६ रोजी हा कार्यक्रम पार पडला. आरोग्य क्षेत्रात रुग्णसेवेचे महत्त्वपूर्ण कार्य करणार्‍या परिचारिकांचा गौरव करण्याबरोबरच, कर्करोगाशी जिद्दीने लढा देणार्‍या श्रीमती सुनीता केशव पवार यांचा विशेष सन्मान करून त्यांच्या संघर्षाला आणि जगण्याच्या जिद्दीला सलाम करण्यात आला. आयुष्याच्या प्रवासात कधी कधी नियती अशी परीक्षा घेते की, प्रत्येक दिवस संघर्षाचा आणि प्रत्येक श्वास जगण्याच्या इच्छेचा बनून जातो. सुनीता केशव पवार यांचा प्रवासही असाच संघर्षमय आहे. वयाच्या ५८व्या वर्षी त्यांना जिभेच्या आणि थायरॉईडच्या कर्करोगाचा सामना करावा लागत आहे. सन २०२४ पासून सुरू असलेल्या या लढ्यात आर्थिक, शारीरिक आणि मानसिक अशा अनेक अडचणींना त्यांना सामोरे जावे लागत आहे. टाटा हॉस्पिटल, खारघर येथे उपचार घेत असतानाही त्यांनी जगण्याची उमेद आणि मनातील आशेचा दिवा विझू दिलेला नाही. या कठीण काळात श्री. दिनकर कांबळे यांनी माणुसकीच्या भावनेतून सुनीता पवार यांना मोलाची मदत केली. रत्नागिरीहून मुंबईला उपचारांसाठी जाण्यापासून ते उपचारांची व्यवस्था करण्यापर्यंत त्यांनी सहकार्याचा हात पुढे केला. त्यानंतर सन २०२५ मध्ये सुनीता पवार जिल्हा शासकीय रुग्णालयात तपासणीसाठी आल्या असताना, त्यांना उद्योगमंत्री तथा पालकमंत्री उदय सामंत यांच्या संपर्क कार्यालयात मदतीसाठी जाण्याचा सल्ला देण्यात आला.

https://ratnagiritimes.in//assets/images/2020/add/2020/sky22.jpg

आजाराशी लढताना औषधोपचार जितके महत्त्वाचे असतात, तितकीच मानसिक उभारी आणि माणुसकीची साथही महत्त्वाची असते. सुनीता पवार यांच्या संघर्षात त्यांना मिळालेला आधार हा केवळ मदतीचा हात नसून, त्यांच्या जगण्याच्या आशेला नवी ऊर्जा देणारा ठरला आहे. त्यांच्या या जिद्दीचा गौरव करत अनाम प्रेम परिवाराने त्यांचा विशेष सन्मान केला. रुग्णालयात रुग्णांची काळजी घेण्यापासून ते त्यांच्या उपचार प्रक्रियेत महत्त्वाची भूमिका बजावण्यापर्यंत परिचारिकांचे योगदान अत्यंत मोलाचे असते. रुग्णांना शारीरिक उपचारांसोबतच मानसिक आधार देण्याचे कामही त्या सातत्याने करत असतात. आरोग्य व्यवस्थेचा महत्त्वाचा आधार असलेल्या या परिचारिकांच्या कार्याची दखल घेत अधिसेविका श्रीम. शिल्पा घाटगे, प्राचार्या नर्सिंग स्कुल श्रीम. श्रृती आंबेकर, झकछ श्रीम. माया सावंत, श्रृती जाधव, निलम मयेकर, परिपाठ्यनिर्देशिका मिनाक्षी दळवी, मेदीनी तांबे, परिसेविका संध्या सप्रे, वेशाली पवार, तन्वी रामपुरकर, अधिपरिचारीका निधी पेडणेकर, प्राजक्ता जाक्कर, वर्षा डिचोलकर, सुचिता पांचाळ या महिलांचा सन्मान करण्यात आला.

टाईम्स स्पेशल

‘आपण ज्या समाजात वावरतो, त्या समाजाचे काहीतरी देणे लागतो,’ या भावनेतून अनाम प्रेम परिवार विविध समाजोपयोगी उपक्रम राबवत असतो. सामाजिक बांधिलकी जपत गरजू व्यक्तींना आधार देणे, समाजासाठी योगदान देणार्‍या व्यक्तींचा गौरव करणे आणि माणुसकीची भावना जिवंत ठेवणे, हा या उपक्रमांचा मुख्य उद्देश आहेण या कार्यक्रमाला सौ. स्वरूपा सामंत, डॉ. जिज्ञासा भाट्ये, डॉ. अंकुश शिरसाट, डॉ. ज्ञानेश व्हीटेकर, ज्योती गराटे, सुचेता पाटील, समीक्षा कामत, भाग्यश्री सिनकर, जिल्हा परिषद सदस्य हर्षदा गावडे, श्रद्धा मोरे, पंचायत समिती सदस्य विद्या बोंबले, डॉ. पद्मजा कांबळे, नगरसेवक सोहेल मुकादम, मेट्रन सौ. शिल्पा घाटगे, शहर विभागप्रमुख मनोज साळवी, आरोग्य सल्लागार सनियंत्रण समितीच्या सदस्य अभिजीत दुड्ये, संपदा तळेकर, सागर भिंगारे, युवासेनेचे अथांग कदम आणि युवराज शेट्ये आदी उपस्थित होते. कार्यक्रमाचे सूत्रसंचालन प्रथमेश साळवी यांनी केले. माणुसकीची खरी श्रीमंती संपत्तीत नसते, तर संकटाच्या काळात दुसर्‍याच्या डोळ्यांतील अश्रू पुसण्यासाठी पुढे सरसावणार्‍या हातांत असते. नवरात्रीच्या नारीशक्तीच्या उत्सवात परिचारिकांच्या सेवाभावी कार्याचा सन्मान करतानाच सुनीता पवार यांच्या संघर्षमय प्रवासाला मिळालेल्या माणुसकीच्या आधाराचा गौरव करण्यात आला. त्यांच्या जगण्याच्या जिद्दीला अनाम प्रेम परिवाराचा सलाम!