सेवा संकल्प अभियाना अंतर्गत शिरगांव हद्दीमधील बाणेवाडी आणि सुतारवाडी येथे दोन वनराई बंधारे

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

सेवा संकल्प अभियाना अंतर्गत शिरगांव हद्दीमधील बाणेवाडी आणि सुतारवाडी येथे दोन वनराई बंधारे

टाईम्स स्पेशल

2026-10-17 00:00:00

टाइम्स स्पेशल

रत्नागिरी (जमीर खलफे) -यंदाच्या पावसाच्या बदलत्या परिस्थितीमुळे भविष्यात निर्माण होऊ शकणाऱ्या संभाव्य पाणीटंचाईचा विचार करता उपलब्ध जलस्रोतांचे संवर्धन, भूजल पुनर्भरण आणि पाण्याचा काटकसरीने वापर करण्याची गरज निर्माण झाली आहे. याच पार्श्वभूमीवर पाणी अडवा–पाणी जिरवा’ तसेच एक दिवस बंधाऱ्यासाठी या संकल्पनेला प्रत्यक्ष कृतीची जोड देत आणि सेवा संकल्प अभियान अंतर्गत मत्स्य महाविद्यालय शिरगांव आणि ग्रामपंचायत शिरगांव यांच्या संयुक्त विद्यमाने लोकसहभागातून सुतारवाडी आणि बाणेवडी येथे वनराई बंधारे उभारण्याचा उपक्रम राबविण्यात आला. महाविद्यालयाचे सहयोगी अधिष्ठाता डॉ. अनिल पावसे यांच्या मार्गदर्शनाखाली ‘सेवासंकल्प अभियानाअंतर्गत दि. 16 ऑक्टोबर रोजी शिरगांव मधील बाणेवाडी आणि सुतारवाडी येथे दोन वनराई बंधारे बांधण्यात आले. या उपक्रमात महाविद्यालयाच्या राष्ट्रीय सेवा योजनेचे (NSS) 100 स्वयंसेवक आणि मत्स्य महाविद्यालयातील प्राध्यापकवर्ग आणि कर्मचारी यांनी उत्स्फूर्त सहभाग घेत सुमारे दोन तास श्रमदान केले. ग्रामपंचायत पदाधिकारी, विविध विभागांचे कर्मचारी आणि ग्रामस्थांनीही या उपक्रमात सक्रिय सहभाग नोंदविला.

https://ratnagiritimes.in//assets/images/2020/add/2020/sky22.jpg

या बंधाऱ्यांच्या माध्यमातून पावसाळ्यानंतर नैसर्गिक प्रवाहातून वाहून जाणारे पाणी शक्य तितक्या काळ स्थानिक पातळीवर अडविणे, ते जमिनीत मुरण्यास मदत करणे, भूजल पुनर्भरणास चालना देणे तसेच परिसरातील उपलब्ध जलस्रोतांचे संवर्धन करणे हा प्रमुख उद्देश आहे. संभाव्य पाणीटंचाईच्या पार्श्वभूमीवर लोकसहभाग, श्रमदान आणि स्थानिक पातळीवरील जलसंधारण यांचा प्रभावी समन्वय साधण्याचा प्रयत्न या उपक्रमातून करण्यात आला. या उपक्रमाच्या नियोजन व अंमलबजावणीमध्ये मत्स्य महाविद्यालयातर्फे राष्ट्रीय सेवा योजनेचे कार्यक्रम अधिकारी डॉ. संदेश पाटील यांनी विद्यार्थ्यांसह सक्रिय सहभाग घेतला. यावेळी शिरगांव ग्रामपंचायतीच्या सरपंच श्रीमती फरीदा काझी, ग्रामपंचायत अधिकारी उल्हास कोळी, शिरगांव गण पंचायत समिती आणि जिल्हापरिषद सदस्य, ग्रामपंचायत सदस्य, ग्रामपंचायत अधिकारी आणि कर्मचारी यांच्यासह ग्रामस्थ उपस्थित होते.

टाईम्स स्पेशल

या उपक्रमामुळे विद्यार्थ्यांना जलसंधारणाचे महत्त्व केवळ पुस्तकी ज्ञानापुरते मर्यादित न राहता प्रत्यक्ष श्रमदानातून अनुभवता आले. त्याचबरोबर सामाजिक बांधिलकी, सामूहिक श्रमाचे महत्त्व आणि नैसर्गिक संसाधनांच्या संवर्धनाबाबत विद्यार्थ्यांमध्ये जाणीव निर्माण करण्याच्या दृष्टीनेही हा उपक्रम महत्त्वपूर्ण ठरला. बदलते पर्जन्यमान आणि भविष्यातील संभाव्य पाणीटंचाई लक्षात घेता गावपातळीवर उपलब्ध जलस्रोतांचे जतन, पावसाच्या पाण्याचे संवर्धन आणि लोकसहभागातून लहान जलसंधारण कामांची साखळी निर्माण करणे आवश्यक आहे. ‘आज अडविलेले पाणी ही उद्याच्या जलसुरक्षिततेची गुंतवणूक’ हा संदेश देत मत्स्य महाविद्यालय, शिरगांव आणि ग्रामपंचायत शिरगांव यांनी संयुक्तपणे राबविलेला हा उपक्रम शैक्षणिक संस्था आणि ग्रामसंस्था यांच्या समन्वयातून लोकसहभागावर आधारित जलसंधारणाचे अनुकरणीय उदाहरण ठरला.