‘पर्यटन वाढवूया, देवगड घडवूया!’ युवकांचा एल्गार; पर्यटनविरोधी भूमिकेला विरोध, स्थानिक रोजगारनिर्मितीसाठी एकत्र येण्याचे आवाहन

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

‘पर्यटन वाढवूया, देवगड घडवूया!’ युवकांचा एल्गार; पर्यटनविरोधी भूमिकेला विरोध, स्थानिक रोजगारनिर्मितीसाठी एकत्र येण्याचे आवाहन

टाईम्स स्पेशल

2026-10-30 00:00:00

टाइम्स स्पेशल

देवगड (प्रतिनिधी) - निसर्गसौंदर्य, विस्तीर्ण समुद्रकिनारे, सुंदर खाड्या, ऐतिहासिक वास्तू आणि धार्मिक स्थळांचे वैभव लाभलेल्या देवगड तालुक्यात पर्यटन विकासाला मोठी संधी आहे. मात्र, मालवण आणि वेंगुर्ल्याच्या तुलनेत देवगड पर्यटनाच्या बाबतीत मागे राहिल्याची खंत व्यक्त करत, ‘पर्यटन वाढवूया, देवगड घडवूया!’ या संकल्पनेतून एकत्र आलेल्या युवकांनी पर्यटनाच्या माध्यमातून देवगडचा विकास साधण्याचा निर्धार व्यक्त केला. पर्यटन प्रकल्पांना केवळ विरोधासाठी विरोध न करता, स्थानिकांचे हित जपत रोजगार आणि व्यवसायाच्या संधी निर्माण करण्यासाठी सकारात्मक भूमिका घेण्याची गरज युवकांनी अधोरेखित केली. देवगड येथील शासकीय विश्रामगृहात गुरुवारी आयोजित चर्चासत्राला तालुक्यातील युवकांनी उत्स्फूर्त प्रतिसाद दिला. देवगडच्या पर्यटन विकासासाठी काय करता येईल, स्थानिक युवकांना रोजगाराच्या संधी कशा उपलब्ध होतील आणि पर्यटनाच्या माध्यमातून तालुक्यात पर्यटकांचा ओघ कसा वाढवता येईल, यावर उपस्थितांनी आपली मते मांडली. देवगडला पर्यटनाच्या नकाशावर ठळक स्थान मिळवून देण्यासाठी सर्वांनी एकत्र येण्याचा सूर या चर्चासत्रात उमटला. देवगड तालुक्यात पर्यटनासाठी पोषक वातावरण आणि अनेक आकर्षक ठिकाणे उपलब्ध आहेत. तरीही या साधनसंपत्तीचा पुरेपूर उपयोग करून घेण्यात आपण मागे पडत आहोत. पर्यटनाचा विकास झाल्यास स्थानिक युवकांना गावातच रोजगार मिळू शकतो.

https://ratnagiritimes.in//assets/images/2020/add/2020/sky22.jpg

हॉटेल व्यवसाय, होम स्टे, स्थानिक खाद्यपदार्थ, जलक्रीडा, बोटिंग, मार्गदर्शक सेवा, वाहतूक तसेच स्थानिक उत्पादनांच्या विक्रीतून अनेकांना उत्पन्नाचे साधन उपलब्ध होऊ शकते. त्यामुळे पर्यटनाकडे केवळ मनोरंजनाचे साधन म्हणून न पाहता, स्थानिक अर्थव्यवस्थेला चालना देणारे प्रभावी माध्यम म्हणून पाहण्याची गरज युवकांनी व्यक्त केली. पर्यटनाच्या माध्यमातून अनेक स्थानिकांना रोजगाराच्या संधी उपलब्ध होऊ शकतात. त्यामुळे एखाद्या पर्यटन प्रकल्पाला केवळ विरोध करण्याऐवजी, त्या प्रकल्पामुळे स्थानिकांना काय लाभ होईल, संभाव्य अडचणी कशा दूर करता येतील आणि पर्यावरणासह पारंपरिक व्यवसायांचे संरक्षण कसे करता येईल, यावर चर्चा होणे आवश्यक आहे, अशी भूमिका चर्चासत्रात मांडण्यात आली. विकासाच्या प्रत्येक उपक्रमाकडे नकारात्मक दृष्टिकोनातून पाहण्याऐवजी, योग्य नियोजन आणि आवश्यक नियमांच्या चौकटीत पर्यटन प्रकल्प पुढे नेण्याचा प्रयत्न झाला पाहिजे, असे मत युवकांनी व्यक्त केले. देवगडचा किनारपट्टीचा भाग हा पारंपरिक मच्छीमारांच्या उपजीविकेचा महत्त्वाचा आधार आहे. त्यामुळे पर्यटन विकास करताना मच्छीमारांच्या व्यवसायावर परिणाम होणार नाही, याची दक्षता घेणे गरजेचे आहे. पर्यटन व्यावसायिक, मच्छीमार, ग्रामस्थ आणि प्रशासन यांच्यात समन्वय साधून संभाव्य वादांवर चर्चेतून मार्ग काढता येऊ शकतो. स्थानिकांच्या हिताचे संरक्षण आणि पर्यटनातून रोजगारनिर्मिती या दोन्ही गोष्टी साध्य करण्यासाठी परस्पर सहकार्याची भूमिका आवश्यक असल्याचे मत यावेळी मांडण्यात आले.

टाईम्स स्पेशल

शहरांमध्ये नोकरीसाठी स्थलांतर करण्याऐवजी आपल्या गावातच व्यवसाय उभारण्याची इच्छा असलेल्या युवकांना पर्यटन क्षेत्रात मोठी संधी आहे. त्यासाठी आवश्यक प्रशिक्षण, पायाभूत सुविधा, मार्गदर्शन आणि आर्थिक पाठबळ उपलब्ध करून देण्याची गरज आहे. ग्रामस्थ आणि पर्यटन व्यावसायिकांनी एकत्र येऊन स्थानिक पर्यटनपूरक उपक्रम राबविल्यास देवगडमध्ये पर्यटकांचा ओघ वाढू शकतो. त्यातून स्थानिक बाजारपेठेला चालना मिळून अनेक कुटुंबांच्या उत्पन्नात वाढ होण्याची शक्यता आहे. यावेळी निनाद देशपांडे, मुकेश बगदादी, रसिका सारंग, चिन्मयी बिडये, सिद्धेश माणगावकर, ऋतिक धुरी, श्रीकांत जोईल, दयानंद पाटील, प्रा.गुरुदेव परुळेकर यांनी आपली मते मांडताना मानसिकता बदलताना व राजकीय मतभेद आणि संकुचित दृष्टिकोन बाजूला ठेवून देवगडच्या विकासासाठी सर्वांनी एकत्र यावे, असे आवाहनही युवकांनी केले. पर्यटनाच्या माध्यमातून देवगडचा सर्वांगीण विकास साधण्याचा आणि स्थानिक युवकांसाठी रोजगाराची नवी दारे खुली करण्याचा निर्धार व्यक्त करत, ‘पर्यटन वाढवूया, देवगड घडवूया!’ हा संदेश देत युवकांनी पर्यटन विकासासाठी एकजुटीने पुढाकार घेण्याचा एल्गार केला.