कोकण रेल्वे प्रकल्पग्रस्तांचे २६ नोव्हेंबरला रेल रोको आंदोलन, कोकणभूमी प्रकल्पग्रस्त कृती समितीचा संयुक्त बैठकीत निर्णय

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

कोकण रेल्वे प्रकल्पग्रस्तांचे २६ नोव्हेंबरला रेल रोको आंदोलन, कोकणभूमी प्रकल्पग्रस्त कृती समितीचा संयुक्त बैठकीत निर्णय

टाईम्स स्पेशल

2026-11-05 00:00:00

टाइम्स स्पेशल

रत्नागिरी : कोकण रेल्वे प्रकल्पासाठी आपल्या जमिनी, घरे व मालमत्तांचा त्याग करणाऱ्या प्रकल्पग्रस्तांच्या प्रलंबित प्रश्नांकडे कोकण रेल्वे प्रशासनाकडून सातत्याने दुर्लक्ष होत असल्याने आता निर्णायक आंदोलन करण्याचा पवित्रा कोकणभूमी प्रकल्पग्रस्त कृती समितीने घेतला आहे. समितीच्या संयुक्त बैठकीत याबाबत सविस्तर चर्चा करून दिनांक २६ नोव्हेंबर २०२६ रोजी संविधान दिनी कोकण रेल्वे प्रशासनाविरोधात लोकशाही मार्गाने उपोषण व रेल रोको आंदोलन करण्याचा ठाम निर्णय घेण्यात आला. या निर्णयानुसार कोकण रेल्वेचे व्यवस्थापकीय संचालक (CMD) यांच्यासह देशाचे राष्ट्रपती, पंतप्रधान, केंद्रीय रेल्वेमंत्री, महाराष्ट्राचे मुख्यमंत्री तसेच कोकण विभागातील सर्व संबंधित खासदार व आमदार यांना अंतिम पूर्वसूचना निवेदन लवकरच पाठविण्यात येणार आहे.

https://ratnagiritimes.in//assets/images/2020/add/2020/sky22.jpg

कोकण रेल्वेच्या Group 'D' / Level-1 भरती प्रक्रियेमध्ये प्रकल्पग्रस्तांसाठी लागू करण्यात आलेल्या जाचक अटींविरोधात समितीने यापूर्वीच प्रशासनाकडे सविस्तर निवेदन सादर केले आहे. यामध्ये भरती प्रक्रियेतील Negative Marking रद्द करणे, ३५ किलो वजन वाहून नेण्याची शारीरिक चाचणी रद्द करणे, एक किलोमीटर धावण्याच्या चाचणीमध्ये वयोमानानुसार सवलत देणे, तसेच कंत्राटी कामगार व्यवस्थेमध्ये प्रकल्पग्रस्तांना प्रशिक्षण व रोजगाराची संधी उपलब्ध करून देणे, अशा प्रमुख मागण्यांचा समावेश आहे. वयोमर्यादेत ४५ वर्षांपर्यंत सवलत देण्यात आल्याबद्दल समितीने रेल्वे प्रशासनाचे आभार मानले असले, तरी इतर जाचक अटी कायम असल्याने या सवलतीचा प्रत्यक्ष लाभ प्रकल्पग्रस्तांना मिळणे कठीण होत असल्याची भूमिका समितीने मांडली आहे. याशिवाय, कोकण रेल्वे प्रशासनाकडे प्रलंबित असलेल्या प्रकल्पग्रस्तांच्या दहा महत्त्वपूर्ण प्रकरणांची स्वतंत्रपणे व सखोल पुनर्तपासणी करण्याची मागणीही समितीने केली आहे. या प्रकरणांमध्ये जमिनीच्या संयुक्त व स्वतंत्र मालकीचा प्रश्न, एक कुटुंब एक नोकरीसाठी आवश्यक असलेले ना-हरकत प्रमाणपत्र (NOC), मुलगी, नातू व नात यांच्याबाबत निर्माण झालेला पात्रतेचा प्रश्न, वारसांच्या संमतीपत्रासाठी होणारा विलंब तसेच प्रकल्पग्रस्तांच्या पात्रतेशी संबंधित इतर गंभीर बाबींचा समावेश आहे. या सर्व प्रकरणांची पुनर्तपासणी करून न्याय्य निर्णय घेण्याचे आश्वासन यापूर्वी देण्यात आले होते. मात्र, वारंवार पाठपुरावा करूनही अद्याप कोणतीही ठोस कार्यवाही किंवा स्पष्ट लेखी उत्तर मिळालेले नसल्याचा आरोप समितीने केला आहे.

टाईम्स स्पेशल

समितीच्या म्हणण्यानुसार, प्रकल्पग्रस्तांच्या या सर्व प्रश्नांबाबत यापूर्वी RRM, CPO तसेच ऑपरेशन विभागातील संबंधित वरिष्ठ अधिकारी व प्रशासकीय अधिकाऱ्यांची प्रत्यक्ष भेट घेऊन सविस्तर चर्चा करण्यात आली होती. प्रत्येक मागणीमागील कारणे, प्रकल्पग्रस्तांवर होणारा अन्याय आणि त्यासंदर्भातील पुरावे व कागदपत्रे अधिकाऱ्यांसमोर मांडण्यात आली होती. मात्र, या चर्चांमधून कोणत्याही मागणीबाबत ठोस सकारात्मक निर्णय घेण्यात आला नाही. उलट, अधिकाऱ्यांच्या भूमिकेतून समितीच्या मागण्या अप्रत्यक्षपणे धुडकावून लावल्या जात असल्याचा अनुभव समितीला आला आहे. एवढेच नव्हे, तर प्रकल्पग्रस्तांच्या मागण्यांची वस्तुस्थिती आणि त्यांची गंभीरता थेट CMD यांच्यापर्यंत पोहोचविण्याऐवजी वरिष्ठ पातळीवरच हा विषय मर्यादित ठेवण्यात आल्याचा आरोपही समितीने केला आहे. त्यामुळे संबंधित अधिकाऱ्यांकडून केवळ चर्चा व आश्वासने मिळत असून प्रत्यक्ष कार्यवाही होत नसल्याची नाराजी बैठकीत व्यक्त करण्यात आली. परिणामी, आता संबंधित अधिकाऱ्यांऐवजी थेट CMD यांनीच या प्रश्नांमध्ये हस्तक्षेप करून समितीच्या प्रतिनिधींशी बैठक घ्यावी, अशी ठाम भूमिका कोकणभूमी प्रकल्पग्रस्त कृती समितीने घेतली आहे.