मालवण नगरपरिषदेतर्फे शहरात व्यापक स्वच्छता मोहीम

2026-10-01 00:00:00

टाइम्स स्पेशल

मालवण (प्रतिनिधी) - नगरपरिषदेच्या वतीने 'महास्वच्छता अभियान २०२६', 'स्वच्छता ही सेवा २०२६' व 'सेवा संकल्प अभियान २०२६' अंतर्गत शहरातील विविध भागांमध्ये व्यापक स्वच्छता मोहीम राबविण्यात आली. या अभियानांतर्गत शहरातील मुख्य रस्त्यांच्या कडेला, सार्वजनिक ठिकाणी, झाडी-झुडपांमध्ये तसेच संवेदनशील कांदळवन परिसरात साचलेला कचरा आणि प्लास्टिक कचरा हटविण्यात आला. नगरपरिषदेचे स्वच्छता कर्मचारी, स्वयंसेवक आणि स्थानिक नागरिकांनी एकत्र येत कचऱ्याचे संकलन करून संपूर्ण परिसर स्वच्छ केला.

https://ratnagiritimes.in//assets/images/2020/add/2020/sky22.jpg

कांदळवन हे सागरी आणि किनारी पर्यावरणाचा अत्यंत महत्त्वाचा भाग असून त्याचे संवर्धन व स्वच्छता राखणे ही आपली सर्वांची सामूहिक जबाबदारी आहे, या भावनेतून कांदळवन परिसरात साचलेला प्लास्टिक व इतर कचरा हटवण्यावर या मोहिमेदरम्यान विशेष भर देण्यात आला. या स्वच्छता मोहिमेत नागरिक, स्वयंसेवक आणि स्वच्छता कर्मचाऱ्यांनी मोठ्या संख्येने आणि उत्स्फूर्तपणे सहभाग नोंदविला. या माध्यमातून 'स्वच्छता ही सेवा', 'स्वच्छ शहर - सुंदर शहर' आणि 'कांदळवन व पर्यावरणाचे संवर्धन' हा मोलाचा संदेश सर्वसामान्यांपर्यंत पोहोचवण्यात आला.

टाईम्स स्पेशल

नागरिकांनी कचरा उघड्यावर, समुद्रकिनारी, सार्वजनिक ठिकाणी किंवा कांदळवन परिसरात न टाकता नगरपरिषदेच्या अधिकृत कचरा संकलन व्यवस्थेचाच वापर करावा, तसेच मालवण शहर स्वच्छ व सुंदर ठेवण्यासाठी नेहमी सहकार्य करावे, असे आवाहन मालवण नगरपरिषदेतर्फे करण्यात आले आहे.