पूर्वसूचना न देता वीजपुरवठा खंडित; देवगडमध्ये ४ नोव्हेंबरला निषेध आंदोलन, महाराष्ट्र लोकाधिकार समितीचा महावितरणला इशारा

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

पूर्वसूचना न देता वीजपुरवठा खंडित; देवगडमध्ये ४ नोव्हेंबरला निषेध आंदोलन, महाराष्ट्र लोकाधिकार समितीचा महावितरणला इशारा

टाईम्स स्पेशल

2026-10-29 00:00:00

टाइम्स स्पेशल

देवगड (प्रतिनिधी) - देखभाल दुरुस्तीच्या कामासाठी तसेच अन्य तांत्रिक कारणांसाठी कोणतीही पूर्वसूचना न देता वारंवार वीजपुरवठा खंडित केला जात असल्याने देवगड-जामसंडे शहरातील नागरिक, छोटे व्यावसायिक, हॉटेल व्यावसायिक आणि पर्यटन व्यावसायिकांना आर्थिक नुकसानीला सामोरे जावे लागत आहे. या प्रकाराच्या निषेधार्थ महाराष्ट्र लोकाधिकार समितीच्या वतीने बुधवार, ४ नोव्हेंबर रोजी सकाळी १०.३० वाजता महावितरणच्या देवगड येथील कार्यालयासमोर निषेध व धरणे आंदोलन करण्यात येणार आहे. महाराष्ट्र लोकाधिकार समितीचे जिल्हाध्यक्ष तथा प्रदेशाध्यक्ष ॲड. प्रसाद करंदीकर यांनी महावितरणच्या उपकार्यकारी अभियंत्यांना दिलेल्या निवेदनातून ही भूमिका मांडली आहे.

https://ratnagiritimes.in//assets/images/2020/add/2020/sky22.jpg

वीज ही आजच्या काळातील केवळ मूलभूत सुविधा नसून सर्वसामान्य नागरिकांच्या दैनंदिन जीवनाचा आणि व्यवसायाचा अविभाज्य भाग बनली आहे. विशेषतः पर्यटनावर अवलंबून असलेल्या व्यावसायिकांचा रोजगार आणि आर्थिक व्यवहार वीजपुरवठ्यावर अवलंबून असतात. मात्र, देखभाल दुरुस्तीच्या कामासाठी किंवा अन्य तांत्रिक कारणांसाठी अचानक वीजपुरवठा बंद केला जातो. काही वेळा याबाबतची पूर्वसूचनाही दिली जात नसल्याने नागरिकांची गैरसोय होते, असे निवेदनात नमूद करण्यात आले आहे. वीजपुरवठा खंडित झाल्यामुळे हॉटेलमधील कामकाज, खाद्यपदार्थांची तयारी, पाणीपुरवठा, ऑनलाइन व्यवहार, दुकाने आणि इतर आवश्यक सेवा विस्कळीत होतात. पर्यटन हंगामात अशा प्रकारामुळे पर्यटकांच्या अनुभवावरही विपरीत परिणाम होण्याची शक्यता आहे. मोठ्या उद्योगांप्रमाणे पर्यायी व्यवस्था उभारण्याची आर्थिक क्षमता प्रत्येक छोट्या व्यावसायिकाकडे नसते. त्यामुळे त्यांना मर्यादित उत्पन्नात आर्थिक नुकसान सहन करावे लागते, याकडे समितीने लक्ष वेधले आहे.

टाईम्स स्पेशल

या पार्श्वभूमीवर स्थानिक पर्यटन व्यावसायिक, नागरिक, ग्राहक आणि व्यापारी यांच्या सहभागातून महावितरणच्या मनमानी कारभाराविरोधात लोकशाही मार्गाने आंदोलन करण्यात येणार आहे. हे आंदोलन शांततेत पार पाडून कायदा व सुव्यवस्था राखण्यात येईल, असेही निवेदनात स्पष्ट करण्यात आले आहे. मात्र, आंदोलनाला गालबोट लावण्यासाठी काही समाजकंटकांकडून कायदा व सुव्यवस्थेचा प्रश्न निर्माण करण्याचा प्रयत्न झाल्यास त्याची सर्वस्वी जबाबदारी संबंधितांवर राहील, असे समितीने नमूद केले आहे. या निवेदनाच्या प्रती पालकमंत्री तथा मत्स्य व बंदर विकास मंत्री नितेश राणे, जिल्हाधिकारी, महावितरणचे वरिष्ठ अधिकारी, जिल्हा पोलीस अधीक्षक, देवगड नगरपंचायत मुख्याधिकारी आणि देवगड पोलीस निरीक्षक यांना माहिती व योग्य कार्यवाहीसाठी पाठविण्यात आल्या आहेत.