विठ्ठलवाडीत मासे वाहतूक करणाऱ्या वाहनांचा त्रास वाढला; ग्रामस्थांचे तहसीलदारांना निवेदन

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

विठ्ठलवाडीत मासे वाहतूक करणाऱ्या वाहनांचा त्रास वाढला; ग्रामस्थांचे तहसीलदारांना निवेदन

टाईम्स स्पेशल

2026-10-15 00:00:00

टाइम्स स्पेशल

देवगड (प्रतिनिधी) : देवगड-विठ्ठलवाडी परिसरातून मासे वाहतूक करणाऱ्या वाहनांमधून रस्त्यावर दुर्गंधीयुक्त पाणी सोडले जात असल्याने नागरिकांच्या आरोग्याचा आणि रस्ते सुरक्षेचा प्रश्न ऐरणीवर आला आहे. या प्रकारामुळे परिसरात दुर्गंधी पसरत असून, रस्त्यावर साचलेल्या पाण्यामुळे दुचाकी घसरून अपघात होण्याची भीतीही व्यक्त केली जात आहे. या प्रकाराला आळा घालून संबंधित वाहनचालकांवर कठोर कारवाई करावी, अशी मागणी विठ्ठलवाडी मित्र मंडळाने केली आहे. याबाबत मंडळाच्या वतीने देवगड पोलीस ठाण्याचे पोलीस निरीक्षक शाम बुवा आणि तहसीलदार शीतल जाधव यांना निवेदन सादर करण्यात आले आहे. पुढील चार दिवसांत प्रशासनाने योग्य ती कारवाई न केल्यास भविष्यात घडणाऱ्या अनुचित घटनांसाठी संबंधित प्रशासन, वाहनमालक आणि चालक जबाबदार राहतील, असा इशाराही मंडळाने दिला आहे.

https://ratnagiritimes.in//assets/images/2020/add/2020/sky22.jpg

देवगड-विठ्ठलवाडी परिसरातून दररोज मोठ्या प्रमाणात मासे वाहतूक करणारी वाहने ये-जा करतात. मासे ताजे ठेवण्यासाठी या वाहनांमध्ये बर्फाचा वापर केला जातो. मात्र, बर्फ वितळल्यानंतर तयार होणारे दुर्गंधीयुक्त पाणी रस्त्यावर सोडले जात असल्याचा आरोप नागरिकांनी केला आहे. त्यामुळे रस्त्यावर अस्वच्छता निर्माण होऊन परिसरातील नागरिकांना दुर्गंधीचा सामना करावा लागत आहे. रस्त्यावर सोडण्यात येणाऱ्या पाण्यामुळे दुचाकी घसरून अपघात होण्याची शक्यता आहे. यापूर्वीही अशा प्रकारांमुळे नागरिकांना दुखापत झाल्याचे निवेदनात नमूद करण्यात आले आहे. त्यामुळे हा प्रश्न केवळ दुर्गंधीपुरता मर्यादित नसून नागरिकांच्या सुरक्षिततेशीही संबंधित आहे. देवगड तालुका पर्यटनाच्या दृष्टीने महत्त्वाचा असल्याने रस्त्यांवरील स्वच्छता राखणे आवश्यक आहे. अशा प्रकारांमुळे स्थानिक नागरिकांसह या परिसरातून प्रवास करणाऱ्यांनाही त्रास सहन करावा लागत आहे.

टाईम्स स्पेशल

मासे वाहतूक करणाऱ्या वाहनचालकांनी वितळलेल्या बर्फाचे पाणी रस्त्यावर सोडू नये, यासाठी योग्य ती खबरदारी घ्यावी. प्रशासनाने संबंधित वाहनांची तपासणी करून नियमांचे उल्लंघन करणाऱ्यांवर दंडात्मक कारवाई करावी. गरज पडल्यास फौजदारी कारवाईही करावी, अशी मागणी विठ्ठलवाडी मित्र मंडळाने निवेदनातून केली आहे. या निवेदनावेळी सोहम सुनील पारकर, ओमकार कुबडे, अविनाश मोहिते, शिवराम पाटणकर, विजय शिरसाट, अक्षय गिरकर, सचिन कुणकेश्वरकर, स्वप्नील पारकर, अभिषेक शिरसाट, गौरव कावले यांच्यासह मोठ्या संख्येने ग्रामस्थ उपस्थित होते. विठ्ठलवाडी परिसरातील या समस्येची प्रशासनाने गांभीर्याने दखल घेऊन तातडीने उपाययोजना कराव्यात. नागरिकांना दुर्गंधीचा त्रास आणि संभाव्य अपघातांच्या धोक्यापासून दिलासा द्यावा, अशी मागणी मंडळाच्या वतीने करण्यात आली आहे.