नाणीजधाम येथे आजपासून जगद्गुरू रामानंदाचार्य नरेंद्राचार्यजींच्या जन्मोत्सव सोहळ्याला प्रारंभ! दिंड्यांचे आगमन

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

नाणीजधाम येथे आजपासून जगद्गुरू रामानंदाचार्य नरेंद्राचार्यजींच्या जन्मोत्सव सोहळ्याला प्रारंभ! दिंड्यांचे आगमन

टाईम्स स्पेशल

2026-10-20 00:00:00

टाइम्स स्पेशल

नाणीजधाम, : जगद्गुरू श्रीमद् रामानंदाचार्य नरेंद्राचार्यजी यांच्या जन्मोत्सव सोहळ्याला श्रीक्षेत्र नाणीजधाम येथील सुंदरगडावर आज, मंगळवारपासून प्रारंभ होत आहे. बुधवार, दिनांक २१ ऑक्टोबर दिवशी जन्मोत्सव सोहळा भक्तिमय वातावरणात साजरा करण्यात येणार आहे. या सोहळ्यासाठी देशाच्या कानाकोपर्‍यातून भाविक नाणीजधाममध्ये दाखल होऊ लागले असून, सुंदरगडावर उत्साहाचे वातावरण निर्माण झाले आहे. जन्मोत्सव सोहळ्यानिमित्त विविध धार्मिक विधी, देवदेवतांना निमंत्रण देणार्‍या मिरवणुका, सप्तचिरंजीव महामृत्युंजय याग, प्रवचन आणि अभिष्टचिंतन सोहळा अशा विविध कार्यक्रमांचे आयोजन करण्यात आले आहे. या सोहळ्याचे औचित्य साधून रामानंदाचार्य नरेंद्रचार्यजी यांच्या प्रेरणेने तीन नवीन रुग्णवाहिकांचे लोकार्पण करण्यात येणार असून, त्यामध्ये एका कार्डियाक रुग्णवाहिकेचाही समावेश आहे. जागतिक तापमानवाढीमुळे निर्माण होणार्‍या पर्यावरणीय समस्यांबाबत जनजागृती करण्यासाठी जगद्गुरू रामानंदाचार्य नरेंद्राचार्यजी यांच्या प्रेरणेतून सलग चौथ्या वर्षी वसुंधरा पायी दिंड्यांचे आयोजन करण्यात आले आहे. नागपूर, तेलंगणा, परभणी, नाशिक, पुणे, मुंबई आणि गोवा अशा सात ठिकाणांहून या दिंड्या श्रीक्षेत्र नाणीजधामच्या दिशेने मार्गस्थ झाल्या आहेत. सोमवार आणि मंगळवारी टप्प्याटप्प्याने या दिंड्या नाणीजधाममध्ये दाखल होणार आहेत.

https://ratnagiritimes.in//assets/images/2020/add/2020/sky22.jpg

पर्यावरण संवर्धनाचे संदेश देणारे फलक हातात घेऊन चालणारे पदयात्री, विविध रंगांचे ध्वज, विशिष्ट गणवेश, टाळ-मृदंगाचा गजर आणि अखंड नामजप अशा भक्तिमय वातावरणात या दिंड्यांचे मार्गक्रमण सुरू आहे. वृक्षारोपण, निसर्गसंवर्धन आणि जागतिक तापमानवाढीच्या दुष्परिणामांविषयी जनजागृती करण्याचा संदेश या दिंड्यांच्या माध्यमातून गावोगावी पोहोचविण्यात येत आहे. या पायी दिंडी फक्त ग्लोबल वार्मिंग जनजागरण करत येत नाही तर वाटेमध्ये येणार्‍या गावांमध्ये समाजातील वेगवेगळे मान्यवरांना घेऊन वृक्षारोपण सुद्धा करत करत आहेत. ग्लोबल वार्मिंग संकट कमी होण्यासाठी मोठ्या प्रमाणात वृक्ष लागवड करावी हा या दिंडीचा प्रमुख उद्देश आहे. जगद्गुरु श्रीमद रामानंदाचार्य नरेंद्राचार्य यांचे अनुयायी फक्त जनजागरण करत नाहीत यावर्षी अवघ्या पंधरा दिवसात सहा लाख १८ हजार नऊ झाडे लावून वृक्षारोपण कार्यात दरवर्षीप्रमाणे यावर्षीही मोठे योगदान दिलेले आहे. जिल्ह्याचे पालकमंत्री उदय सामंत यांच्या हस्ते एक मिनिटात महामार्गावर ३००० झाडे लावण्याचा विक्रम सुद्धा या अनुयायाने केलेला आहे.

टाईम्स स्पेशल

बुधवार, दि. २१ ऑक्टोबर रोजी जगद्गुरू श्रीमद् रामानंदाचार्य नरेंद्राचार्यजी यांचा जन्मोत्सव दिन साजरा करण्यात येणार आहे. उत्सवाच्या मुख्य दिवशी तीन नवीन रुग्णवाहिकांचे लोकार्पण करण्यात येणार असून, त्यापैकी एक कार्डियाक रुग्णवाहिका आहे. रुग्णांना तातडीने वैद्यकीय मदत मिळणारी ही सर्व सेवा मोफत आहे. सायंकाळी ७.३० वाजता दक्षिण पीठाचे उत्तराधिकारी प. पू. कानिफनाथ महाराज यांचे प्रवचन होणार आहे. त्यानंतर रात्री ८.३० वाजता जगद्गुरू श्रीमद् रामानंदाचार्य नरेंद्राचार्यजी यांचे प्रवचन होईल. यानंतर औक्षण करून अभिष्टचिंतन सोहळा साजरा करण्यात येणार आहे. जन्मोत्सव सोहळ्याचे औचित्य साधून दि. २० ते २३ ऑक्टोबर दरम्यान मोफत आरोग्य शिबिराचे आयोजन करण्यात आले आहे. समाजसेवा आणि पर्यावरण संवर्धनाचा संदेश यांचा संगम घडविणारा जगद्गुरू श्रीमद् रामानंदाचार्य नरेंद्राचार्यजी यांचा जन्मोत्सव सोहळा श्रीक्षेत्र नाणीजधाम येथे उत्साहात साजरा होणार असून, देशभरातील भाविकांसाठी हा सोहळा श्रद्धा आणि आनंदाची पर्वणी ठरणार आहे.