वैभववाडीत शिवसेना (उद्धव बाळासाहेब ठाकरे) पक्षाच्या तालुका कार्यकारिणीची बैठक संपन्न

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

वैभववाडीत शिवसेना (उद्धव बाळासाहेब ठाकरे) पक्षाच्या तालुका कार्यकारिणीची बैठक संपन्न

टाईम्स स्पेशल

2026-10-28 00:00:00

टाइम्स स्पेशल

वैभववाडी, (प्रतिनिधी) - शिवसेना (उद्धव बाळासाहेब ठाकरे) पक्षाचे रत्नागिरी–सिंधुदुर्ग लोकसभा मतदारसंघाचे नवनियुक्त संपर्कप्रमुख प्रदीप बोरकर यांच्या उपस्थितीत वैभववाडी तालुका शिवसेना संघटनेच्या तालुका कार्यकारिणीची महत्त्वपूर्ण बैठक आज पार पडली. या बैठकीमध्ये तालुक्यातील पक्ष संघटनेची सद्यस्थिती, संघटनात्मक बांधणी, पदाधिकाऱ्यांच्या सूचना आणि आगामी काळात पक्षवाढीसाठी राबविण्यात येणाऱ्या विविध उपक्रमांवर सविस्तर चर्चा करण्यात आली. बैठकीच्या प्रारंभी वैभववाडी तालुका शिवसेना कार्यकारिणीच्या वतीने नवनियुक्त लोकसभा संपर्कप्रमुख प्रदीप बोरकर यांचे शाल व पुष्पगुच्छ देऊन स्वागत करण्यात आले. या बैठकीला वैभववाडी तालुकाप्रमुख नंदकुमार शिंदे, उपजिल्हाप्रमुख लक्ष्मणराव राणे, उपजिल्हा संयोजक वसंत खानविलकर, तालुका सचिव गुलजार काजी, महिला आघाडी प्रमुख दिव्या पाचपुडे, शहरप्रमुख मनोज सावंत, तालुका महिला संघटक अर्चना कोरगावकर, महिला शहरप्रमुख मानसी सावंत, विभाग संघटक पंढरीनाथ सुर्वे, उपतालुकाप्रमुख सुरेश पांचाळ, विभागप्रमुख सूर्यकांत परब यांच्यासह तालुका कार्यकारिणीचे विविध पदाधिकारी उपस्थित होते.

https://ratnagiritimes.in//assets/images/2020/add/2020/sky22.jpg

बैठकीदरम्यान तालुका सचिव गुलजार काझी यांनी वैभववाडी तालुक्यातील पक्ष संघटनेची सद्यस्थिती, संघटनात्मक कामकाज आणि पक्षाच्या विस्तारासाठी आवश्यक असलेल्या बाबींची माहिती लोकसभा संपर्कप्रमुख प्रदीप बोरकर यांना दिली. तालुकाप्रमुख नंदकुमार शिंदे यांनी उपस्थित पदाधिकाऱ्यांची बोरकर यांच्याशी ओळख करून दिली. त्यानंतर त्यांनी प्रत्येक पदाधिकाऱ्याला आपापल्या विभागातील संघटनात्मक परिस्थिती, अडचणी, सूचना आणि पक्षवाढीसाठी आवश्यक असलेल्या उपाययोजना मांडण्याची संधी दिली. या वेळी उपस्थित पदाधिकाऱ्यांनी आपले विचार व सूचना मांडल्या. जवळपास दोन तास चाललेल्या या बैठकीत तालुक्यातील पक्ष संघटना अधिक सक्षम करणे, कार्यकर्त्यांशी सातत्याने संपर्क ठेवणे, गावपातळीवरील संघटनात्मक बांधणी मजबूत करणे आणि पक्षाच्या विचारांचा जनतेपर्यंत प्रभावीपणे प्रसार करणे या विषयांवर चर्चा झाली. बैठकीत मार्गदर्शन करताना लोकसभा संपर्कप्रमुख प्रदीप बोरकर यांनी वैभववाडी तालुक्यात शिवसेना संघटना अधिक बळकट करण्यासाठी नियोजनबद्ध पद्धतीने काम करण्याची आवश्यकता व्यक्त केली. शिवसेनाप्रमुख स्वर्गीय बाळासाहेब ठाकरे यांचे विचार गावागावांत रुजविण्यासाठी ‘गाव तिथे शाखा’ हे उद्दिष्ट डोळ्यांसमोर ठेवून सर्व पदाधिकारी आणि कार्यकर्त्यांनी एकजुटीने कार्य करावे, असे आवाहन त्यांनी केले. पक्षाची संघटना केवळ पदांपुरती मर्यादित न राहता प्रत्येक गावातील नागरिकांशी आणि कार्यकर्त्यांशी जोडली गेली पाहिजे, यावर त्यांनी भर दिला.

टाईम्स स्पेशल

संघटनावाढीसाठी शाखांची बांधणी, कार्यकर्त्यांचा सक्रिय सहभाग, पदाधिकाऱ्यांमधील समन्वय आणि पक्षाच्या कार्यक्रमांची प्रभावी अंमलबजावणी या बाबी महत्त्वाच्या असल्याचे त्यांनी स्पष्ट केले. आगामी काळातील संघटनात्मक नियोजनाबाबत माहिती देताना प्रदीप बोरकर यांनी लवकरच तालुक्यातील सर्व शाखाप्रमुख आणि बूथ लेव्हल एजंट (BLA) यांची स्वतंत्र बैठक घेण्यात येणार असल्याचे सांगितले. या बैठकीत संघटनात्मक कामकाजाचा आढावा घेऊन पक्षवाढीसाठी आवश्यक मार्गदर्शन करण्यात येईल. तसेच तालुका संघटनेच्या बळकटीकरणासाठी मार्गदर्शन शिबिर आयोजित करण्याचेही त्यांनी सूचित केले. या माध्यमातून पदाधिकारी व कार्यकर्त्यांना संघटनात्मक कामकाजाची दिशा, जबाबदाऱ्या आणि आगामी कार्यक्रमांचे नियोजन याबाबत मार्गदर्शन केले जाणार आहे. यापुढे दर महिन्याला संघटनेची नियमित बैठक घेऊन प्रत्येक पदाधिकाऱ्याला पक्षवाढीसाठी स्पष्ट कार्यक्रम व जबाबदाऱ्या देण्यात येतील, असेही त्यांनी सांगितले. त्यामुळे संघटनेच्या कामकाजात सातत्य, नियोजन आणि उत्तरदायित्व राखण्यास मदत होईल, अशी अपेक्षा व्यक्त करण्यात आली. आपल्या मार्गदर्शनपर भाषणाच्या शेवटी बोरकर यांनी पक्षशिस्तीचे महत्त्व अधोरेखित केले. प्रत्येक पदाधिकाऱ्याने पक्षाच्या शिस्तीचे पालन करून परस्पर समन्वयाने काम करावे आणि संघटना वाढविण्यासाठी प्रामाणिक प्रयत्न करावेत, अशा सूचना त्यांनी दिल्या.