गुहागरच्या नवनियुक्त पोलीस निरीक्षक प्रवीण रणदिवे यांचे मनसेकडून जंगी स्वागत

वरवेली (गणेश किर्वे) - गुहागर पोलीस ठाण्याच्या नवनियुक्त पोलीस निरीक्षक प्रवीण रणदिवे यांचा महाराष्ट्र नवनिर्माण सेना, गुहागर तालुक्याच्या पदाधिकाऱ्यांनी सदिच्छा भेट घेत पुष्पगुच्छ देऊन उत्स्फूर्त स्वागत केले. यावेळी गुहागर तालुक्यातील कायदा व सुव्यवस्था, नागरिकांची सुरक्षितता आणि सर्वसामान्यांच्या प्रश्नांवर सकारात्मक चर्चा करण्यात आली. गुहागरमध्ये कायदा हातात घेणाऱ्यांवर कठोर कारवाई व्हावी आणि सर्वसामान्य नागरिकांना न्याय मिळावा, अशी अपेक्षा मनसे पदाधिकाऱ्यांनी व्यक्त केली.

https://ratnagiritimes.in//assets/images/2020/add/2020/sky22.jpg

“गुहागरच्या जनतेच्या सुरक्षिततेच्या प्रश्नावर मनसेची भूमिका स्पष्ट आहे, नागरिकांच्या हितासाठी आवाज उठवणार आणि प्रशासनाला आवश्यक ते सहकार्यही करणार!” असा ठाम संदेश यावेळी देण्यात आला. या सदिच्छा भेटीवेळी मनसे उपजिल्हा अध्यक्ष विनोद जानवळकर, तालुकासचिव प्रशांत साटले, मनविसे गुहागर तालुकाध्यक्ष प्रथमेश रायकर, गुहागर शहराध्यक्ष अभिजित रायकर, शृंगारतळी शहराध्यक्ष वेदांत देवळेकर, सांस्कृतिक अध्यक्ष राहुल जाधव, मळण शाखाध्यक्ष मंगेश धामणस्कर तसेच महाराष्ट्र सैनिक महेश शिगवण उपस्थित होते.