दोडामार्गात रविवारी ७० वा धम्मचक्र प्रवर्तन दिन सोहळा; भन्ते सचित बोधी यांची धम्मदेशना

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

दोडामार्गात रविवारी ७० वा धम्मचक्र प्रवर्तन दिन सोहळा; भन्ते सचित बोधी यांची धम्मदेशना

टाईम्स स्पेशल

2026-10-21 00:00:00

टाइम्स स्पेशल

साटेली भेडशी (प्रतिनिधी) : तथागत भगवान गौतम बुद्ध यांच्या धम्मविचारांचा प्रसार, सामाजिक समता, बंधुता, करुणा आणि मानवतावादी मूल्यांची जपणूक करण्याच्या उद्देशाने सिंधुदुर्ग बौद्ध हितवर्धक महासंघ, मुंबई यांच्या वतीने ७० वा धम्मचक्र प्रवर्तन दिन रविवार, दिनांक २५ ऑक्टोबर २०२६ रोजी दोडामार्ग येथे उत्साहात साजरा करण्यात येणार आहे. महासंघाच्या कुडाळ, वेंगुर्ले, सावंतवाडी, दोडामार्ग तालुका शाखा आणि गोवा विभाग यांच्या संयुक्त विद्यमाने हा कार्यक्रम वसंत मंगल कार्यालय, आंयी रोड, दोडामार्ग येथे आयोजित करण्यात आला आहे. या सोहळ्यात वंदनीय भन्ते सचित बोधी (अध्यक्ष, सम्यक संकल्प बहुउद्देशीय संस्था) यांची प्रमुख धम्मदेशना होणार आहे. कार्यक्रमाचे उद्घाटन सिंधुदुर्ग बौद्ध हितवर्धक महासंघाचे केंद्रीय अध्यक्ष आयु. व्ही. ए. कदम यांच्या हस्ते होणार असून, जिल्हा परिषद सिंधुदुर्गच्या समाजकल्याण सभापती मा. रुहिता राजेश तांबे प्रमुख पाहुण्या म्हणून उपस्थित राहणार आहेत. महासंघाचे सल्लागार आयु. रमाकांत कृ. जाधव प्रमुख मार्गदर्शन करणार असून, दोडामार्ग तालुका शाखेचे अध्यक्ष आयु. शंकर म. जाधव कार्यक्रमाच्या अध्यक्षस्थानी असतील.

https://ratnagiritimes.in//assets/images/2020/add/2020/sky22.jpg

कार्यक्रमाच्या पहिल्या सत्राला सकाळी १० वाजता प्रारंभ होणार आहे. प्रतिमा पूजन, त्रिसरण, विधायक पंचशील, स्वागतगीत आणि प्रास्ताविकानंतर मान्यवरांची मनोगते होतील. त्यानंतर वंदनीय भन्ते सचित बोधी यांची धम्मदेशना होणार आहे. बुद्धांच्या समता, मैत्री, करुणा आणि प्रज्ञेच्या विचारांतून समाजाला प्रेरणा देण्याचा या सोहळ्याचा मुख्य उद्देश आहे. यावेळी महासंघाच्या माजी तालुका अध्यक्षांचा सत्कार करण्यात येणार आहे. महासंघाचे पदाधिकारी, सदस्य व कार्यकर्ते यांच्यातील सेवानिवृत्त व्यक्तींचा सन्मान, पदवीधर विद्यार्थ्यांचा गुणगौरव तसेच बौद्धाचारी आणि श्रमणेर यांचा सन्मान करण्यात येणार आहे. याशिवाय सामूहिक धम्मदीक्षा कार्यक्रमाचे आयोजन करण्यात आले आहे. कार्यक्रमाचे सूत्रसंचालन आयु. संदीप आनंद जाधव करणार असून, प्रास्ताविक आयु. अर्जुन कृष्णा आयनोडकर आणि आभार प्रदर्शन आयु. प्रकाश लक्ष्मण कांबळे करणार आहेत.

टाईम्स स्पेशल

दुपारी २.३० ते ४ या दुसऱ्या सत्रात महिला विभागाच्या वतीने विशेष भीमगीतांचा सांस्कृतिक कार्यक्रम सादर केला जाणार आहे. धम्मविचार, सामाजिक प्रबोधन आणि आंबेडकरी चळवळीच्या प्रेरणादायी गीतांतून उपस्थितांना वैचारिक ऊर्जा देण्याचा प्रयत्न या कार्यक्रमातून होणार आहे. या सोहळ्यास सिंधुदुर्ग बौद्ध हितवर्धक महासंघाच्या केंद्रीय कार्यकारिणीचे पदाधिकारी, कुडाळ, वेंगुर्ले, सावंतवाडी व दोडामार्ग शाखांचे अध्यक्ष-पदाधिकारी, गोवा विभागाचे प्रतिनिधी, महिला विभागाच्या पदाधिकारी, सामाजिक कार्यकर्ते, बौद्धाचार्य, श्रमणेर, विद्यार्थी आणि समाजबांधव मोठ्या संख्येने उपस्थित राहणार आहेत. धम्म, समता आणि बंधुतेचा संदेश घराघरांत पोहोचविण्यासाठी समाजबांधवांनी कुटुंबीयांसह या मंगलमय सोहळ्याला उपस्थित राहावे, असे आवाहन सिंधुदुर्ग बौद्ध हितवर्धक महासंघाच्या संबंधित तालुका शाखा व गोवा विभागाच्या वतीने करण्यात आले आहे.