चिंचघरच्या ग्रामस्थांनी श्रमदानातून उभारला जलसंधारणाचा आदर्श; बंधाऱ्याचे योगेश कदम यांच्या हस्ते लोकार्पण!

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

चिंचघरच्या ग्रामस्थांनी श्रमदानातून उभारला जलसंधारणाचा आदर्श; बंधाऱ्याचे योगेश कदम यांच्या हस्ते लोकार्पण!

टाईम्स स्पेशल

2026-11-06 00:00:00

टाइम्स स्पेशल

खेड (प्रतिनिधी) : पाण्याचे महत्त्व ओळखून भविष्यातील पाणीटंचाईवर मात करण्यासाठी चिंचघर-दस्तुरी येथील ग्रामस्थांनी श्रमदानातून उभारलेल्या बंधार्‍याचे गुरुवारी राज्याचे गृहराज्यमंत्री तथा महसूल राज्यमंत्री योगेशदादा कदम यांच्या हस्ते जलपूजन करून लोकार्पण करण्यात आले. शासनाचा एकही रुपया खर्च न करता लोकसहभागातून उभारलेल्या या बंधार्‍यात कोट्यवधी लिटर पाणी अडवण्यात आले आहे. पंचायत समिती सदस्य संग्रामशेठ कदम यांच्या सहभागातून ग्रामस्थांनी उभा केलेला हा उपक्रम जलसंधारणाच्या दृष्टीने संपूर्ण तालुक्यासाठी प्रेरणादायी ठरणार आहे. या बंधार्‍यामुळे देवसडे गावातील सात टँकरग्रस्त वाड्यांना दिलासा मिळण्याची आशा निर्माण झाली आहे. खेड तालुक्यात गेल्या दीड ते दोन महिन्यांपासून पावसाची एकही सर न पडल्याने शेती आणि पाणीटंचाईचे संकट अधिक गडद झाले आहे. हादगा नक्षत्रात पाऊस पडेल, अशी शेतकर्‍यांना अपेक्षा होती; मात्र हे नक्षत्रही कोरडे गेल्याने भातपिकांची अवस्था बिकट झाली असून जनावरांसाठीचा हिरवा चाराही सुकू लागला आहे. परतीचा पाऊस न झाल्याने पाणीसाठ्यात घट झाली आहे. अशा परिस्थितीत पावसाची वाट न पाहता चिंचघर-दस्तुरी येथील ग्रामस्थांनी एकत्र येत श्रमदानातून बंधारा उभारण्याचा निर्णय घेतला. पंचायत समिती सदस्य संग्रामशेठ कदम, बावाशेठ चव्हाण, गावचे सरपंच, पोलीस पाटील, ग्रामस्थ, शाळेचे शिक्षक आणि जेसीआय या सामाजिक संस्थेच्या सदस्यांनी या उपक्रमात सहभाग घेतला. कोणत्याही शासकीय निधीची अपेक्षा न ठेवता ग्रामस्थांनी एकजुटीने हा बंधारा पूर्ण केला.

https://ratnagiritimes.in//assets/images/2020/add/2020/sky22.jpg

दापोली तालुक्यात वनराई बंधार्‍यांसह छोटे-मोठे मिळून सुमारे बाराशेहून अधिक बंधारे उभारण्यात आले आहेत, तर खेड तालुक्यात ५२४ बंधारे उभारण्यात आले असल्याची माहिती योगेश कदम यांनी दिली. मात्र, हा आकडा पुरेसा नसून त्यात आणखी वाढ झाली पाहिजे, असे स्पष्ट निर्देश त्यांनी उपस्थित अधिकार्‍यांना दिले. अधिकार्‍यांनी गावोगावी जाऊन नागरिकांमध्ये जलसंधारणाबाबत जनजागृती करावी. गरज पडल्यास ग्रामस्थांना चिंचघर येथे आणून हा बंधारा दाखवावा, असेही त्यांनी सांगितले. दुष्काळासारख्या संकटाचा सामना करण्यासाठी केवळ शासनाच्या प्रयत्नांवर अवलंबून राहून चालणार नाही. जनतेचा सहभाग वाढल्याशिवाय दुष्काळावर प्रभावीपणे मात करता येणार नाही. प्रत्येक गावाने पुढाकार घेऊन पाणी अडविण्याचे काम केले पाहिजे. चिंचघरच्या ग्रामस्थांनी लोकसहभागातून बंधारा उभारून याचीच प्रचिती दिली आहे, असेही योगेश कदम यांनी नमूद केले. तसेच चिंचघर येथील भैरवनाथ देवस्थानाच्या विकासासाठी आवश्यक निधी उपलब्ध करून देण्याचे आश्वासन त्यांनी यावेळी दिले. एखाद्या गावातील पर्यटन वाढविण्यासाठी त्या गावाचा सर्वांगीण विकास करण्याचा आपला प्रयत्न असल्याचेही त्यांनी स्पष्ट केले.

टाईम्स स्पेशल

चिंचघर-दस्तुरी येथील हा बंधारा दस्तुरी आणि देवसडे गावांच्या दरम्यान उभारण्यात आला आहे. या बंधार्‍यात अडवण्यात आलेल्या पाण्याचा उपयोग परिसरातील पाणीटंचाई कमी करण्यासाठी होणार आहे. विशेषतः देवसडे गावातील सात टँकरग्रस्त वाड्यांना याचा फायदा होण्याची अपेक्षा आहे. गाव टँकरमुक्त झाल्यास शासनाचा टँकरद्वारे पाणीपुरवठा करण्यावरील खर्चही वाचू शकतो. त्यामुळे हा बंधारा केवळ पाणी साठवणुकीचा उपक्रम न राहता लोकसहभागातून गावाच्या पाणीप्रश्नावर उपाय शोधण्याचे उत्तम उदाहरण ठरला आहे. या लोकार्पण सोहळ्याला शिवसेना नेते रामदास भाई कदम, माजी आमदार संजयराव कदम, सभापती पालेकर, जिल्हा परिषद अध्यक्ष अस्मिता केंद्रे, जिल्हा परिषद सदस्य अरुण कदम, सचिन धाडवे, पंचायत समिती सदस्य संग्रामशेठ कदम यांच्यासह शिवसेनेचे पदाधिकारी, कार्यकर्ते आणि ग्रामस्थ मोठ्या संख्येने उपस्थित होते. चिंचघर ग्रामस्थांनी श्रमदानातून उभारलेला हा बंधारा भविष्यात तालुक्यातील इतर गावांसाठीही प्रेरणादायी ठरणार असून जलसंधारणासाठी लोकसहभागाचे महत्त्व अधोरेखित करणारा ठरला आहे.