भात कापणी, नाचणी कापणीला वेग; संगमेश्वरात सर्पदंश-विंचूदंशाच्या घटनांत वाढ, पाच महिन्यांत ७२ सर्पदंश, ४९ विंचूदंशाच्या रुग्णांची नोंद

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

भात कापणी, नाचणी कापणीला वेग; संगमेश्वरात सर्पदंश-विंचूदंशाच्या घटनांत वाढ, पाच महिन्यांत ७२ सर्पदंश, ४९ विंचूदंशाच्या रुग्णांची नोंद

टाईम्स स्पेशल

2026-11-04 00:00:00

टाइम्स स्पेशल

संगमेश्वर (मकरंद सुर्वे) - संगमेश्वर तालुक्यात सध्या भात कापणी आणि नाचणी कापणीच्या कामांना वेग आला असून, शेतशिवारात शेतकर्‍यांची लगबग सुरू आहे. मात्र, शेतीची कामे करताना सर्पदंश आणि विंचूदंशाच्या घटनांमध्ये वाढ होत असल्याचे समोर आले आहे. संगमेश्वर ग्रामीण रुग्णालयातील आकडेवारीनुसार, एप्रिल ते ऑगस्ट या पाच महिन्यांच्या कालावधीत तब्बल ७२ जणांना सर्पदंश, तर ४९ जणांना विंचूदंश झाला आहे. याशिवाय श्वानांनीही अनेकांना चावा घेतल्याची नोंद आहे. त्यामुळे शेतात काम करताना शेतकर्‍यांनी अधिक सावधगिरी बाळगण्याची गरज निर्माण झाली आहे. संगमेश्वर तालुक्यात मोठ्या प्रमाणावर पाऊस पडत असल्याने येथील शेती प्रामुख्याने पावसावर अवलंबून आहे. भातशेतीबरोबरच नाचणी आणि वायंगणी शेतीही केली जाते. पेरणी, निंदणी आणि कापणीच्या कामांसाठी शेतकर्‍यांना शेतात, बांधावर तसेच गवताळ भागात जावे लागते. अशा ठिकाणी साप आणि विंचू आढळण्याची शक्यता अधिक असल्याने शेतकर्‍यांना दंशाच्या घटनांना सामोरे जावे लागत आहे.

https://ratnagiritimes.in//assets/images/2020/add/2020/sky22.jpg

ग्रामीण रुग्णालयातील उपलब्ध आकडेवारीनुसार, एप्रिल महिन्यात १५, मे महिन्यात ८, जूनमध्ये २०, जुलैमध्ये १४ आणि ऑगस्टमध्ये १५ जणांना सर्पदंश झाला आहे. अशा प्रकारे पाच महिन्यांत एकूण ७२ सर्पदंशाच्या रुग्णांची नोंद झाली आहे. यामध्ये जून महिन्यात सर्वाधिक २० रुग्ण आढळले आहेत. विंचूदंशाच्या घटनाही लक्षणीय आहेत. एप्रिलमध्ये ९, मेमध्ये १५, जूनमध्ये १४, जुलैमध्ये ३ आणि ऑगस्टमध्ये ८ जणांना विंचूदंश झाला. या पाच महिन्यांत एकूण ४९ जणांना विंचूदंश झाल्याची नोंद आहे. याशिवाय एप्रिल ते ऑगस्ट या कालावधीत श्वानांनी ३८ जणांना चावा घेतला आहे. पावसाळ्यात तसेच शेतीच्या पेरणी आणि कापणीच्या हंगामात सर्पदंशाच्या घटनांचा धोका वाढतो. सध्या भात आणि नाचणी कापणीची कामे सुरू असल्याने शेतकर्‍यांनी शेतात जाताना पायात बूट किंवा जाड पादत्राणे वापरणे, गवत किंवा लाकडाच्या ढिगार्‍यात हात घालण्यापूर्वी काळजी घेणे आणि अंधारात पुरेशा प्रकाशाचा वापर करणे आवश्यक आहे.

टाईम्स स्पेशल

साप चावल्यास झाडपाल्याचे उपचार, मंत्र-तंत्र किंवा इतर घरगुती उपायांवर वेळ न घालवता तातडीने रुग्णालयात दाखल करणे महत्त्वाचे आहे. दंश झालेल्या व्यक्तीला शक्य तितके शांत ठेवून हालचाल कमी करावी. दंशाच्या जागी घट्ट दोरी बांधणे, जखम कापणे किंवा विष शोषण्याचा प्रयत्न करणे टाळावे. संगमेश्वर ग्रामीण रुग्णालयात सर्पदंश आणि विंचूदंशाच्या रुग्णांवर उपचार करण्यात येत असून, दाखल झालेल्या रुग्णांवर उपचार करून त्यांना घरी सोडण्यात आल्याची माहिती वैद्यकीय अधिकारी डॉ. अभिजित मोरे यांनी दिली. तसेच सर्पदंश आणि विंचूदंशावरील उपचारांसाठी आवश्यक औषधसाठा पुरेशा प्रमाणात उपलब्ध असल्याचेही त्यांनी स्पष्ट केले. सध्या भात आणि नाचणी कापणीच्या कामांना वेग आला असताना शेतकर्‍यांनी स्वतःच्या सुरक्षिततेला प्राधान्य देणे गरजेचे आहे. शेतीची कामे करताना योग्य खबरदारी घेतल्यास सर्पदंश आणि विंचूदंशाचा धोका कमी करण्यास मदत होऊ शकते.