मुंबई-गोवा महामार्गावर बोलेरोला ट्रेलरची धडक, दोन्ही वाहने दरीत कोसळलीहातखंबा महामार्ग पोलिसासह तिघांचा मृत्यू

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

मुंबई-गोवा महामार्गावर बोलेरोला ट्रेलरची धडक, दोन्ही वाहने दरीत कोसळलीहातखंबा महामार्ग पोलिसासह तिघांचा मृत्यू

टाइम्स स्पेशल

2026-11-01 00:00:00

टाइम्स स्पेशल

रत्नागिरी, दि. १ नोव्हेंबर : मुंबई-गोवा राष्ट्रीय महामार्गावरील लांजा नजीक अंजनारी पुलाजवळ तीव्र वळणाच्या उतारावर शनिवारी रात्री भीषण अपघात झाला. लोखंडी सळ्यांची वाहतूक करणाऱ्या २२ टायर ट्रेलरने महामार्ग वाहतूक पोलिसांच्या सरकारी बोलेरो जीपला पाठीमागून जोरदार धडक दिल्याने दोन्ही वाहने रस्त्याच्या डाव्या बाजूला खोल दरीत कोसळली. या दुर्घटनेत महामार्ग वाहतूक मदत केंद्र, हातखंबा येथे कार्यरत सहायक पोलीस उपनिरीक्षक (ASI) संतोष आप्पासाहेब गायकवाड (वय ५१) यांच्यासह तिघांचा मृत्यू झाला. बोलेरोमधील पोलीस कर्मचारी अनिल अशोक शिंगाडे गंभीर जखमी झाले असून त्यांच्यावर उपचार सुरू आहेत. मिळालेल्या माहितीनुसार, ३१ ऑक्टोबर २०२६ रोजी रात्री अंजनारी घाटाखालील पुलाजवळ नदीपात्रात एक वाहन कोसळून अपघात झाल्याची माहिती लांजा पोलीस ठाण्याकडून महामार्ग वाहतूक मदत केंद्र, हातखांबा येथे देण्यात आली होती. या अपघाताची खातरजमा करण्यासाठी ASI संतोष गायकवाड आणि पोलीस कर्मचारी अनिल शिंगाडे हे सरकारी बोलेरो जीपमधून घटनास्थळी रवाना झाले होते.

https://ratnagiritimes.in//assets/images/2020/add/2020/sky22.jpg

रात्री सुमारे ११.२० वाजण्याच्या सुमारास अंजनारी पुलाच्या सुमारे १०० मीटर आधी, तीव्र वळणाच्या उतारावर मागून येणाऱ्या RJ/09/GE/2397 क्रमांकाच्या २२ टायर ट्रेलरने सरकारी बोलेरो जीपला पाठीमागून जोरदार धडक दिली. ट्रेलर चालकाने रस्त्याची परिस्थिती आणि तीव्र वळण लक्षात न घेता भरधाव वेगाने व निष्काळजीपणे वाहन चालवल्याने हा अपघात घडल्याची प्राथमिक माहिती आहे. धडकेनंतर सरकारी बोलेरो जीप रस्त्याच्या डाव्या बाजूला सुमारे ८० ते १०० फूट खोल दरीत कोसळली. या अपघातात ASI संतोष गायकवाड आणि पोलीस कर्मचारी अनिल शिंगाडे जखमी झाले. दोघांनाही प्रथम पाली ग्रामीण रुग्णालयात उपचारासाठी नेण्यात आले. त्यानंतर पुढील उपचारासाठी त्यांना रत्नागिरी येथील जिल्हा शासकीय रुग्णालयात हलविण्यात आले. तेथे ASI संतोष गायकवाड यांना मृत घोषित करण्यात आले. गंभीर जखमी पोलीस कर्मचारी अनिल शिंगाडे यांच्यावर उपचार सुरू असून, त्यांच्या पत्नीच्या इच्छेनुसार त्यांना पुढील उपचारासाठी आयसीयू सुविधायुक्त रुग्णवाहिकेतून सांगली येथे नेण्यात येत असल्याची माहिती आहे. दरम्यान, बोलेरोला धडक दिल्यानंतर ट्रेलरही रस्त्याच्या डाव्या बाजूला दरीत कोसळून पलटी झाला. या अपघातात ट्रेलरचा चालक केबिनखाली अडकला होता. त्याला गंभीर अवस्थेत रत्नागिरी येथील जिल्हा शासकीय रुग्णालयात नेण्यात आले; मात्र त्याचाही मृत्यू झाला. तसेच ट्रेलरमध्ये अडकलेल्या क्लिनरचा मृत्यू झाल्याची माहिती रविवारी सकाळी समोर आली. या अपघातात महामार्ग वाहतूक मदत केंद्र, हातखंबा येथील कर्तव्यावर असलेल्या पोलीस अधिकाऱ्याचा मृत्यू झाल्याने पोलीस दलात हळहळ व्यक्त होत आहे.

टाइम्स स्पेशल

अपघाताची माहिती मिळताच लांजा उपविभागाचे उपविभागीय पोलीस अधिकारी कदम, लांजा पोलीस ठाण्याच्या पोलीस निरीक्षक दीपाली जाधव, सहाय्यक पोलीस निरीक्षक सत्यराज घुले, पोलीस उपनिरीक्षक बळवंत पाटील आणि पोलीस कर्मचारी घटनास्थळी दाखल झाले. अपघातग्रस्त ट्रेलर रस्त्यावरून बाजूला करण्यात आला.