loader
Breaking News
Breaking News
Foto

Thane Update : प्रदीप पुर्णेकर हत्या प्रकरणात पाच जणांविरुद्ध गुन्हा दाखल, पप्या शिंदे पोलिसांच्या ताब्यात

टाइम्स स्पेशल
2026-10-01 00:00:00
टाइम्स स्पेशल

ठाणे. : ठाण्यातील ठाकरे गटाचे विभागप्रमुख प्रदीप उर्फ बाळू पुर्णेकर यांच्या हत्या प्रकरणात पोलिसांच्या तपासाला वेग आला आहे. या प्रकरणात पाच जणांविरुद्ध कापूरबावडी पोलीस ठाण्यात गुन्हा दाखल करण्यात आला असून, त्यापैकी पप्या शिंदे याला पोलिसांनी ताब्यात घेतल्याची माहिती पोलिसांनी दिली आहे. आकाश निमसे यालाही ताब्यात घेतल्याचे पोलिसांकडून सांगण्यात आले आहे. या प्रकरणातील इतर संशयितांचा शोध सुरू आहे.प्रदीप पुर्णेकर यांच्यावर मंगळवारी रात्री मनोरमा नगर परिसरातील त्यांच्या कार्यालयाजवळ हल्ला करण्यात आला. चेहऱ्यावर रुमाल बांधून आलेल्या हल्लेखोरांनी त्यांच्यावर गोळीबार केल्याची प्राथमिक माहिती आहे. हल्लेखोरांनी चार राऊंड फायर केल्याचे समोर आले असून, त्यापैकी दोन गोळ्या पुर्णेकर यांना लागल्या. त्यानंतर धारदार शस्त्रानेही त्यांच्यावर हल्ला करण्यात आल्याची माहिती आहे. गंभीर जखमी अवस्थेत त्यांना रुग्णालयात दाखल करण्यात आले; मात्र उपचारादरम्यान त्यांचा मृत्यू झाला.

https://ratnagiritimes.in//assets/images/2020/add/2020/sky22.jpg

या घटनेनंतर पोलिसांनी परिसरातील सीसीटीव्ही फुटेज तपासण्यास सुरुवात केली आहे. फुटेजमध्ये दोन व्यक्ती दुचाकीवरून पुर्णेकर यांच्या कार्यालयाच्या दिशेने जाताना दिसत असल्याची माहिती समोर आली आहे. हल्लेखोरांनी चेहरा झाकल्याचेही फुटेजमध्ये दिसत असल्याची माहिती आहे.प्रकरणाच्या तपासासाठी गुन्हे शाखेची अनेक पथके तैनात करण्यात आली आहेत. पोलिसांकडून सीसीटीव्ही फुटेज, घटनास्थळी मिळालेले पुरावे आणि संशयितांच्या हालचालींच्या आधारे तपास केला जात आहे. हल्ल्यामागील नेमके कारण तसेच इतर कोणाचा सहभाग आहे का, याचा तपास सुरू आहे.पोलिसांच्या तपासात निखील यादव, पप्या शिंदे, आकाश निमसे, संतोष कनोजिया आणि एका अनोळखी व्यक्तीचा समावेश असल्याची माहिती समोर आली आहे. त्यापैकी पप्या शिंदे आणि आकाश निमसे यांना पोलिसांनी ताब्यात घेतले आहे. उर्वरित संशयितांचा शोध सुरू आहे. या सर्वांची भूमिका तपासातून स्पष्ट होणार आहे.दरम्यान, प्रदीप पुर्णेकर यांच्या कुटुंबीयांनी या हल्ल्यामागे पूर्वीच्या वादाचा संदर्भ असल्याचा आरोप केला आहे. पुर्णेकर यांचा मुलगा राम याने मीनाक्षी शिंदे आणि राजेंद्र शिंदे यांच्याकडून वडिलांना यापूर्वी धमकी देण्यात आल्याचा दावा केला आहे. तसेच हत्येमागे राजेंद्र शिंदे यांचा सहभाग असल्याचा आरोपही त्यांनी केला आहे. हे आरोप असून, त्याची स्वतंत्रपणे पोलिसांकडून पडताळणी केली जात आहे.

टाइम्स स्पेशल

हत्येच्या घटनेनंतर मनोरमा नगर परिसरात तणावाचे वातावरण निर्माण झाले. खबरदारीचा उपाय म्हणून परिसरातील दुकाने बंद ठेवण्यात आली असून काही शाळाही बंद ठेवण्यात आल्याचे वृत्त आहे. पोलिसांनी परिसरात बंदोबस्त वाढवला आहे.दरम्यान, पुर्णेकर यांच्या मृतदेहाचे शवविच्छेदन करण्यात येणार असून त्यानंतर मृतदेह कुटुंबीयांच्या ताब्यात देण्यात येणार आहे. या हत्येचे नेमके कारण, हल्ल्याचा कट कोणी रचला आणि या प्रकरणात आणखी कोणाचा सहभाग आहे का, याचा तपास कापूरबावडी पोलीस आणि गुन्हे शाखेकडून सुरू आहे.

https://ratnagiritimes.in//assets/images/2020/add/2020/sky23.jpg

रत्नागिरी टाइम्स

tags : टाइम्स स्पेशल
foto
Author: रत्नागिरी टाइम्स
टाइम्स स्पेशल
टाइम्स स्पेशल
2026-10-01 00:00:00

कोकणचे सर्वाधिक खपाचे दैनिक

Previous Next

3 Comments

leave a reply

Recent Posts

रत्नागिरी टाइम्स

https://ratnagiritimes.in//assets/images/2020/add/2020/ad_400x270.jpg

latest # news

रत्नागिरी टाइम्स

https://ratnagiritimes.in//assets/images/2020/add/2020/sky24.jpg
रत्नागिरी टाइम्स
https://ratnagiritimes.in//assets/images/2020/add/2020/sky21.jpg
© 2020, Copyrights रत्नागिरी टाइम्स. All Rights Reserved. Website Design by KP TECHNOSYS