एटीएम कार्ड चोरून लाखोंची फसवणूक करणाऱ्या व आठ वर्षे फरार असलेल्या आरोपीच्या मुसक्या आवळल्या

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

एटीएम कार्ड चोरून लाखोंची फसवणूक करणाऱ्या व आठ वर्षे फरार असलेल्या आरोपीच्या मुसक्या आवळल्या

टाईम्स स्पेशल

2026-10-17 00:00:00

टाइम्स स्पेशल

मालवण (प्रतिनिधी) - एटीएम कार्ड चोरून त्याद्वारे तब्बल ३ लाख ४३ हजार ७०० रुपये काढून आठ वर्षांपासून फरार असलेल्या संशयित आरोपीला सिंधुदुर्ग स्थानिक गुन्हे अन्वेषण शाखेच्या पथकाने अखेर जेरबंद केले आहे. मनिष अंकुश परब (रा. वराळे, ता. मावळ, जि. पुणे) असे अटक करण्यात आलेल्या आरोपीचे नाव आहे. पोलिसांनी आरोपीच्या पार्श्वभूमीची माहिती घेत तांत्रिक विश्लेषणाच्या आधारे त्याचा माग काढत ही महत्त्वपूर्ण कारवाई केली. स्थानिक गुन्हे अन्वेषण शाखेच्या या कामगिरीमुळे आठ वर्षांपासून प्रलंबित असलेल्या गुन्ह्याच्या तपासाला महत्त्वपूर्ण दिशा मिळाली आहे.

https://ratnagiritimes.in//assets/images/2020/add/2020/sky22.jpg

मालवण पोलीस ठाण्यात १८ सप्टेंबर २०१८ रोजी गुन्हा रजिस्टर क्रमांक १०४/२०१८ अन्वये भारतीय दंड विधान कलम ३७९ अंतर्गत हा गुन्हा दाखल करण्यात आला होता. या गुन्ह्यात आरोपी मनिष परब याने फिर्यादी महिलेचे एटीएम कार्ड चोरून त्याद्वारे तब्बल ३ लाख ४३ हजार ७०० रुपये काढल्याचा आरोप आहे. गुन्हा दाखल झाल्यानंतर पोलिसांकडून आरोपीचा शोध सुरू होता; मात्र अनेक प्रयत्न करूनही तो सापडत नव्हता. तब्बल आठ वर्षे तो पोलिसांच्या हाती लागला नव्हता. दीर्घकाळ फरार असलेल्या आरोपींचा शोध घेण्याच्या मोहिमेअंतर्गत मनिष परब याला शोधून अटक करण्याचे आदेश वरिष्ठांकडून देण्यात आले होते. त्यानुसार सहाय्यक पोलीस निरीक्षक सुनील पाटील व त्यांच्या पथकाने आरोपीच्या पार्श्वभूमीची माहिती संकलित केली. तांत्रिक विश्लेषणाच्या आधारे त्याचा शोध घेत पथकाने पुणे जिल्ह्यातील मावळ तालुक्यातील वराळे येथे त्याला ताब्यात घेतले.

टाईम्स स्पेशल

ताब्यात घेतलेल्या आरोपीला पुढील तपासासाठी मालवण पोलीस ठाण्यात हजर करण्यात आले आहे. आठ वर्षांपासून फरार असलेल्या आरोपीचा शोध घेऊन त्याला ताब्यात घेण्यात स्थानिक गुन्हे अन्वेषण शाखेच्या पथकाला यश आले. ही कारवाई सिंधुदुर्गचे पोलीस अधीक्षक मोहन दहिकर, अपर पोलीस अधीक्षक नयोमी साटम यांच्या आदेशानुसार, स्थानिक गुन्हे अन्वेषण शाखेचे पोलीस निरीक्षक प्रवीण कोल्हे यांच्या मार्गदर्शनाखाली करण्यात आली. या कारवाईत सहाय्यक पोलीस निरीक्षक सुनील पाटील, पोलीस हेड कॉन्स्टेबल किरण देसाई, आशिष जामदार आणि अविनाश ओटवणेकर सहभागी होते.