पुस्तकांचे मनोगत ऐकण्यात रमली झर्ये शाळेतील मुले! ‘पुस्तकांच्या मनातलं’ या अभिनव उपक्रमातून वाचनसंस्कृती रुजविण्याचा अनोखा प्रयत्न; नऊ विद्यार्थ्यांचा उत्स्फूर्त सहभाग!!

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

पुस्तकांचे मनोगत ऐकण्यात रमली झर्ये शाळेतील मुले! ‘पुस्तकांच्या मनातलं’ या अभिनव उपक्रमातून वाचनसंस्कृती रुजविण्याचा अनोखा प्रयत्न; नऊ विद्यार्थ्यांचा उत्स्फूर्त सहभाग!!

टाइम्स स्पेशल

2026-11-09 00:00:00

टाइम्स स्पेशल

पाचल / सुरेश गुडेकर : पुस्तकांशी मैत्री झाली की ज्ञानाचे नवे विश्व खुले होते, कल्पनाशक्तीला पंख फुटतात आणि विचारांना नवी दिशा मिळते. याच विचारातून जि. प. प्राथमिक शाळा झर्ये नं. १, ता. राजापूर, जि. रत्नागिरी येथे राबविण्यात येणारा ‘पुस्तकांच्या मनातलं’ हा अभिनव व कल्पक वाचन उपक्रम सध्या आकर्षणाचा विषय ठरत आहे. ‘पुस्तके बोलू लागली आणि मुलं ऐकू लागली!’ या अनोख्या संकल्पनेतून विद्यार्थ्यांना पुस्तकांच्या भावविश्वाची सफर घडविण्याचा सुंदर प्रयत्न शाळेत सुरू आहे.आजच्या डिजिटल युगात मोबाईल आणि विविध स्क्रीनच्या वाढत्या आकर्षणामुळे विद्यार्थ्यांचे पुस्तकांशी असलेले नाते काहीसे दूर जात असल्याचे चित्र दिसते. अशा परिस्थितीत विद्यार्थ्यांमध्ये वाचनाची आवड निर्माण व्हावी, पुस्तकांशी त्यांची मैत्री व्हावी आणि वाचनातून आनंद मिळावा, या उद्देशाने हा उपक्रम राबविण्यात येत आहे.

https://ratnagiritimes.in//assets/images/2020/add/2020/sky22.jpg

या उपक्रमाचे सर्वांत मोठे वैशिष्ट्य म्हणजे पुस्तकांनाच बोलते केले जाते! जणू एखादे पुस्तक विद्यार्थ्यांसमोर उभे राहून स्वतःची कहाणी सांगत आहे, आपल्या भावना व्यक्त करीत आहे आणि आपल्या पानांमधील ज्ञानाचा खजिना उलगडत आहे, असा कल्पक अनुभव विद्यार्थ्यांना दिला जातो. पुस्तकाचे मनोगत, त्यातील पात्रे, घटना, प्रसंग, विचार आणि संदेश यांचा परिचय करून घेताना विद्यार्थी पुस्तकांच्या विश्वात रममाण होतात.विशेष म्हणजे या उपक्रमातून विद्यार्थ्यांना केवळ पुस्तक वाचण्यापुरते मर्यादित ठेवले जात नाही, तर वाचलेल्या साहित्यावर विचार करणे, प्रश्न विचारणे, स्वतःचे मत मांडणे, कल्पनाशक्तीचा वापर करणे आणि आत्मविश्वासाने व्यक्त होणे अशा विविध कौशल्यांना वाव दिला जात आहे.

टाइम्स स्पेशल

शाळेतील नऊ विद्यार्थ्यांना केंद्रस्थानी ठेवून प्रत्येकाला सहभागी होण्याची संधी दिली जात आहे. त्यामुळे विद्यार्थ्यांची शब्दसंपदा, वाचन आकलन, भाषिक अभिव्यक्ती आणि आत्मविश्वास विकसित होण्यास मदत होत आहे. पुस्तकांकडे केवळ अभ्यासाचे साधन म्हणून न पाहता एक जिवलग मित्र म्हणून पाहण्याची नवी दृष्टी या उपक्रमातून विद्यार्थ्यांना मिळत आहे.या अभिनव उपक्रमाचे संकल्पनात्मक नियोजन व मार्गदर्शन शाळेचे उपशिक्षक श्री. नितीन प्रभाकर पांचाळ करीत आहेत. त्यांच्या कल्पक संकल्पनेतून पुस्तक आणि विद्यार्थी यांच्यातील संवाद अधिक जिवंत करण्याचा प्रयत्न होत आहे. ‘पुस्तकांच्या मनातलं’ हा उपक्रम म्हणजे केवळ वाचनाचा तास नाही, तर विद्यार्थ्यांच्या मनात ज्ञानाची बीजे पेरणारी आणि वाचनसंस्कृतीची रुजवण करणारी एक सुंदर शैक्षणिक चळवळ आहे. पुस्तकांच्या पानांमधील शब्द जेव्हा विद्यार्थ्यांच्या मनाशी संवाद साधू लागतात, तेव्हा शिक्षण केवळ पाठ्यपुस्तकांपुरते मर्यादित राहत नाही, तर ते अनुभवसमृद्ध बनते. पुस्तके बोलू लागली, मुले ऐकू लागली आणि वाचनातून नवे विचार फुलू लागले... झर्ये शाळेचा हा उपक्रम निश्चितच इतर शाळांसाठी प्रेरणादायी ठरत आहे!