ती ‘एआय’ क्लिप नव्हे, भाजपचीच स्क्रिप्ट! ५०० कोटींच्या आरोपाबाबत रामदासभाई कदमांचा मित्रपक्षावरच निशाणा

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

ती ‘एआय’ क्लिप नव्हे, भाजपचीच स्क्रिप्ट! ५०० कोटींच्या आरोपाबाबत रामदासभाई कदमांचा मित्रपक्षावरच निशाणा

टाईम्स स्पेशल

2026-10-24 00:00:00

टाइम्स स्पेशल

मुंबई, (प्रतिनिधी) - मराठा आंदोलक मनोज जरांगे पाटील यांनी उघड केलेल्या ५०० कोटी रुपयांच्या कथित ऑडिओ क्लिपवरून राज्याचे राजकारण चांगलेच तापले आहे. या क्लिपमध्ये खासदार श्रीकांत शिंदे यांचे नाव घेतल्याने शिवसेना (शिंदे गट) आक्रमक झाली असून, ज्येष्ठ शिवसेना नेते आणि माजी मंत्री रामदासभाई कदम यांनी थेट मित्रपक्ष भाजपवरच तोफ डागली आहे. ती क्लिप एआय (कृत्रिम बुद्धीमत्ता तंत्राच्या साहाय्याने बनवलेली) नसून त्यातील संभाषण करणारे सर्व लोक भाजपचेच आहेत, असा खळबळजनक आरोप पत्रकार परिषदेत केला आहे. एकनाथ शिंदे यांना बदनाम करण्याचा हा सुनियोजित कट असल्याचा आरोपदेखील त्यांनी केला आहे. मनोज जरांगे पाटील यांनी गुरूवारी एका पत्रकार परिषदेत सुमारे ३२ मिनिटांची एक जुनी कॉन्फरन्स कॉल ऑडिओ क्लिप ऐकवली. या कथित क्लिपमध्ये तीन ते चार व्यक्तींचे संभाषण असून, एक महिला खासदार श्रीकांत शिंदे यांच्यामार्फत जरांगे यांना ५०० कोटी रुपये पोहोचवल्याचा दावा करत असल्याचे ऐकू येते. या गंभीर आरोपामुळे राजकीय वर्तुळात एकच खळबळ उडाली असून, विरोधकांच्या हाती आयते कोलीत मिळाले आहे.

https://ratnagiritimes.in//assets/images/2020/add/2020/sky22.jpg

या ऑडिओ क्लिपवरून ना. एकनाथ शिंदे आणि खा. डॉ. श्रीकांत शिंदे यांना लक्ष्य केले जात असताना रामदासभाई कदम यांनी आक्रमक पवित्रा घेतला आहे. रामदासभाई कदम म्हणाले की, या क्लिपमध्ये ३२ मिनिटे चर्चा करणारे सर्व लोक भाजपचेच आहेत. भाजप पक्ष कसा वाढवायचा, यावरच त्यात ३० मिनिटे चर्चा सुरू आहे. स्वतःच्या पक्षात चर्चा करायची आणि खापर शिवसेनेवर फोडायचे, हा प्रकार अत्यंत संतापजनक आहे. ही कथित ऑडिओ क्लिप ऑक्टोबर २०२४ मधील म्हणजेच सुमारे दोन वर्षांपूर्वीची आहे, याकडे कदमांनी लक्ष वेधले. जर ही क्लिप २ वर्षांपूर्वीची आहे, तर इतके दिवस ती का लपवून ठेवली? आत्ताच ती बाहेर का काढण्यात आली? असा सवाल उपस्थित करत, ना. एकनाथ शिंदे आणि खा. श्रीकांत शिंदे यांची राजकीय प्रतिमा मलीन करण्यासाठीच हा सर्व खेळ रचला गेल्याचा घणाघाती आरोप कदम यांनी केला आहे.

टाईम्स स्पेशल

या प्रकरणाची उच्चस्तरीय चौकशी करण्याची मागणी करतानाच रामदासभाई कदम यांनी जरांगे यांना प्रति-इशारा दिला आहे. क्लिपमधील ती महिला कोण आहे आणि तिच्याकडे ५०० कोटींचा हिशोब कुठून आला, याचा शोध घ्यावा. माझ्याकडेही जरांगेंच्या एका गुप्त बैठकीची क्लिप आहे, ज्यात भाजपचे आमदार बसलेले आहेत आणि जरांगे स्वतःच्याच सहकार्‍यांना शिंदेंचे चमचे म्हणत आहेत. वेळ आल्यास ती क्लिपही मी बाहेर काढेन, असा इशारा कदम यांनी दिला आहे. दरम्यान, या संपूर्ण ऑडिओ क्लिप प्रकरणाची दखल राज्य सरकारने घेतली आहे. मुख्यमंत्री देवेंद्र फडणवीस यांनी या कथित क्लिपची ’फॉरेन्सिक तपासणी’ करण्याचे आदेश दिले आहेत. या क्लिपमागील सत्य आणि सूत्रधार कोण, हे लवकरच तपासातून समोर येईल, असे फडणवीस यांनी स्पष्ट केले आहे. फडणवीस यांनीदेंखील दोन - अडीच वर्षांपुर्वीची ही क्लिप आत्ताच कशी आली असा सवाल केला आहे. मात्र, रामदासभाई कदमांच्या या थेट आरोपांमुळे महायुतीतील अंतर्गत धुसफुस पुन्हा एकदा चव्हाट्यावर आली आहे.