शेर्ले दुकानवाडीतील आगीत ७० लाखांचे नुकसान; चार गाळे, चार गोडाऊन खाक! शॉर्टसर्किटचा प्राथमिक अंदाज, पोलिसांकडून तपास सुरू

Breaking News

टाइम्स स्पेशल: प्रशासनाचा 'क्रीज' सोडून जिल्हाधिकारी मनुज जिंदल 'पीच' वर जिल्हा क्रीडा अधिकाऱ्यांच्या बाॕलवर जिल्हाधिकाऱ्यांचा 'चौकार'
टाइम्स स्पेशल: कोजागिरीच्या पूर्वसंध्येला रत्नागिरीत रंगणार काव्य मैफल, रसिकांना मेजवानी!
टाइम्स स्पेशल: संगमेश्वर तालुक्यातील मुरादपूर गावाने मारली बाजी; डिजिटल पीक पाहणी सर्वेक्षण १००% पूर्ण करणारे ठरले पहिले गाव!
टाइम्स स्पेशल: रिस येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: वाचन प्रेरणा सन्मानाने श्रद्धा कळंबटे सन्मानित
टाइम्स स्पेशल: काशी विश्वनाथ धाममध्ये रायगडच्या पं. उमेश चौधरी यांच्या स्वरांचा निनाद!, वाराणसीत शास्त्रीय गायनातून शिवभक्तीचा सुरेल आविष्कार
टाइम्स स्पेशल: ह.भ.प. गणेश भोईर यांचे निधन
टाइम्स स्पेशल: धनादेश अनादरप्रकरणी आरोपींची निर्दोष मुक्तता
टाइम्स स्पेशल: मालवण नगरपरिषदेच्या पर्यावरणपूरक गणेश सजावट स्पर्धेत गौरेश कांबळी प्रथम, समीर वायंगणकर द्वितीय तर भूषण मेतर तृतीय
टाइम्स स्पेशल: अंत्योदय शिधापत्रिकाधारकांना नोव्हेंबर महिन्यासाठी ३५ किलो मोफत अन्नधान्य मंजूर जिल्ह्यातील ३७ हजार १६५ कुटुंबांना होणार लाभ
टाइम्स स्पेशल: सम्यक प्रबोधिनी जामसंडे (मुंबई) गाव शाखा मंडळाच्या विद्यमाने धम्मचक्र प्रवर्तन दिन तथा अशोक विजया दशमी कार्यक्रम संपन्न
टाइम्स स्पेशल: अवनी नेनेची रशियातील पशुवैद्यकीय अभ्यासक्रमासाठी निवड, वाडा हायस्कूलमध्ये शुभेच्छा समारंभ उत्साहात
टाइम्स स्पेशल: पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग!, ओरोस-देवगड थेट मार्गाचा राज्याच्या रस्ते विकास आराखड्यात समावेश
टाइम्स स्पेशल: पडेल येथे ७० वा धम्मचक्र प्रवर्तन दिन उत्साहात साजरा
टाइम्स स्पेशल: कुणकेश्वर हायस्कूलच्या खेळाडूंची तालुकास्तरीय स्पर्धेत खेळाडूंची चमकदार कामगिरी, जिल्हास्तरीय स्पर्धेसाठी निवड
टाइम्स स्पेशल: काव्यवाचन स्पर्धेत बांद्याचा नैतिक मोरजकर राज्यात द्वितीय
टाइम्स स्पेशल: राष्ट्रीय एकता मोटरसायकल रॅलीचे बांदयात स्वागत; 'फाईट अगेन्स्ट ड्रग्ज'चा रॅलीतून संदेश
टाइम्स स्पेशल: शिवनारीच्या युवा शक्तीचा गाव विकासासाठी पुढाकार, लोक वर्गणीतून प्रवासी निवारा एस. टी.शेड बांधण्याच्या कामाचा शानदार शुभारंभ
टाइम्स स्पेशल: दसऱ्यानंतर कणकवलीच्या गावऱ्हाटी देवतांचे सीमोल्लंघन, ढोल-ताशांच्या गजरात आणि फटाक्यांच्या आतषबाजीत देवतांचे स्वागत
टाइम्स स्पेशल: आंबव पोंक्षेतील प्रकाश पोंक्षे यांनी स्वखर्चाने बांधले बंधारे, सेवानिवृत्तीनंतर देखील सामाजिक कार्याचा आदर्श

Breaking News

शेर्ले दुकानवाडीतील आगीत ७० लाखांचे नुकसान; चार गाळे, चार गोडाऊन खाक! शॉर्टसर्किटचा प्राथमिक अंदाज, पोलिसांकडून तपास सुरू

टाइम्स स्पेशल

2026-10-19 00:00:00

टाइम्स स्पेशल

बांदा : (प्रतिनिधी) - शेर्ले दुकानवाडी येथे शनिवारी रात्री साडेअकराच्या सुमारास लागलेल्या भीषण आगीत अशोक एकनाथ धुरी, जयवंत एकनाथ धुरी आणि जगन्नाथ एकनाथ धुरी यांच्या दुकानाचे सुमारे ७० लाख रुपयांचे नुकसान झाले. या आगीत दुकानाचे चार गाळे, आतील चार गोडाऊन खोल्या, किराणा साहित्य, भुसार माल, वजनकाटे, फ्रिज, मसाला कांडप मशीन, रॅक, महत्त्वाची कागदपत्रे तसेच दुकानाच्या भिंती जळून खाक झाल्या. दसरा-दिवाळी सणांच्या पार्श्वभूमीवर मोठ्या प्रमाणात मालाची साठवणूक करण्यात आली होती. त्यामुळे धुरी कुटुंबीयांचे मोठे आर्थिक नुकसान झाले आहे. याप्रकरणी अशोक एकनाथ धुरी यांनी दिलेल्या फिर्यादीवरून शॉर्टसर्किटमुळे आग लागल्याचा प्राथमिक अंदाज व्यक्त करण्यात आला असून, बांदा पोलीस या घटनेचा तपास करीत आहेत.

https://ratnagiritimes.in//assets/images/2020/add/2020/sky22.jpg

शनिवारी रात्री साडेअकराच्या सुमारास दुकानाला अचानक आग लागली. काही क्षणांतच आगीने रौद्ररूप धारण केले. आगीच्या ज्वाळा उंच उसळू लागल्याने परिसरातील नागरिकांची धावपळ उडाली. घटनेची माहिती मिळताच शेर्ले, बांदा आणि आसपासच्या परिसरातील नागरिकांनी घटनास्थळी धाव घेत आग विझविण्यासाठी प्रयत्न सुरू केले. काही नागरिकांनी स्वतःचा जीव धोक्यात घालून दुकानातील शक्य तितके साहित्य बाहेर काढण्याचा प्रयत्न केला. मात्र, आगीची तीव्रता वाढल्याने मोठ्या प्रमाणात साहित्य जळून खाक झाले. आगीची माहिती मिळाल्यानंतर रात्री १२.१५ वाजता सावंतवाडी नगरपरिषदेचा अग्निशमन बंब सर्वप्रथम घटनास्थळी दाखल झाला. मात्र, आगीची तीव्रता प्रचंड असल्याने एका बंबाच्या मदतीने आग आटोक्यात आणताना अडचणी येत होत्या. त्यामुळे कुडाळ, वेंगुर्ला आणि दोडामार्ग येथील अग्निशमन बंबांनाही पाचारण करण्यात आले. त्यानंतर चारही ठिकाणच्या अग्निशमन दलाच्या जवानांनी आग विझविण्यासाठी शर्थीचे प्रयत्न केले. मध्यरात्रीपासून पाण्याचा मारा करून आगीवर नियंत्रण मिळविण्याचे प्रयत्न सुरू होते. अखेर रविवारी पहाटे पाचच्या सुमारास आग आटोक्यात आणण्यात यश आले.

टाइम्स स्पेशल

सणासुदीच्या काळात विक्रीसाठी मोठ्या प्रमाणात मालाची खरेदी करून ठेवली असताना ही दुर्घटना घडल्याने धुरी कुटुंबीयांवर आर्थिक संकट ओढवले आहे. मेहनतीने उभा केलेला व्यवसाय काही तासांत आगीच्या भक्ष्यस्थानी पडल्याने शेर्ले दुकानवाडी परिसरात हळहळ व्यक्त होत आहे. घटनेची माहिती मिळताच बांदा पोलीस ठाण्याचे पोलीस निरीक्षक पंकज शिंदे यांच्यासह पोलीस कर्मचार्‍यांनी घटनास्थळी धाव घेतली.