ग्रामपंचायत कामकाजाची प्रशासकीय आधिकारी वेळेत तपासणी करत नसल्याने कागदपत्रांची अनियमितता, सभेत देवानंद पालांडे यांनी निदर्शनास आणले

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

ग्रामपंचायत कामकाजाची प्रशासकीय आधिकारी वेळेत तपासणी करत नसल्याने कागदपत्रांची अनियमितता, सभेत देवानंद पालांडे यांनी निदर्शनास आणले

टाईम्स स्पेशल

2026-10-29 00:00:00

टाइम्स स्पेशल

वैभववाडी (प्रतिनिधी) - ग्रामपंचायतींच्या कामकाजाची देखरेख ठेवणारे प्रशासकीय अधिकारी वेळेत तपासणी करत नसल्याने काही ग्रामपंचायतींमध्ये अनियमितता होते. यामुळे ऐनारी ग्रामपंचायतीने ५६ हजार निधी खर्च केलेला दाखवून सहा महिने संबंधित वस्तुंची खरेदी केली नसल्याचा गंभीर प्रकार पंचायत समिती सदस्य देवानंद पालांडे यांनी सभागृहाच्या निदर्शनास आणून दिला. ग्रामपंचायतींच्या खरेदी व्यवहारांची सखोल तपासणी करून हे प्रकार तातडीने थांबवावेत, अशा सूचना सभापती सिद्धेश रावराणे यांनी दिल्या. वैभववाडी पंचायत समितीची मासिक सभा सभापती सिद्धेश रावराणे यांच्या अध्यक्षतेखाली संपन्न झाली. यावेळी उपसभापती साची कोलते, गटविकास अधिकारी प्रमेश वाघ, सहाय्यक गटविकास अधिकारी स्नेहा माने, पंचायत समिती सदस्य देवानंद पालांडे, साधना नकाशे यांच्यासह सर्व खात्याचे खाते प्रमुख उपस्थित होते. या सभेत ग्रामपंचायतींचा कारभार, निधीचा विनियोग आणि प्रशासकीय अधिकार्‍यांच्या कामकाजावर चर्चा झाली. पंचायत समिती कार्यालयासमोर ऐनारी गावातील ग्रामस्थांनी केलेल्या उपोषणाच्या पार्श्वभूमीवर देवानंद पालांडे यांनी ग्रामपंचायतींच्या कारभाराबाबत प्रश्न उपस्थित केले. ग्रामपंचायतींची नियमित तपासणी करणे, सुरू असलेल्या कामांचा आढावा घेणे आणि शासनाचा निधी योग्य पद्धतीने खर्च होत आहे की नाही, याची खातरजमा करणे ही पंचायत समितीच्या संबंधित अधिकार्‍यांची जबाबदारी आहे. मात्र, ही जबाबदारी प्रभावीपणे पार पाडली जात नसल्याने काही ठिकाणी अनियमिततेला वाव मिळत असल्याचे त्यांनी सांगितले. या ग्रामपंचायतीने ५६ हजार रुपयांचा निधी खर्च केला; मात्र सहा महिने उलटूनही संबंधित वस्तूंची खरेदी झालेली नसल्याचा मुद्दा त्यांनी उपस्थित केला.

https://ratnagiritimes.in//assets/images/2020/add/2020/sky22.jpg

निधी खर्च झाल्याचे दाखविले जात असेल, तर प्रत्यक्षात वस्तू उपलब्ध आहेत की नाहीत, याची तपासणी होणे आवश्यक आहे. निधी खर्च होऊनही वस्तू उपलब्ध नसणे हा गंभीर प्रकार असून, याकडे प्रशासनाने दुर्लक्ष करू नये, असे पालांडे यांनी स्पष्ट केले. तसेच अधिकार्‍यांनी वेळोवेळी ग्रामपंचायतींची तपासणी करून खर्चाच्या नोंदी आणि प्रत्यक्ष उपलब्ध वस्तू यांची पडताळणी केली असती, तर अशा प्रकारांना आळा बसला असता. मात्र, तपासणीतील दिरंगाईमुळे अशा प्रकारांना प्रोत्साहन मिळत असल्याचा आरोपही त्यांनी केला. ग्रामपंचायतींनी आवश्यक वस्तूंची खरेदी शक्यतो जिल्ह्यातील विक्रेत्यांकडून करावी, अशी अपेक्षा असताना काही ग्रामपंचायतींनी भुदरगड येथे जाऊन खरेदी केल्याचा मुद्दाही पालांडे यांनी उपस्थित केला. जिल्ह्याबाहेरून खरेदी करण्यामागील कारणे तपासण्याची गरज असल्याचे सांगत त्यांनी या व्यवहारांबाबत संशय व्यक्त केला. खरेदी केलेल्या वस्तूंची प्रत्यक्ष उपलब्धता, खरेदीची बिले, त्यावरील जीएसटीची नोंद आणि निधी खर्चाच्या कागदपत्रांची सखोल तपासणी करावी. कागदोपत्री व्यवहार आणि प्रत्यक्ष परिस्थिती यामध्ये काही तफावत आहे का, याची खातरजमा करावी, अशी मागणी त्यांनी केली. यावर गटविकास अधिकारी प्रमेश वाघ यांनीही निधी खर्च झाल्यानंतर संबंधित वस्तूंची खरेदी झालेली असणे अपेक्षित असल्याचे स्पष्ट केले. त्यामुळे या प्रकरणात प्रत्यक्ष वस्तूंची उपलब्धता आणि खर्चाच्या नोंदी यांची पडताळणी महत्त्वाची ठरणार आहे.

टाईम्स स्पेशल

सभापती सिद्धेश रावराणे यांनीही ग्रामपंचायतींच्या कामकाजाची वेळोवेळी तपासणी करण्याच्या सूचना अधिकार्‍यांना दिल्या. ग्रामपंचायतींमध्ये काही अनियमितता आढळल्यास संबंधितांची जबाबदारी निश्चित करून दोषींवर नियमानुसार कारवाई करावी. पंचायत समितीच्या हिरकणीच्या बैठकीला अधिकारी अनुपस्थित राहतात व पदाधिकारी मात्र उपस्थित असतात यावर उपसभापतीं सांची कोलते यांनी नाराजी व्यक्त केली. हिरकणीच्या बैठकीला पदाधिकारी उपस्थित असतानाही संबंधित अधिकारी अनुपस्थित राहिल्याचा मुद्दा उपसभापती साची कोलते यांनी उपस्थित केला. हिरकणीच्या बैठकिला अधिकारी येणार नसतील किंवा त्यांना उशीर होणार असेल, तर त्याबाबत साधा संदेश देण्याचीही तसदी घेतली जात नसल्याबद्दल त्यांनी नाराजी व्यक्त केली. पदाधिकारी बैठकीसाठी वेळेत उपस्थित राहतात; मात्र अधिकारीच अनुपस्थित राहिल्याने पदाधिकार्‍यांना त्यांची वाट पाहावी लागते. अशा परिस्थितीत नेमके कोणी कुणाची वाट पाहायची, असा सवाल उपसभापती कोलते यांनी उपस्थित केला.