सावंतवाडी पाणीपुरवठा योजनेचे थांबलेले काम पुन्हा सुरू; २६ जानेवारी २०२७ पर्यंत काम पूर्ण करण्याचा पालिकेचा निर्धार

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

सावंतवाडी पाणीपुरवठा योजनेचे थांबलेले काम पुन्हा सुरू; २६ जानेवारी २०२७ पर्यंत काम पूर्ण करण्याचा पालिकेचा निर्धार

टाईम्स स्पेशल

2026-10-24 00:00:00

टाइम्स स्पेशल

सावंतवाडी (प्रतिनिधी) : सावंतवाडी शहरासाठी 'महाराष्ट्र सुवर्ण जयंती नगरोत्थान महाअभियान' अंतर्गत मंजूर असलेल्या ५६ कोटी रुपयांच्या नळ पाणीपुरवठा योजनेचे थांबलेले काम आता पुन्हा वेगाने सुरू होणार आहे. या योजनेबाबत प्राप्त झालेला 'थर्ड पार्टी ऑडिट रिपोर्ट' (त्रयस्थ तांत्रिक लेखापरीक्षण अहवाल) पालिकेच्या विशेष सर्वसाधारण सभेत सादर करण्यात आला असून, पुणे येथील 'सीओईपी' (COEP) तंत्रज्ञान विद्यापीठाकडून या कामाचा दर्जा समाधानकारक असल्याचा अहवाल देण्यात आला आहे. त्या धर्तीवर येत्या २६ जानेवारी २०२७ पर्यंत ही योजना पूर्ण करून सावंतवाडीकरांना मुबलक पाणीपुरवठा करण्याचा निर्धार नगराध्यक्षा सौ. श्रद्धा लखम सावंत-भोसले यांनी व्यक्त केला आहे. नगराध्यक्षा सौ. श्रद्धा सावंत-भोसले यांच्या अध्यक्षतेखाली सावंतवाडी नगरपरिषदेची विशेष बैठक पार पडली. मुख्याधिकारी विनायक औंधकर यांच्यासह सत्ताधारी व विरोधी पक्षाचे नगरसेवक उपस्थित होते.

https://ratnagiritimes.in//assets/images/2020/add/2020/sky22.jpg

या योजनेच्या कामात तांत्रिक दोष असल्याच्या तक्रारी नगरसेवक व नागरिकांनी केल्यामुळे काम थांबले होते. त्यानंतर COEP विद्यापीठाच्या स्थापत्य अभियांत्रिकी विभागाचे सहयोगी प्राध्यापक डॉ. नामदेव हेडाऊ यांच्यामार्फत त्रयस्थ लेखापरीक्षण करण्यात आले. मात्र, बैठकीदरम्यान अहवाल सादर करणारे प्राध्यापक निवडणुकीच्या कामामुळे अनुपस्थित राहिल्याने भाजप नगरसेवक ॲड. सिद्धार्थ भांबुरे यांनी जोरदार आक्षेप नोंदवला. अहवालातील काही पाने गहाळ असल्याचा आरोप करत प्रश्नांची उत्तरे कोणाकडून मिळणार, असा सवाल त्यांनी उपस्थित केला. यावर शिवसेना नगरसेवक बाबू कुडतरकर, ॲड. सायली दुभाषी , सुधीर आडीवरेकर,देव्या सूर्याजी यांनीही प्रशासनाला धारेवर धरले. तर नगरसेवक देवेंद्र टेमकर आणि तौकीर शेख यांनी बैठकीत राजकीय वाद न घालता लोकांच्या पाण्याचा प्रश्न सुटण्यासाठी तातडीने निर्णय घेण्याची मागणी केली. माजी नगराध्यक्ष तथा नगरसेवक संजू परब यांनी, "थर्ड पार्टी ऑडिट पूर्ण झाले असून अहवाल समाधानकारक आहे. आता जास्त चर्चा न करता ठेकेदाराकडून गुणवत्तापूर्ण काम करून घेणे व नागरिकांना वेळेत पाणी पुरवणे ही पालिकेची व मुख्याधिकाऱ्यांची जबाबदारी आहे," असे स्पष्ट केले.

टाईम्स स्पेशल

मुख्याधिकारी विनायक औंधकर यांनी बैठकीत माहिती देताना सांगितले की, आतापर्यंत २७ कोटी रुपयांचे बिल अदा करण्यात आले असून उर्वरित सुमारे ५२ टक्के काम पूर्ण करण्यासाठी ६ विशेष टीम्स तैनात करण्यात आल्या आहेत. यात इंजिनिअर्स, सुपरवायझर्स आणि प्लंबर्सचा समावेश असेल. शहरात ३०० मीटरची मुख्य लाईन टाकणे बाकी असून, पाणीपुरवठा सुरळीत होऊन लोकांपर्यंत पाणी पोहोचेपर्यंतची संपूर्ण जबाबदारी ठेकेदार कंपनीची असणार आहे. या योजनेच्या खुदाईमुळे शहरात ठिकठिकाणी खड्डे पडले असून रस्ते खराब झाले आहेत. यामुळे नागरिकांचे अपघात होत असल्याचे नगरसेविका वीणा जाधव, अजय गोंदावळे, नीलम नाईक, आनंद नेवगी आणि सुधीर आरवडेकर यांनी निदर्शनास आणून दिले. त्यावर नगराध्यक्षांनी स्पष्ट केले की, तात्पुरत्या कोल्ड मिक्सने भरलेल्या रस्त्यांचे काम आता हॉट मिक्स पद्धतीने करून सर्व रस्ते पूर्ववत व खड्डेमुक्त केले जातील. नगराध्यक्षा सौ. श्रद्धा सावंत-भोसले यांनी सांगिते की, पाळणेकोंड धरण योजनेतून मिळणाऱ्या पाण्यासोबतच दुष्काळी परिस्थितीत पाळणेकोंड, केसरी चिवारटेकडी आणि नरेंद्र डोंगर पाणी पुरवठा योजनेतून पाणीपुरवठा सुरळीत ठेवण्याचे नियोजन आहे. २६ जानेवारी २०२७ पूर्वी योजना पूर्ण करून सावंतवाडी शहराला कायमस्वरूपी मुबलक व स्वच्छ पाणीपुरवठा केला जाईल.