खेर्डी कातळवाडीचा पाणीप्रश्न कायमस्वरूपी सोडवण्यासाठी पालकमंत्री उदय सामंत यांचे प्रशासनाला निर्देश

Breaking News

टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: शरद पवारांच्या भेटीला अजितदादांचे आमदार जाणार, वेळ मागितली! राष्ट्रवादी पक्षाच्या एकत्रीकरणात मोठी घडामोड
टाइम्स स्पेशल: अवनीश कुलकर्णीची अष्टपैलू चमक! १७ धावांत चार बळी आणि ४० धावांची खेळी; लाईनअप ॲकॅडमी विजयी
टाइम्स स्पेशल: चार दिवसांपासून बेपत्ता ग्रामसेवकाचा मृतदेह जंगलात आढळला; महाड तालुक्यात खळबळ!
टाइम्स स्पेशल: दीपावली सणाच्या दिवशीच दैनिक रत्नागिरी टाइम्स च्या
टाइम्स स्पेशल: कोणतेही डायलिसिस सेंटर बंद पडू देणार नाही, रुग्णांना वाऱ्यावर सोडणार नाही :आमदार किरण सामंत यांचा आक्रमक पवित्रा आणि राज्यात पहिला आवाज!
टाइम्स स्पेशल: गणपतीपुळेसह आरे वारे परिसरात समुद्रकिनाऱ्यावर विक्रमी गर्दी, पाच लाख पेक्षा अधिक पर्यटक कोकणात!
मोठी बातमी: गोकुळच्या सत्तासंघर्षात महायुतीने राजकीय डाव साधलाच, राजेश पाटील नवे अध्यक्ष; सतेज पाटलांना धक्का, कोल्हापूरचे राजकारण तापले.!
टाइम्स स्पेशल: धीर सोडू नका, टोकाचा निर्णय घेऊ नको , शिवसेना तुमच्या पाठीशी : उपमुख्यमंत्री एकनाथ शिंदे यांची शेतकऱ्यांना ग्वाही
टाइम्स स्पेशल: भरतशेठ गोगावले यांच्याशी राजकीय मतभेद आता संपले; आमच्यात मतभिन्नता शिल्लक नाही!आमदार शेखर निकम यांच्या मंत्रिपदाबाबत प्रदेशाध्यक्ष सुनील तटकरे यांचे महत्त्वपूर्ण विधान
टाइम्स स्पेशल: चांदोर उगवतीवाडी येथे शिवसेना (उबाठा) पक्षाचा भव्य जाहीर पक्षप्रवेश; विविध पदाधिकार्‍यांच्या नविनियुक्त्या व विकासकामांचे भूमिपूजन
टाइम्स स्पेशल: हंगामाआधीच कोकणच्या राजाची एंट्री! धोकवडे गावातून आंब्याची पहिली पेटी वाशी बाजारात
टाइम्स स्पेशल: दिवाळीच्या निमित्ताने ज्येष्ठ नागरिकांच्या आयुष्यात उजळला नव्या दृष्टीचा प्रकाश; छोटमशेठ यांच्या पुढाकारातून १० ज्येष्ठ नागरिकांना मोफत नेत्रोपचार, स्वतःच्या वाहनातून पनवेल येथे ने-आण
टाइम्स स्पेशल: झिराड आदिवासीवाडीत दिवाळीनिमित्त मिठाई व फराळाचे वाटप, दिलीप भोईर ऊर्फ छोटमशेठ चॅरिटेबल ट्रस्टचा सामाजिक उपक्रम
टाइम्स स्पेशल: राष्ट्रवादी विद्यार्थी काँग्रेसने जपला माणुसकीचा धर्म; आर्यन वराडकर, वेदांत पडवळ यांनी वृद्ध आजींना सुखरूप पोहोचवले घरी!
टाइम्स स्पेशल: म्हसळा शहरात ‘अभंग रिपोस्ट’ कार्यक्रमातून दुष्काळग्रस्तांना मदतीचा हात, राष्ट्रवादी काँग्रेस व दाजी विचारे फाउंडेशनतर्फे १ लाख ११ हजारांची मदत
टाइम्स स्पेशल: सार्थक मळेकरने अडखळ येथे बनविलेल्या जंजिरा किल्ल्याच्या प्रतिकृतीला उस्फुर्त प्रतिसाद
टाइम्स स्पेशल: मुख्यमंत्री समृद्ध पंचायत राज अभियानामध्ये मंडणगड तालुक्यातील तोंडली गावाला जिल्हास्तरावर द्वितीय क्रमांकाचा मान
टाइम्स स्पेशल: नाम. योगेशदादा कदम यांचे प्रयत्नाने पाजपंढरी कफ परेड एसटी बस सेवा पूर्ववत सुरु
टाइम्स स्पेशल: भडकंबा येथील ज्येष्ठ सामाजिक कार्यकर्ते सीताराम उर्फ दादा दुधाणे यांचे दु:खद निधन

Breaking News

खेर्डी कातळवाडीचा पाणीप्रश्न कायमस्वरूपी सोडवण्यासाठी पालकमंत्री उदय सामंत यांचे प्रशासनाला निर्देश

टाईम्स स्पेशल

2026-10-30 00:00:00

टाइम्स स्पेशल

चिपळूण (ओंकार रेळेकर) - खेर्डी येथील डोंगराळ भागात वसलेल्या कातळवाडीतील नागरिकांचा पाणीप्रश्न कायमस्वरूपी सोडवण्यासाठी आता प्रशासकीय स्तरावर हालचालींना वेग आला आहे. रत्नागिरी जिल्ह्याचे पालकमंत्री तथा उद्योगमंत्री उदय सामंत साहेब यांनी कातळवाडीच्या पाणीप्रश्नाची गांभीर्याने दखल घेत जिल्हा परिषद पाणीपुरवठा विभागाला आवश्यक कार्यवाही करण्याचे निर्देश दिले आहेत. युवासेना सरचिटणीस उमेश खताते यांच्या सातत्यपूर्ण पाठपुराव्यामुळे या प्रश्नाला आता निर्णायक दिशा मिळण्याची आशा निर्माण झाली आहे. खेर्डी कातळवाडी ही डोंगराळ भागात आणि गावापेक्षा उंच ठिकाणी वसलेली वाडी आहे. त्यामुळे येथील नागरिकांना पाणीपुरवठ्याच्या समस्येला वारंवार सामोरे जावे लागते. ग्रामपंचायतीच्या बोअरवेलच्या माध्यमातून वाडीला पाणीपुरवठा केला जात असला, तरी उपलब्ध पाणीपुरवठा व्यवस्था अपुरी पडत असल्याने नागरिकांना गैरसोयीचा सामना करावा लागत आहे. विशेषतः यंदाच्या गणेशोत्सवाच्या काळात कातळवाडीतील नागरिकांना पाण्याअभावी मोठा त्रास सहन करावा लागला. सणासुदीच्या दिवसांतही पाण्यासाठी करावी लागणारी धावपळ ही नागरिकांसाठी चिंतेची बाब ठरली. नागरिकांची ही अडचण लक्षात घेऊन युवासेना सरचिटणीस उमेश खताते यांनी पालकमंत्री दय सामंत यांच्याकडे कातळवाडीचा पाणीप्रश्न कायमस्वरूपी मार्गी लावण्याची मागणी केली. या मागणीची दखल घेत पालकमंत्र्यांनी पंचायत समितीच्या पाणीपुरवठा विभागाला आवश्यक कार्यवाही करण्याचे निर्देश दिले होते.

https://ratnagiritimes.in//assets/images/2020/add/2020/sky22.jpg

त्यानंतर पंचायत समितीचे उपसभापती संदेश आयरे यांनी पाणीपुरवठा विभागाच्या अधिकाऱ्यांना खेर्डी येथे पाठवून प्रत्यक्ष पाहणी व सर्वेक्षण करण्यास सांगितले. पाणीपुरवठा विभागाच्या अधिकाऱ्यांनी केलेल्या सर्वेक्षणामध्ये सध्या अस्तित्वात असलेली दोन इंची पाणीपुरवठा पाइपलाइन बदलून तीन इंची पाइपलाइन टाकल्यास कातळवाडीतील पाणीपुरवठा अधिक सुरळीत होण्यास मदत होईल, असे निदर्शनास आले. त्यानुसार पंचायत समितीच्या पाणीपुरवठा विभागाकडून या कामासाठी सुमारे २६ लाख रुपयांचे अंदाजपत्रक तयार करण्यात आले. त्यानंतर उमेश खताते यांनी संबंधित अंदाजपत्रक व आवश्यक पत्रांसह पालकमंत्री उदय सामंत साहेब यांची भेट घेतली. यावेळी त्यांनी कातळवाडीतील नागरिकांना भेडसावणाऱ्या पाणीटंचाईची सविस्तर माहिती देत हा प्रश्न केवळ तात्पुरता न सोडवता कायमस्वरूपी सोडविण्याची मागणी केली. नागरिकांना वारंवार पाण्यासाठी संघर्ष करावा लागू नये, यासाठी आवश्यक पाइपलाइनचे काम लवकरात लवकर पूर्ण करण्याची गरज त्यांनी अधोरेखित केली. या मागणीची दखल घेत पालकमंत्री उदय सामंत यांनी जिल्हा परिषद पाणीपुरवठा विभागाला संबंधित कामाबाबत तातडीने कार्यवाही करण्याचे निर्देश दिले आहेत. त्यामुळे कातळवाडीतील नागरिकांना भविष्यात नियमित व पुरेसा पाणीपुरवठा उपलब्ध होण्याच्या दृष्टीने सकारात्मक वातावरण निर्माण झाले आहे.

टाईम्स स्पेशल

कातळवाडीतील पाणीप्रश्न हा अनेक वर्षांपासून नागरिकांच्या दैनंदिन जीवनाशी संबंधित महत्त्वाचा विषय आहे. पिण्याचे पाणी ही मूलभूत गरज असून, त्यासाठी महिलांसह ज्येष्ठ नागरिक आणि सर्वसामान्य ग्रामस्थांना त्रास सहन करावा लागू नये, यासाठी या प्रश्नावर कायमस्वरूपी तोडगा निघणे आवश्यक आहे. याच भूमिकेतून उमेश खताते यांनी पंचायत समिती, जिल्हा परिषद आणि पाणीपुरवठा विभागाकडे सातत्याने पाठपुरावा सुरू ठेवला आहे. आता पालकमंत्र्यांनी दिलेल्या निर्देशांनंतर संबंधित विभागाकडून पुढील कार्यवाही होऊन २६ लाख रुपयांच्या अंदाजपत्रकानुसार प्रस्तावित कामाला मंजुरी मिळावी आणि प्रत्यक्ष पाइपलाइनचे काम लवकर सुरू व्हावे, अशी अपेक्षा कातळवाडीतील नागरिक व्यक्त करत आहेत. कातळवाडीचा पाणीप्रश्न कायमस्वरूपी सुटावा आणि प्रत्येक घरापर्यंत नियमित पाणी पोहोचावे, यासाठी आपण कटिबद्ध असून, संबंधित विभागांकडे आपला पाठपुरावा सुरूच राहील, अशी भूमिका उमेश खताते यांनी घेतली आहे. या कामाला अंतिम मंजुरी मिळून प्रत्यक्ष अंमलबजावणी सुरू झाल्यास कातळवाडीतील नागरिकांना मोठा दिलासा मिळणार असून, अनेक वर्षांपासून भेडसावणाऱ्या पाणीसमस्येवर कायमस्वरूपी उपाययोजना करण्याच्या दिशेने हे महत्त्वाचे पाऊल ठरणार आहे.